قصة ولادتي في بنتي الله يحفظها

كنت في الشهر السادس احس بحاجه زي الكوره تحت القفص الصدري على طول واقول للد كتورة فيه شي هنا مايتحرك من مكانه قالت لي يالله تعالي نشوف بالأشعه وشو هو يوم شافته قالت راس البيبي فوق ما نزل بالحوض قلت متى ينزل قالت لي بالشهر الثامن قلت طيب وجيتها الشهر السابع ماتحرك من محله والرفس تحت طبعا قالت عادي الشهر الجاي يقلب جاء الشهر الثامن وما قلب ضاااااق صدري قلت يالله باقي ذا الشهر ونشوف يوم مر اول اسبووع من التاسع وما قلب قلت هاه وش اسوي قالت احبي قلت امشي قااالت لا اوعيك تمشي بتولدي على المقعد قلت خلاص ويمر الاسبوووع الثاني رحت لها قالت ماقلب 90 بالميه عمليه قالت اه افتكرت مرة جتني هنا سودانيه زي وضعك راحت وقلبته عند دكتور قلي يالله يابنت روحي قلبيها وش تسوووين ورحت عند دكتوره مابغيت دكتور يفتش علي قلت يالله اقلبيه حاولت ما نفع يوم الاثنين ذا الكلام بعدين قالت تعالي يوم الاربعاء احاول مرة ثانيه ذي دكتوره في مستوصف مره شاطره وخلوقه قلت طيب وجيتها وما قلب قالت خلاص عمليه الخميس ماحد يداوم والجمعه روحي السبت وسوي عمليتك وقالت لي بس انتبهي لا تاكلين شي قلت طييب ويوم طلعت منها احس ظهري بس يألمني قلت مو ولاده الولاده لازم مغص معاه كانت الساعه ثمان ليل رحت لأهلي وحطوا العشا قلت مالي نفس تعبانه توي جايه من الدكتوره بعدين جا زوجي واخذني قلت مادري وش فيني احس فيني ولاده قال كل يوم فيك ولاده:angry2: نومت عيالي ونام زوجي وانا انسدحت في ذا الصاله لانيب الي شفت تلفزيون ولا هي نامت ولاهي مشت بس اصيح جا الفجر خلاص ماقدر اتحمل قومت زوجي عيا قال استني لين الساعه ثمان ووديك:09: قلت صل الفجر عيا يقوول تعبان المهم قلت يالله استني وارجع الصاله واصيح:06: جت الساعه ست خلاص ماعاد اقدر قومته مره ثانيه قلت يالله بولد دقيت على اختي قلت تعالي خوذي عيالي قام عمنا بالله وصلى الفجر وقال جيبي نعالي وانت بكرمه والله من الفضاوه قلت يالله جيبيها اخلصي بس وجهزت ثوبه ومشينا ابشركم هذا الساعة سبع وصلنا المستشفى قلت يالله عمليه امس انا رحت للدكتورة قالت عمليه قالت لا اسوي كشف اول كفشت قالت نص صانتي بس قالت بس قلت من امس طلق قالت بجيب الأشعة ونشوووف عمليه او لا قلت يالله شااافت وقالت يالله عمليه ضاااااق صدري مره المهم قالوا لزوجي ادفع فلووووووووووووووووس اول راح زوجي تحت دفع نص الفلوووس واحد ساعدنا الله يجزاااه خير قال لازم كامله قال بجيبها كااااش الحساب فاضي قاله الرجال العصر تجيني ودخلوووووووووني العمليات لهاالحين ضااااايق صدري فتشت عند المصري كنت حاطه الغطا على وجهي وشاله وجريته منه قال ماتبين تسوين عمليه قلت ايه قال افتشي يالله والله مابي بس يارب سامحني المهم قال وش اسمك قلت له قال زي اسم بنتي وحلوه زيك وش تبي انت وحط الكمامه ومادري ويني فيه قومني المصري اصحي اصحي قومني قلت هاه وش جبت ساكت ومخليني صحاني وراح المهم اسال الهنديه وش جبت ساكته عدتها عشر مرات ملت مني وقامت تشوووف ذا الاوراق قالت قيرل قلت وشو ولد ولا بنت قالت بنت انا اعرف انجليزي بس مع المخدر مادري وش اقووول طفشتها حمقت مني وطلعت وش رايكم بقصتي ؟؟؟