قصة ولادتي عشان تتفاءلي ,تعالي لا تخافي حياك الله

السلام عليكم

اشتقت مرررررررررررة لهالقسم كنت مداومة عليه بشكل يومي أيام حلوة والله ,المهم بنات أنا ولدت من خمس شهور وجبت أحلى بنوتة قمر الله يحفظها هي و كل أولادي قولو آمين

ما أبغى أطول عليكم أبغى أقلكم قصة ولادتي عشان تتفاءلو أنا أعرف الخوف لي يسيطر على الحامل من

يوم الولادة بس لا تخافو مع الدعاء بإذن الله بتتيسر , المهم قبل يوم الولادة كنت متزاعلة مع زوجي فقلتله

ممكن نطلع نتمشى برة عشان نتفاهم ما أبغى أحسس عمي وحماتي بالمشكلة هما كانو زيارة عندنا جاؤو

من مدينتهم عشان يساعدوني الله يجزيهم الخير ,طلعنا وجا يفتح السيارة فقلتله لا حابة أمشي لازم أمشي

,كنت فياليوم العشرين من شهري,تمشينا لمدة عشر دقائق وفضينا الخلاف الحمدلله وتسوقنا للبيت ولما

رجعنا قلتله أبغى أطلع الدرج, قلي لا رح تتعبي تعالي للأصنصير لا تجني فقلتلو لا ما أتعب لا تخاف يمكن

بالعكس تتسهل ولادتي,بيتنا في الطابق الخامس ومكان الدرج مافي شبابيك يعني وصلت البيت وأنا مقطوع

نفسي من التعب, ثاني يوم الصبح الساعة 7 قمت على وجع في بطني زي المغص فدخلت الحمام لكن الوجع

ماراح وأنا غايب عن بالي موضوع الولادة وأنه ممكن يكون طلق مدري ليش,,رجعت فتت الحمام الله يكرمكم بس الوجع كان بيزيد ,

كان زوجي قاعد بيفطر وبيستعد للشغل ,حسيت في شي غريب لا ما هو مغص عادي هذا طلق لأني تذكرت

في ولاداتي السابقة أن هذا الشعور أنك تبغي تفوتي الحمام بس ما في شي هو بسبب نزول الرأس

للحوض,فقلت لأبو الشباب أنا بولد قلي متأكدة قلتلو إي ما في وقت ونزلنا السيارة وطبعاً أخدت معي تمر

,جلست في السيارة أتلوى من الألم وأكبت صرختي,زوجي انتبه أنو لابس الشبشب فردتين مختلفتين :wink2:
قلي

استني شوي أبدلهم

قلتلو وأنا أصرخ أنا بووووووووووولد فاضطر يروح المشفى وهو كده:39:, المهم رحنا المشفى وكنت

عالطريق باكل تمر يعني تقريبا تمرتين أو ثلاث بس بالغصب ,فتت فوراً على كشك الولادة عشان يشوفو

كم فاتح عنق الرحم وطلع 7 سم ,كل هالكلام صار بنصف ساعة تقريباً فانزلت من السريرألبس عبايتي

عبالي أروح غرفتي الأول وبعدين الولادرة زي العادة ,كنت أفرك فرك من الألم فقالتلي

القابلة فين رايحة أنتي ولادة , اتصلت بدكتورتي واتأكدت هي من القابلة من فتح عنق الرحم,,جلست

عالكرسي وكنت بدعي على بشار مع كل طلقة الحمدلله اتذكرت ,ودعيت بالفرج لأخوتنا السوريين وطبعاً

لنفسي وزوجي وأولادي

,وجات الدكتورة ولحقتني يعني كانت القابلة هي بتولدني عشان خلاص الراس نازل في الحوض من وقت

كنت في البيت ,ما طولت بيدين الدكتورة ولدت بعد ما جت بعشر دقائق والحمدلله يعني ولدت تقريباً الساعة

تمانية ونص الصبح ,مدة الطلق والولادة كانت ساعة ونص الحمدلله أولا وآخيراً, نسيت أقلكم زوجي حضر معي الولادة وكان ماسك يدي وبيصبرني عاد شعور حلو تصدقون:wink2:

الحين قاعدة بكتبلكم وبنتي بتضحك جنبي ربي يحفظها , حبيت أكتب قصتي عشان تتفاءلو بنات وتذكرو

,المشي وطلعة الدرج والتمر سهلو ولادتي بس قبل كل شي الدعاء والله يابنات كنت أدعي في كل صلاة

وأقول يارب إجعل ولادتي هي المرة أسهل مرة ,بنات أوصيكم بالتمر ولاتنسواامذكور في القرآن لهذا السبب

وله فوائد كبيرة ,

أخيراً أتمنى لكل حامل تقرا قصتي إن ربي يجعل ولادتك أسهل من ولادتي يا رب ويجبر بخاطرك ويقر عينك بولدك