أهلين يالكروشات والنفوسات
كنت واعده أقولكم قصة ولادتي وهذاني نومت البنوته واكتب لكم
طبعا أنا في أمريكا لظروف الدراسه انا وزوجي طبعا قبل ما أجي بشهر دريت اني حامل
كنت مبسوووووطه ولا شلت هم نفاس بس أمي واخواتي شالوا همي مره
المهم طبعا ارسلوا لي أغراض النفاس ورتبت وضعي وكان عندي احساس اني بولد بدري
فكل شي مجهزته , المهم طبعا أنا ادرس لغه ولازم لازم ادرس وما أجلس لان فيزتي طالبه
انا اراجع حملي عند دكتوره كنت ما ارتحت لها << لا حظوا اني ما كنت احبها
لما دخلت الشهر التاسع قالت الدكتوره بسوي كشف نشوف الرحم مفتوح
وطبعا كان ذاك الموعد شؤم لأنه بيوم زواج اختي وانا دمعتي على خدي هم يردحون وأنا كشف
و حوسه وهم مايعلم به الا الله
المهم كشفت علي وااااااااااااااااو قالت الرحم فاتح 3سم أنا :08: وقالت يمكن هالاسبوع تولدين
مدري افرح او ابكي لما رجعت البيت على طول جلست ارتب بيتي واطلع اغراض التفاس واعلبها
و الملابس اغسلها و حووووووووووووووسه
بعدها كل شوي اقول هاه طلق نروح والا ما نروح المستشفى مع العلم ان ما عندنا سياره
والتاكسي حظ نصيب احيانا نتصل ويجي في خمس دقايق واحيانا يرصنا ساعه فكان هالشي مزعجني
طبعا كنت ادعي في كل صلاة اني أولد في الاسبوع 38 منها يكون الطفل ما يحتاج حضانه ومنها
اكون خلصت دراسه وعشان الحق على رمضان
المهم خلص الاسبوع وماولدت وياربيييييييه وكنت بالاسبوع 37 ورحت وكشفت ولقته 4 سم ولا فيه اي طلق
طبعا كنت خايفه انه يضرني انه مفتوح بس وكلت أمري لله
بعدها خلااااااص اخذت اجازه من المعهد لأني ثقلت وتعبت وهم تفاهموا معي وقالوا مو لازم تمتحنين نهائي
راح ناخذ المعدل للامتحانات الدوريه فالحمدلله
المهم دخلت الاسبوع 38 ورحت للموعد وانا اقول ترى بارجع زي مارحت المهم تكشف والرحم يضل 4سم
بس قالت شوفي هالويك اند انا ماراح امسك المناوبه فاللي ماسكها طبيب رجال
انا قلت لاااااااااااا حرام ما أبي قالت هذا الجدول بس الاثنين انا موجوده اما الاربعا فبسافر
أنا قالت هالحكي والا ماقالته خنقتني العبره وطلعت وقلت لزوجي ورحت كلمت موظفة الاستقبال
قالت اذا رحتي المستشفى قولي ابي حرمه
طبعا نظام المستشفى انه متعامل مع كذا عياده وكل عياده ترسل دكتورهم حسب المريض اذا هو تبعهم
المهم قال زوجي اولا ترى لو ولدك رجال وش بيشوف كلها اشياء مقرفه قلت طيب وجهي ما ابيه يشوفه
وهذيك اللحظه اكيد بكون متكشفه قال ابد ثقي بالله وذا هذا حرصك ربي بيكتب ان اللي يولدك حرمه
المهم رجعت البيت وكان يوم جمعه قال زوجي يالله قومي نامي شوي قلت لا باقرا سورة الكهف
قريت وجلست ادعي ان اللي تولدني حرمه وتكون ولاده سهله
المهم قمت ذاك اليوم ونظفت البيت وبعدها نمت بدري وقمت الصباح
و الا معي مغص والم زي ألم الدوره واحس كأن الدوره علي مرررره
وانا خايفه اروح ويفشلوني وارجع
المهم شاورت زوجي قال يالله قلت طيب بعد صلاة العصر نروح
المهم صليت استخاره اني اروح او لا وبعدها قلت لزوجي يالله دق على التاكسي
المهم اتصل وما يردون وانا الالم يجي ويروح شبه منتظم كل ربع ساعه كل نص ساعه
قال زوجي يالله امشي قلت لجارنا امريكي يوصلنا وفعلا وصلنا المستشفى ودخلت غرفة الطلق والولاده
غيرت ملابسي وانا خااااااايفه وجلست على السرير كشفت علي القابله قال رحمك مفتوح من 5 الى 6 سم
باتصل بدكتورتك ابلغها اذا تنويم او ترجعين البيت
سألتها قلت من بيولدني لو هي ولاده قالت رجال قلت لا مابي ابي حرمه حتى لو من عياده ثانيه قالت لا هي مالها
دخل فيك انتي مو تبع عيادتهم انا مرررررررره ضاق صدري قال زوجي ابد ربي بيسر لك توكلي على الله
المهم جت القابله قالت عندي لكم اخبار حلوه اليوم راح تولدين ودكتورتك راح تجي تولدك أنا خلااااااااااااص
فرحت قال زوجي انا قايل لك ربي بيسرها
قلت بقوم اصلي أجل قبل , صليت المغرب والعشا جمعا لأني خفت اولد قبل
جت قالت يالله بما ان طلقك بارد باعطيك طلق صناعي بالوريد قلت اخاف يوجع قالت بحط جرعه بسيطه
الحمدلله ماكان مؤلم مره وبعدها جت وزادت الجرعه جسيت بشوي ألم
قالت يالله بافتح المويه قلت اخاف يعور قالت لا وورتني اللي بتدخله يفتح المويه والا شي طويل بلاستيك
