قصة ولادتي زي ما وعدتكم....

ولدت قبل 3 اشهر ونص بس وعدتكم احكيلكم قصتي... في 20 من الشهر التاسع زاد عندي الزلال وحكولي لازم تولدي
نمت بالمستشفى ليلة بعد ما حطولي اشي اسمه بالون كان التوسع واحد صار خمسة تاني يوم الصبح...وبعدها حطولي طلق صناعي ونزلوا ماية الراس من الساعة 9 الصبح وبدا الطلق يقوى شوي شوي وانا اطلق وانا نايمة على ظهري شفت الموت بعيوني طلق طلق طلق وضليت هيك الى الساعة 9 بالليل وصار التوسع 10 وراس البيبي صار واضح وكل ما تيجي الطلقة يبين وبسرعة يطلع لفوق ساعة ونص وانا في حالة صراع وما عدت قادرة اكمل وخاف علي وعلى البيبي وحولوني على العمليات لان راس البيبي عالي... ورحت على غرفة العمليات وانا مغمى علي من الوجع والتعب... وما صحيت غير وهو الدكتور يصحيني ويسألني ايش بدك تسمي بنتك؟ حكيتله زينة بس بدون وعي.... وصحصحت شوي شوي اخدوني على الغرفة وجابولي بنتي بعد نص ساعة ... كانت تطلع فيي وما تشيل عينها عني وانا احكي في داخلي معقولة هاي الببيبي كانت قبل نص ساعة في بطني.... بحبها كتيييييييييييييييييييييييييير زينة حبيبتي...
و****لله تقوموا بالسلامة....