قصة ولادتي في الحبيب

السلام عليكم
كيفكم ياكروشات والله وحشتني سواليفكم ؟
الحمد لله ولدت وجبت ولد .......... ولادتي كانت في الحبيب ... طبعا انا دخلت العاشر ب 14 يوم ووزن الطفل زاد بشكل كبير
رجت للمستشفى يوم الاربعاء 2 \ 11 وكان معاي نزيف خفيف وجلست الى الساعة 4 عصر وطلعتني الدكتورة بحكم اني ما عندي طلق قوي ... صحيح اشوف الطق يرتفع بس ما احس فيه .. الممهم اليوم الثاني جيت خلاص ولادة وبيعطوني طلق صناعي
الكلام هذا الساعة عشر صباحا كشفت علي الدكتورة لقت الرحم 2 سم وتعطيني اول ابرة طلق الساعة 12 ظهر ... الكشف الثاني الساعة 6 المغرب وتلقى الرحم باقي 2 سم :06: وتعطيني الابرة الثانية وكلها في داخل الرحم وانا والله ما احس بألم
المهم انهم صاروا كل 3 ساعات يجون يكشفون والالم يزيد وانا ماتغيرت .... في الاخير جات الممرضة واعطتني ابرة في العضل الساعة 12 الليل قالت هذا مسكن وهي كذابة طلعت ابرة طلق مزودين المعيار شوي
وبعدها يابنات آه آه آه :eek: الله يكتب اجرنا ياالحريم وش هذا الالم لدرجة اني كنت ابكي واضم بنت خالتي ياحبي لها
واقلها خلاص ابي اموت واجلس من شدة الالم واعطوني الاكسجين اللي ما فادني بشي
المهم ياحبايبي وتجي الساعة وحدة الا ربع تقريبا وتدخل دكتورة باكستانية اسمها شاكرة الله لا يشكر فضلها
وتكشف علي ... والله ما أدري هي ماخذه سجارة حشيش قبل ما تجي عندي :o تخيلوا انها تكشف علي وتغمظ عيونها وتهز راسها وتغني وتقول ( بااااااااااااااااقي اتنين سانتي )
وطلعت ورجعت بعد خمس دقايق وهي تمشي تسأل الممرضات من متى هذا هنا قالوا لها من الصبح وترجع تكشف مره ثانيه وتقول ( بيبي خلاص تعبان ممكن موت نبض مرة ضعيف) ما دري هي شايفتنا بقر ما نفهم كان اقوم واطالع في النبض الا وهو زين وتقوم عليها بنت خالتي وتنفر فيها وش هاكلام ليش بيبي تعبان ، كان تقول لازم عمليه قيصري
وعاد انا قمت ابكي خايفه على ولدي والله اني نسيت الالم
وتقوم ام عبير وتطلع لزوجي وتقول له ويرجع عليها يهزئها
طبعا انا من الخوف سبحان الله نزلت موية الراس وسبحان الله يابنات خلال دقايق وينفتح 7 سم وبسرعة اعطوني ابرة الطهر
والحمد لله جات الدكتورة سحر الله يوفقها انسانه قمر وولدتني وكنت في بداية الولادة ما اعرف ادفع وجات وعلمتني بطيبة قلب وسوت لي الخياطة تجميلية بخيوط تذوب بالجسم
طبعا الدكتورة سحر وقفت للدكتورة شاكرة وقالت لها مالك دخل هذي مريضتي وخليها تاخذ وقتها لأنها بكرية

والحمد لله رب العالمين شرف ((( عمر ))) وبعدها نقلوني لغرفتي ونمت وقلبي متعلق بولدي كل شوي اطالع بالشاشة

تكاليف ولادتي 10000 ريال شاملة كل شي ( ولادة وغرفة خاصة و ابر طلق وابرة ظهر وغير الادوية والابر المسكنة بعد الولادة )

ويارب عقبال البكريات ونصيحو لاتتنفس الوحدة في بيتها الا اذا معها امها او احد كبير له خبرة بالأطفال لأن بتكونين في حاجة انك تنامين واحد يمسك طفلك ، انا كنت بكابر واتنفس في بيتي بس مر اسبوع وانا كل يوم ابكي واتصل على امي
وفي الاخير سافرت عند امي بعد ما تنفخت لدرجة ان امي بكت من شكلي وطول الوقت كانت خايفه من الجلطات الله يكفينا واياكم