قصة ولادتي >> رحلة معاناة >>> حياكم يا بنات

بسم الله الرحمن الرحيم

طبعا اقص لكم فلم الرعب اللي عشت فيه اثناء ولادتي

موعد ولادتي كان المفروض 1/2/2006
وموعدي طاف عليه كم يوم وكان المفروض اروح تاريخ 5/2/2006 للدكتورة حتى تكتب لي تحويل للطلق الصناعي اذا ما صارت ولادة

قعدت تارخ 5/2/2006 على اساس اروح الموعد سبحان الله الساعة 6 ونص الصبح قمت نزلت علي الموية تبع الجنين بكمية كبيييييييييرة حتى اني خفت اتحرك

وزوجي كان بالدوام لانه نظام نوبات وكان بيرجع الساعة 7 ونص اتصلت فيه وقال انة بالدرب وجريب باوص
على طووول اخذني للمستشفى

وانة الخووووووووووووووووووووووووف يلعب فيني لعب

اول ما وصلت فصخوني ملابسي وركبو علي جهاز قياس الطلق ودقات الجنين والسيلان

طبعا من الساعة 7 ونص انة كنت هنااااااك وبدا معي طلق خفييييييييييييف

وانة بالطوارئ وحالات ولاادة كثيييييييرة ومافي اسرة كفاية حتى كانت بجني حالة ولادة طارئة ولدوها يمي

كنت اسمعها تصرخ صرييييييييييييييييييييييييخ :06: :06:

وانة قاعدة اضحك عليها واقووول اش هالدلع هذا ماصارت ولاادة قاعدة تصرخ بهالشكل وكانت متوسعة 7 سانتي لما كانت تصرخ هالصريييييييييييخ

وبعد فترة من صريخها المزعج ولدت بالسلامة واول ما سمعت صوت بنتها جاتني الصييييييييحة

وبعدها خفت خوووووووووووف قلت يارب صبرني ليما اولد


جات الدكتووورة ودخلت يدها الكريمة في مغارة علي بابا وقمت اصرخ من الالم

وقالت لي توه 1 سم

:D انة سكت قلت لا توها الناس سالتها متى باولد انشاء الله قالت بالكثير باللي الساعة 12 انشاء الله

طبعا قعدت من الساعة 7 ونص الصبح لي الساعة 6 المغرب والالم يزيزد تدريجيا بس مو الالم اللي يخليني اصرخ قلت الحمدلله انة صبووووووووورة :) :)

وبعدها فضت الغرف الاساسية للدولادة ودوني الغرفة وجات الدكتورة وفحصتني
وكالعادة يدها ما تفرح الا اذا دخلت المغارة

تقول لي 2 سم

بدت رحلة الاحباط عندي

قالت مافي فايدة باعطيج ابرة طلق

طبعا عطني الابرة الساعة 8 المسا بدا الالم الحقيقي الساعة 1 بالليل عطتني الممرضة ابرة عشان تساعدني على النوووم

كنت انام 3 دقايق واصحى من الالم دقيقة بدا الالم يشتد وانة اتحمل والخووووف ذابحني من نهاية هالشي

صارت الساعة 7 الصبح صار لي يوم كامل بالمستشفى جات الدكتوورة وفحصتني

يعني اولمافحصتني قلت انشاء الله تقولي الولادة جريبة لاني خلاااص ماعدت استحمل الالم حطتها يدها الا تقولي للحين 2 سم :44:

انة هني خلاااااااااااااص استسلمت للالم

وقمت اصااااااارخ واطلبمن الدكتوووورة واترجاها انها تعمل لي قيصرية

قالت لي مستحيل اسوي لج قيصيرية مني والطريق

قامت زيدت جرعة الطلق

والالم قااااااام يزييييييييييد


والله اني تذكرت الحرمة اللي كانت تصرخ يمي صراخها ماكان يجي ربع صراخي

قمت اصااااااااارخ لدرجة ان الجناااح بكبره كان يسمع صوووتي


والله يا بنااات لو اقوووول الالم يستحمل اكووون كذابة

الالم كان مؤلم بشكل فضيع

وقاام يزيييد ويزيييد

لددرجة وصل الالم للدفع بس الرحم ماكان مفتووووح

وكنت ادفع الممرضة كانت تهاوشني تقوول لا تدفعني عنق الرحم عندج صاار سميييك من الدفع مو زين لراااس الجنييييين

والرحم مو راضي يفتح وانة اتالم قمت اترجى واترجى ابي قيصيرية

جات الدكتوورة جافت نبضات الجنين قاعدة تضعف

نادو زوجي وخلووه يوقع على القيصيرية وانة بعد

فرحت اني بافتك من هالالم والممرضات كان يزهبوون المكان للعملية

وبعدها بخمس دقايق جات دكتووورة وفحصتني قاللت حراااااااااااام تنعمل لها قيصيرية

هذي مفتووحة 6 سم وراح تنفتح انشاء الله والجنين دقاته تستحمل كم ساعة

انة قمت اصرخ اكثر اقووولها لااااااااااااااااااااااااااااااااااااااااااااااااااااااااااا


ابي قيصيرية

خلاااااااااااااااااااااااااااص فكوووووووووووووني ريحووووووووووني


قالت انشاء الله راح نسوي لج العملية بس غرفة العمليات احين فيها وحدة خل نخلص منها بعدها مباشرة انتي


قامت تكذب علي عشاان تصبرني

كانت تجي وتروووح وتجيكني من تحت وتحاول توسعني

انة كنت باهرب من المستشفى كنت باشيل السيلااان والاجهزة واقوووووول حاولو يصبروووني

اخذت الاوكسيجين ورميته على الارض ورميت جهاز الضغط وكنت بارفس الممرضة برجووووولي من الالم

جات الساعة 12 وربع قاالو توسعتي 9 سم خلااااااص ما بقى شي حاولي تدفعين

قمت ادفع بكل قوتي

حسيت بشي وده يطلع

قمت ادفع بقوة بقوة

طلع راااااس البيبي

وطلع حمووودي اولما طلع كل هالاللام تروووووووووووووووووح

ويهووون كل شي

طبعا باكون صريحة معاكم


السبب االرئيسي للشي اللي صاار لي وبطئ توسع عنق الرحم كاااااااااان الخووووووووووووووووووووووووووووف

كنت اقرا قصص ولادات كثييييرة وكنت اخاااااااااااااااااف وهذا الشي صعب ولادتي

يعني حاولو ما تخااافوووون

بالنسبة لشق العجان ما حسيت فييييه بالمرة

اما الخياطة فالمها خفيف يحتمل بالنسبة لالم الولادة

الله يسهل عليكم جمييييييييييييييييييييييييييييييييييييييييييييييييعا

وذكروا الله