قلت يالله , المضحك انه كل ما جا كشف من تحت قلت لزوجي يالله برا مستحيه منه :35:
ويوم فتحت المويه والا يبدا الطلق الصدقي شي صراحه مؤلم حتى جلست افرفر من الألم
وهي تجي تحاكيني وانا ما ادري وين الله حاطني من الالم مع انها حطت لي شي يخليني اهلوس
بس والله حسيت بكل شي وما بغيت ابرة الظهر كنت خايفه منها
المهم وفجأه وانا تلوى من الطلق واصارخ :( واتمسك في السرير واتمسك في زوجي وفي القابله
حسيت بشي ودي ادفع وانتم كرامه كأني ابغى الحمام
قلت لها ابي ادفع قالت اصبري شوي الحين يتجي الدكتوره لا تدفعين لييييين تجي
وانا مرررررررره خلاص قالت يالله نبدا فيما تجي الدكتوره
طبعا زوجي انحاش لأنه ما يبي يشوف البلاوي
وادفع وادفع ولاطلع شي واناظر الا دكتورتي جات فرحت
وجابوا العده وتقولي القابله يالله امسكي فخوذك و ادفعي وانتي منحنيه على قدام
واقولها ما اقدر تقول وشلون بيطلع البيبي
انتي تدفعين وانتي منسدحه والبيبي ما يطلع على برا بالعكس يدخل
المهم واحاول ابذل جهدي وهم يقولون يالله نشوف شعر البيبي يالله
مره ثانيه حاولي ودفعت بقوه والا ببنتي تطلع و انوااااااااااااع الصياح يا لبى قلبها
:icon28::icon28:
حطوها في حضني والاها تمسك بيدها يدي يالله حسيت بشي حلو
يمكن احساس الأمومه :)
بس ما حبيتها أبد من اول ما شفتها كنت كارهتها ياعمري يا بنتي
بس من جد جتني هلوسه أحس بقي شي بيطلع ثانيه مع اني شفت المشيمه بس
كنت احس بطني فيه شي باقي بعدها خيطتني وماكنت حاسه لنهم حاطين بنج
بعدين نمت أحلى نومه لمده ساعتين جت الممرضه قومتني وقالت يالله روحي الحمام
وغيرت قميصي وقالت البسي حجابك بوديك لغرفتك المهم طلعت لغرفتي
ونمت ويوم قمت الصبح تحممت وافطرت واتصلت عليهم قلت ابي بنتي
وجت وهنا حسيت انها بنتي واحس انها قمر <<القرد في عين أمه غزال
طبعا كان زوجي عنده امتحان نهائي فماجا الا الظهر وكان مره مبسوط بالبنوته
بس خايف يشيلها ,
والدكتوره كنت ظالمتها مره بالعكس طلعت مرررررره كويسه وتعاملها حلو ولا حظوا انها جت على
شاني يا حليلها والله توني احبها
لكن يابنات من جد فرحتي كانت ناقصه كنت اتمنى امي و اخواتي يكونون معي بهالموقف
بس يالله الشكوى لله
ادري طولت عليكم بس حبيت اشارككم , واقول للبكريات لا تخافون والله الولاده ساعه وتنسين
واخيرا الشكر لكل بنات حواء خاصه هنا قسم الحمل اللي كنت مبلشتهم باسألتي وانا حامل وانا الحين نفاس
شكرا لكم :)
Bnt Sudeer @bnt_sudeer
محررة برونزية
يلزم عليك تسجيل الدخول أولًا لكتابة تعليق.
احبه مووووووووووت
•
الف الف مبروووووووووووووووووووك وحمد لله على السلامه وتتربى بنوتتكم بعزكم ....من جد قصته يوم تتكلمين عن اهلك موثره الله يفرجها عليكي ويجمعك مع من تحبين
الحمد لله على سلامتك
وفعلا تعلمنا شئ مفيد أن الجلوس وقت الدفع أفضل من الجلوس
جزاك الله خير
ويارب يجمعك مع أهلك قريب ويفرحوا ببنتك
ويحفظها لك هي وأبوها
دعواتك بأن يسهل لي المولى ولادتي
وفعلا تعلمنا شئ مفيد أن الجلوس وقت الدفع أفضل من الجلوس
جزاك الله خير
ويارب يجمعك مع أهلك قريب ويفرحوا ببنتك
ويحفظها لك هي وأبوها
دعواتك بأن يسهل لي المولى ولادتي
أحبه موووووووووووت
تسلمين ياقلبي عل ىالدعوه الحلوه
والله الممرضه والدكتوره رحموني لما عرفوا ان ما عندي اهل
واللي يضيق الصدر صديقاتي اللي في المعهد ما قدروا يزوروني
لأنه كان امتحانات فمره كان طفش
تسلمين ياقلبي عل ىالدعوه الحلوه
والله الممرضه والدكتوره رحموني لما عرفوا ان ما عندي اهل
واللي يضيق الصدر صديقاتي اللي في المعهد ما قدروا يزوروني
لأنه كان امتحانات فمره كان طفش
الف الف مبروك البنوتة والحمدلله علي سلامتك
انا بعد جارتك بكندا مو بعيدة عنك ولدت لحالي الله يجمعنا باهلنا قريب يارب
انا بعد جارتك بكندا مو بعيدة عنك ولدت لحالي الله يجمعنا باهلنا قريب يارب
الجوهره
فعلا اجلسي وادفعي وقت الطلق مع اخذ نفس عميق
وربي يكتب لك ولاده سهله يااااااااااااارب
فعلا اجلسي وادفعي وقت الطلق مع اخذ نفس عميق
وربي يكتب لك ولاده سهله يااااااااااااارب
الصفحة الأخيرة