قصة ولادتي في الجافـل مع الدكتوره نجاة ¶

السلام عليكم ★
انا اليـوم راح اقول لكم قصة ولادتي في مشفى الجافــل بالرياض ^_^
حبيت اكتبها لأني نذرت اذا قمت بالسلامه لأكتب لكم قصتي مع الاستغفاااار وقيـام الليل الي بسببها تسهلت ولادتي ياربي لك الحمد
اول شي كنت اراجع 3شهور الاولـى عند الدكتوره حنان البحيري رووووووعه هالدكتوره ولادتي الثانيه كانت عمليه وهي الي سوتها لي ...بس للأسـف سـافرت ....
احترت وين اولد وانا عندي عمليه سابقه وعندي بناتي الله يحفطهن ينجنن لو اروح عنهن ساعه ..بعد ماشفت ان حنان سافرت قلت خلاص بسافر لـٲهلي وبعدين اذا جيت يصير خير كان مالي نفس في المراجعات وبعد محتاره فين اراجع وفين اولـد سافرت وانا لي ثلاث شهور ونص جلست عند اهلي واول 10ايام من رمضان كنت توي داخله السادس ومع الصيام تعببببببت مره من الكلى صارت تووووووجعني مره مغص شديد وقتها لمت نفسي ليش اهملت المراجعات خصوصا ان عندي غده والمراجعه ضروريه المهم بعد مافطرت عند اهلي صليت المغرب ورجعت بنام شوي الا ويجيني مغص قوووي في ضهري خفت
هذي اعراض ولاده على طوول اتصلت بزوجي ورحنا للمشفى سوو لي تحاليل قالوا صديد والتهابات قووويه وسويت ٲشاعه طلع نزول بالمشيمه. كل هذا من اهمال بالمراجعه ...
المهم وقتها انا ماكنت اعرف جنس الجنين وسبحان الله كنت متوقعه انها بنت لان كل ماحد شافني قالو انتي تشبهي امك بالشكل وبكل شي واكيد بتجيبي بنات مثلها لان امي جابت خمس بنات بعدين اولاد ..ههههههه وانا كنت اعقنعت نغسي وزوجي انه خلفتنا بتكون بنات هههه << ياحلو البناااات ياناس.
سألت الدكتور الي يسوي اشاعه. ولد ولا بنت قال على طووووول ولـــد. انا اول ماسمعته سكت جاني برووووود اقولكم عندي قنااااعه اني بجيب بنت المهم حرص على الرااااحه اولا واني اراجع بستمراار عشان اتطمن على الجنين والمشيمه
بعدها صرت اراجع وكل شي سليم الحمدلله بعد مارجعت من السفر رجعت لمشفى الجافل وصرت ارجع عند الدكتوره نجاة امتياز صراحه قمه في التعامل والاخلاق بس عيب المشفى انه اكثر المراجعين هنووووود وباكستانيين يعني تحسين نفسك غريبه بينهم كأني مو غي السعوديه
ساألت الدكتوره الولاده طبيعي ولا عمليه قالت الامور الان تشير ان الولاده طبيعي ان شاءالله. توكلت على الله وكنت ارااجع عندها لين دخلت التاسع المهم يوم صرت في الاسبوع الثاني رحت مراجعه الا وادخل في قسم النساء وتطلع الدكتوره من غرفتها تصااارخ وتسب وتروح للاداره وهي تصارخ والناس تتجمع عليهم بصراحه النفسيه عندي عدم لاني خاااايفه من الولااده. ويوم شفتهم اخذينها للاداره خفت اكثر قلت اكيد مســويه مصيــبه وانـا اروح لـوحـده واسألها وش القصـه وش فيـه قالت انو فيه وحده تراجع عند الدكتوره وكان معها اعراض ولاده والدكتوره قالت لها بدري على الولاده وكتبت لهـا خـروج وبعد ماطلعت ولدت في السيـــاره ...حسبي الله عليهم
وكان زوج الحرمه مشتكي عليها انـا صراحــه حسيت الدنيا تسكرت في وجهي
رجعــت البيت وانا ابكي خايفه من الولاده وخايفه على بناتي ويـن اوديهم ومـن كل شي لاني تعباااااااااانه نغسيا ومع التفكير في الولاده صرت ماعاد اتحمل شي
توكلت على الله وقلت ماراح اروح الا وقت الولاده المهم صرت استغفـر كثييييييييير وامشييييييييييييييييييييي كثييييير مررره والله ماتصدقون شكثر كنت امشي قسم بالله خسرت نص وزني في 10ايــام بس اولا من التفكير وبعدين من المشي
ومع آخـر 5ايـام من التاسع صارو قريباتي وخواتي يتصلو عليه هاه ماولدتي هاه ليــش تـأخـرت ... الله يسهل عليك فلانه ولدت وانتي لااا
يالله والله صرت اكره اسمع رنة الجوال منهم اعوذبالله
اتصلت علي امي الاثنين قـالت تكفين روحي شوفي يمكن الرحم فتح ولا لا لاني ببنتي مافتح غير 2سانتي لمدة اسبوع مع الطلق الصناعي لين خلاااص ماعاد اقدر اتحمل واخر شي فتح 7سانتي والمفاجئه اختفى الطللللللق ووقف ودخلوني عمليه
المهم :رحـت وقاست الرحم طلع مفتوح 2سانتي مع هالمشي والتعب ....
