قصة ولادتي في مستشفى الروضه بالدمام

                 السلام عليكم ورحمة الله وبركاته
ابقولكم قصتي من يوم دخلت التاسع بكريه كنت دايم افكر واقول اليوم بولد خلاص ويجي بكرا اقول ان شاءالله اليوم  ورحت لدكتورتي وتطمني على الجنين وضعه زين وراسه دخل الحوض وقالت الدكتوره ولادتك طبيعي ميه بالميه وكل الامور تمام التمام  انا الصراحه كنت افكر كثيررر وكنت خايفه وادعي عسئ الله يبلغني فيه لاني  قبل كنت مسقطه واخت زوجي يوم اولدت بنتها اقعدت بس ربع ساعه وتوفت جتني نفسيه من السواليف هاذي نصيحه لكل وحده بكريه لاتفكررررين واجد متى بولد خليها على الله المهم وكليت التاسع كله ورحت لدكتورتي قالت لي تعالي بعد يومين اذا ماولدتي طلق صناعي كان الرحم مفتوح2 سانتي ونص طلقي بارررد حيل كنت اقرا اشياء تحمي الطلق كلها كذب بكذب جماع ومشي واعشاب هي على الله الله كاتب لك يوم  بتولدين فيه ورجعت بعد يومين للدكتوره  ناظرت لي قالت دتني لسه ماولدتيش قلت لها لا قالت طيب تسجيل دخول انا هنا قلبي قام يلعب سامري 😱 حسيت اني هونت خلاص ابي ارجع بيتي ماعاد ابي اولد ودخلوني لغرفة الولاده😰 وركبو علي جهاز الطلق وجهزو كل شي😞الحركه اللي مااحبها كل اشوي يقيسون الرحم كم مفتوح ويفتح وصار3 سانتي وفكو المويه وزاد الالام وكل شوي يزيد صار رحمي مفتوح5سانتي طلعت عيوني👀 من مكانها قعدت اصيح واصارخ من قو الام احس اني مااشوف احد خلاص وقعدت اعاتب نفسي انا وش اللي خلاني اجي ليه انا جيت واقعد اقول ماعاد ابي اولد هوونت 😭 هههههههههههه جتني الدكتوره قالت مو على كيفك خلاص انتي دخلتي العاشر لازم تولدين اشوي اقولهم تكفون عطووني بنج بعدين طلبت ابرة الظهر والدكتور على مايجي قعد ساعه انا طلعت روحي ورجعت الا شوي جاء الدكتور وماكنت ادري ان ابرة الظهر سالفه بعد لازم اعوج ظهري ومااتحرك واذا تحركت يقولون لي لالا وخذيتها بس قعد شوي الا مافي الالام راحت كلها وينفتح رحمي ولا ادري عنه فتح لين 10 سانتي وانا مدري عن الالام الله يوفق من اخترع هالابره والله انها مريحه وبعدين هم حاطين لي طلق صناعي وفتح رحمي عالطول عاد من الساعه 3العصر لين 10 بليل توه رحمي يفتح 10 سانتي وادفع ابي اطلع البيبي ماطلع  ويقلون لي ادفعي الا شوي سبحان الله تغير اتجاه راسه وارتفع لفووق ونقص الاكسجين وعالطول قالو قيصريه انا هنا تحطممممت قعدت ابكي اقول ماابي قيصريه ودخلوني غرفة العمليات وانا ابكي خذيت بنج كامل الا يصحوني شوفي بيبي 👶 جبت ولد ولله الحمد كانو يقلون ولاده طبيعيه ميه بلميه وسبحان الله تحولت لقيصريه  كل شي بيد الله سبحانه  انا الحين  لي شهرين من ولدت وسهرانه مع ولدي مو مخليني اناام 😞 بالنسبه كيف التعامل بالمستشفى حلو مره كل شي يسوونه لك يغيرون لي الملابس ويجون يودوني للحمام (الله يعزكم) ويجوني يقلون لي قومي امشي بالاسياب عادي مافي احد لانه تعرفون القيصريه تعب الحمدالله على كل حال  من ناحية الاهتمام يهتمون فيك وهاذي قصة ولادتي  نصيحه لكل وحده مقبله على الشهر التاسع لاتفكررين خلك عادي ريلاكس الله مااحطه الا كاتب له يوم وينزل فيه عسى الله يسهل على كل حامل ويبلغها بطفلها سليم معافى اللهم امين والله الموفق 🌹🌹🌹
                والسلام عليكم ورحمة الله وبركاته