الحمد لله ولدت في 12-9 في رمضان وموعد ولادتي في 25-9 .
المهم من اخر الشهر السابع وانا معاي الله يكرمكم إسهال لحد ماوصلت التاسع وبدأت أمشي لأن كان نفسي أولد بدري بس وطبعا بدأ رمضان وفطرنا أول يوم مع اهل زوجي في الطائف ونزلنا وثاني يوم بعد الفطور طلعنا لأن عمتوا ماتت ورحت هناك أكشف قالتلي الدكتورة مفتوح 1,5 سم فرحت وطبعا كان تجيني الام طلق قالتلي كثري جماع وامشي ماكذبت خبر رحت مشيت ساعه وسوينا .....و شربت عصير أناناس سيزر الأخضر كان يمشي بطني الله يكرمكم وبدأت الألام تخف وفي الليل ترجع جلست اسبوع على ذا الحال ولما رجعت جده طبعا تعبانه من الطريق جاني خبر وفات جدي (الله يرحمه)
ومانمت الليل وفي الصباح رحت مكه ومعروف العزى كيف تعب على اهل الميت الحمد للهما رجعت الا 3 الفجر مستويه من التعب لأني ماجلست وفي الليل قالولي اشربي خروع اخذت ملعقه وحده وثاني يوم بدأت الألأم ورجولي مي شايلتني اخذني زوجي نمشي لأن مارضيلي أحضر ثاني يوم قال اوديكي الثالث وفي اليوم الثالث رحت للدكتوره قالت مفتوح 2,5 سم ووسعتلي شوي خلته 3سم ومنعتني اخرج من جده قالت على مسؤليتك روحي امشي ومن وقتها ماوقف الدم رجعت البيت وحضرت الفطور وبع العشا قمت نظفت المجالس على قولهم تنظيفت العيد مع إن في شغاله بس قلت عشان ينفتح الرحم ورتبت شنطتي .
والساعه 12 رحت السوق عشان امشي وأكمل أغراض البنات وانا في السوق بدأ الطلق
كان كل نص ساعه ورجعنا البيت واتسحرت يعني بصوم :21:
وشربت بعدها ملعقتين خروع وبدأ الجد صليت الفجر ورحت انام من فين يجي النوم رابطت في :3_13_11:
وهم ناموا وصرت اخذ تمر وأمشي في الصاله وابو الشباب قام كم مره يقولي اودكي وأنا اقول بدري لما صارت الساعه 8,5 خلاص خفت أتأخر وأولد في السياره لأن فقيه بعيد شوي المهم صحيتوا قلتله خلاص مافي وقت ووصيت الخدامه على البنات واستودعتهم الله :3_10_6:
ووصلت المستشفى الساعه 9إلا ربع والحمد لله لقيت الدكتورة موجوده عندها عمليه بس اشهد بالله معاي من وقت مادخلت لحد ماخلصت وكشفت الممرضه وقالت 4,5 بس أشك إنها كذابه لأن جات الدكتورة وفتحت المويه ولما سألتها قالت 6 وأعطتني الكمام :39:
شي مريح وماأخذت ربع ساعه إلا وأنا والده صرت أدفع لوحد وأنادي الدكتورة ولما فتحت الغطا لقيت النونو خارجه وصار زوجي ينادي دكتور التخدير والحمد لله خرجت الحلوة من هنا وأنا معد ادري عن الدنيا واااااااوووووو احلى شعور لما ماتحسي بكل شي والحمد لله رزقت بأحلى بنوته ربي يخليلي هي واخواتها ويحفظهم .
mooon.girl @mooongirl
عضوة نشيطة
يلزم عليك تسجيل الدخول أولًا لكتابة تعليق.
حبيبة هيموو
•
الحمدلله ع السلامة
الصفحة الأخيرة