وسبحااان الله كنت استخييييييير كثير بأن الله يختار لي الخــيره وين في الطبيــعي والا القيــصري قالت الدكتوره يومين وتولدين رحت امشي امشي لين انهد حيلي جيت البيت تسبحت بماء داااافي ونمت قمـت الظهر على مغص خفيف وافرازات ورديييييه فرحت عرفت انه قربت اخلص وارتااح.
استمريت كذا لين المغرب الم بسيييط رحت مشييييت فجاءه وانا امشي حسيت عمليتي توووووجعني
يعني كإنه كوي نــار مكان العمليـه حتى ماقدر احط ايدي عليها خفت ورجعت البيــت. ونمت شوي على 10قمت من الالم ومغص شوي
سويت كاس حليب دااافي وشربتــه اخـذت المصحف وجلست اقراء سورة البقـره لين 1 بداء الطلق يشتغــل يعني كل ربع ساعه لين الساعه 7 الصباح خلااااااص ماني قادره اتحمل وانا من المغرب معـي موياات يعني مره كثير مره خفيف رحت المشفى قالت السستر يالله بشوف كم فاتح الرحــم لان الدكتوره ماتجي الا على 9 تتوقعون كم مع هالمغص وهالطلق الي كان بيكسر ظهررري موووووت
طلع مفتوح 2 سانتي يالله تحطمت بغيت اجـن
يعني الدكتوره حنان صادقه تقول انتي الرحم عندك سميــك وعندك غـده هي الي مسببـه سماكه في الـرحم تكون ولاداتك متعسره
ركبو لي التخطيط وكل شوي تجي السستر تشوف كم فتح الرحم بس انا خلااااص مكان العمليه صار مثل الجرح الم الم مو طبيعي ماقدر اتحمله اتصل زوجي بالدكتوره تجي لاني حاله خاصه عمليه سابقه وطـلق حااامي والمصيبه الرحم مغتوح بسـ2
واخييرا جت شافت مكان العمليـه صارت تضغط عليـه تبغي تشوف اذا كان صحيح توجعني ولا لا انا خلاص صرت اصرخ عليها حرام علـــيك ماقدر اتحمل
اخيرا رحمتني وقالت جهزوها عمليـه
طلعت وانا تجهزت وركبـو لي القســطره
كانت الساعه عشره انتظرت وانتظرت وانا اصيح من مكان العمليه الي يوجعني ومن الطلق الي كسر ظهري
سمعني زوجي طلع للاداره وهزءهم قالو طيب هي عندها الان عمليه وزوجتك راح تدخل الثانيــه بعدها ....
حسبي الله كانوا ناوين يخلوني لين تنفتح العمليه واروح فيها
المهم بعدها جات السستر وركبوني الكرسي ولابسوني بطاانيـــه
ودخلونــي الغرفـه حقت العملـــيات يالله شكلها يخووووووووف
جات الدكتور قالـت تبغين نصفــي او كامل
اختـرت نصفي لان الكامل ببنتي اتعبنيييييييي. ـــ حـات الدكتوره الي بتركب لي الابره في ظهري يمــــــــــــه الابره تووووجـــع
حااااااااره صارت الدكتوره حسبي الله عليها تدخلها وتسحبها ناتعرف تركبـــها حاولت اكثر من ثلاث مرااات وانا خلاص ماعاد اتحمل المها بغت تسبب لي شلل في ظهري صرخت عليهم قلت خلاص مابي نصفي كامل كامل قالت خلاص سدحوني ونظفو مكان العمليـه وحطو الكمام علي ويااااااااااااااااه ماصحيت الي في غرفتي وهـــم ينزلوني على الســريـر
وانا اصحى وارجع اغيب ...... والكلمـه الي على لساني /اقول بناااتي وينهم ابغي اشوف بناتـي
يعني ماسألت عن الي جبته. بس المضحك اني اول ماجو يشيلوني ويحطوني على سريري كنت اقول للممرضــات حطوني على جنـب يعني خلوني على جنبي يقول زوحي اول ماحطوك على جنب قلتي لا لا ردوني على ظهري وتصرخين لا لا يمين يمين لا شوي يسار على جنب <هههههههههه يقــول زوجـي مسكينات مايدرن ويش يسون فيك والله كأنهم يسفطون سيـاره <هههههههههه
والحمدلله انتهـت قصتي على خيـر
بس بقول لكـم شي والله العظيـم اني اول ماقالو امشي مشيت على طوووول ولا كإني مسويه عمليه اتحرك عادي اجلس لحالي بدون مساعده الم العمليه مايذكر ومع المسكنات ماحس بشي والكحه ماجاني شي الحمدلله ..ماشاءالله
السبب الاستغفار والدعاء والصدقه. وانا كنت استخيير لين ولدت ان كان العمليه خيـر يارب تيسرها والحمدلله تيسرت
حتـى الكل استغرب اني اتحرك كذا بدون مساعده خلال اسبوع واحـد راااح الم العمليه وكل شي ياربي لك الحمد
ماشاءالله لاقوة الا بالله
والحمدلله جبـت ولــد الله يحفظه /
واخييرا طولت عليكم اعذروني