بسم الله الرحمن الرحيم
السلام عليكم حوائيات
::::::::::::
اللهم لك الحمد كما ينبغي لجلال وجهك وعظيم سلطانك ..
:::::::::::
حبيت اقولكم قصة ولادتي للفائدة و ع شان تدعولي ..
بداية التاسع رحت وشيعت وتطمنت ع البيبي وقالت الدكتورة بعد اسبوعين
يصير مافي خطورة إذا ولدتي..
المهم انتظرت اسبوعين وبعدين أخذت مشروب يقولون انة يسهل الولادة
ونزلت موضوع (عنوانة يلا نجرب )
أخذت علية اسبوع ونص وبعدين رحت لأهلي وكان التاريخ 10\6
والدكتورة قالت الولادة 13\6
استخرت وحسيت نفسي ماني مرتاحة من المشروب ذا وتركتة
وجلست انتظر الولادة إلى يوم 19ماجت الولادة النفسية زفت رحت لمستوصف خاص
وشيعت قالت كل شيء تمام بس انتظري 4أيام إذا ماجت الولادة روحي للمستشفي يولدونك
لانك مطوفة12 يوم وهذا خطير ع البيبي ..
المهم وادعي خايفة من العملية ..
وكل هذا ولافي اي يوادر للولادة بالمرة
واجلس ثلاث ايام واخذ مع الفجر كاس حليب وعلية زيت خروع .. وانتظر ينزل شيء
ولا كأني اخذت شيء واخذ ملعقة زيت خروع مركز .. وانتظر لين طفشت واروح ارقد
وقمت الساعة 11 احس بمغص خفيف وينزل (الله يكرمكم كل إلي ببطني) وحسيت براحة
فضيعة وكملت نومه ..إلى الساعة 1 بديت احس بالطلق (بس ماكنت ادري انة طلق احسة مغص قوي )
ونزل مني سائل لزج شفاف فية عروق دم .. عطول ع امي قلت لها فرحانة اني حسيت بشئ
المهم قالت امي احسبي بين الطلقة والثانية اذا اخذت 10 دقائق علميني
رحت اتفقد شنطتي واحسب ماياخذ الطلق 4 او 5 دقائق واقول لها قالت روحي خذي دش بسرعة وع المستشفى
(امي كانت خايفة من المشروب لانة يفتح الرحم ) وندخل ع الطواري الساعة3 تقريبا تكشف الدكتورة قالت 2 سم
صدمة كل هذا الطلق و2 بس ونطلع على التنويم اناوامي نمشي ف الأسياب ..
جت الدكتورة قالت إشاعة (شيعت لان المستشفى إلي اراجع فية غير عن المستشفى إلي ولدت فية)
قالت إذا ماولدتي قبل الفجر نعطيك طلق صناعي وأناخايفة من الطلق (لانة مع البكر غالبا يفشل )
وصلت الساعة 3ليل وأن خلاص بموت طلق متواصل مع رجفة وع هالوضعلين الفجر جت الممرضة يلا الدكتور بيعطيك تحميلة
قلت ماأبغى دكتور ابغى دكتورة قالت الدكتورة عندها حالة إذا خلصت تجيك قلت يلا عسى في التأخيرة خيرة
ومن الفجر إلى الساعة9 ماجت إلاوانا خلاص بفطس جت على اساس بتعطيني تحميلة طلق ولما كشفت قالت 4 سم يلا ما يحتاج طلق
انزلي الكشك لمينا اغراضنا ونزلنا ..
دخلت الكشك وأمي جلست في انتظار الكشك .
المهم دخلت لقيت ممرضات سعوديات زي العسل (الله يحفظهن من كل مكروه)
لبست لبس الولادة وركبو لي جهاز قياس النبض والطلق والمغذية
قالت لهن (أبغى دكتورة ما أبغى دكتور الله لايسامحكن إذا دخل علي رجال )
قالت لي لا تشيلين هم أنتي وحدة منا إذا ماتبغين والله مايدخلون
وعلى هالوضع وامر الطلق من 35 إلى 39لدرجة اني استفرع وارجف
عطتني مسكن وقالت نامي ع جنيك البيبي تعبان حاولت ماقدرت
بعدها يجيني إغماء وصحيت إلا والستارة ومقفلة بيني وبين الجهاز واصوات دكاترة
ناديت الممرضة قالت كويس فقتي سألتها وش فية قالت راس البيبي نزل في الحوض والرحم توة 6 سم
قلت طيب سوو عملية قالت مانقدر كيف نطلع البيبي فوق بس بنعطيك تحاميل تفتح الرحم وان شاء الله تنفع
وتعطيني تحاميل إلا والجهاز يطلع صوت نادو الدكتورة ناظرت في الجهاز وجت كشفت قالت باقي 6 قالت ارفعي رجولك فوق
رفعتها وربطوها لي قالت الممرضة ( حالة غريبة طلق قوي ينزل البيبي بس مايقتح الرحم ) وبعدين جت وكشفت قالت 8 سم
الممرضة قالت الحمد لله واحسها مسكينة حزينة علي شوي تجي وتمسح على شعري وشوي تعطيني موية وشوي تمسح يدني ورجولي ب جليسوليد
وافيق وانا نايمة ع جنبي وحاطين علي اكسجين وملحفيني الدكتورة واقفة تمسح على فخذي ...
ومن الألم رجعت على ظهر وكشفت 9 سم قالت يلا نجهز لوضعية الولادة
وشوي قالت يلا ولادة (عاد هنا مشفر ) الساعة 2ونص
وبعد فترة إلا وصياح البيبي ولد مبروك توريني اياها وتسوي لي قسطرة للبول
وتطلع المشيمة وتبدا تخيط وتطلعني على غرفة الإفاقة وتجي الممرضة وتعطيني وجبةعصير وتمر وماء
وأكل شوي جتني ممرضة فلبينية قالت يلا روحي دورة المياة قلت ما أقدر أقف قالت لازم في بول إلحين تجي الدكتورة تكشف
حطت لي جزمتي وجت توقفني إلا وأطيح وما حسيت في عمري إلا والارض (الله يكرمكم )ولبسي كلها دم والممرضة حقتي
عندراسي تخاصم في الفلبينية ويسدحوني على السرير ويركبوا لي مغذية تخلص القى امي عند باب الكشك تنتظر ويطلعونا على التنويم
فوق إلا وزوجي وامه عندنا طبعا وقت زيارة الساعة اربعة ..
إن شاء الله أكمل لكم قصتي ...
أبي منكم طلب تدعون لأمي لأنه تعبت معي الله يجزها عني كل خير
يكفي أنتظارها عند باب الكشك من الساعة 9إلى 4
Good Girl... @good_girl_4
عضوة نشيطة
يلزم عليك تسجيل الدخول أولًا لكتابة تعليق.
لولو ليوني
•
الحمدلله على سلامتك والف مبروك ماجبتي يتربى بعزك
الصفحة الأخيرة