قمله هانم

قمله هانم @kmlh_hanm

محررة ذهبية

قصة ولادتي في مستشفى النور التخصصي

الحمل والإنجاب

السلام عليكم ورحمة الله وبركاته


بدون مقدمات من حملت ونا مبيته ليل نهار بهالقسم من وحم لثقل لانتظار ولادهـ .. كنت بتجمع مارس وابريل

من جد فيه احلا صحبه الله يسعد قلوبهم كلهم دون استثناء ويسهل على الي ماولدو بالولاده الميسره ..

انا خلصت شهري في 2_4 ومافيه اي بوادر ولاده .. النفسيه كانت دمار .. كنت بس انتظر اي علامة ولاده

وللاسف تقريبا جربت كل شي حليب بزعفران .. يانسون .. مشيت يمكن 3 مرات وزهقت .. لان كان عندي زلال

ورجولي وجسمي متنفخه فصرت حدي ادخل الحمام .. الله يكرمكم وارجع انسدح .. النوم صار مؤلم احس الالام

واوجاع فضيعه صعب اتقلب .. ولدو قبلي كثير كنت افرح واقول يارب انا الي بعدها .. بس ربي ما كتب :44:

وعوشرت هنا خلاص صرت بس ابكي ونفسيتي مره مره معدوومه وكان موعدي عند الدكتوره منى في علوي

تونسي اسبوع وتقرر لي طلق لان بكون كملت عشره ايام بعد التاسع ..وكنت ابولد قبل يجي الموعد :icon33:

يوم السبت الظهر كنت مره مخنووقه وعلى وقت الظهر سولفت مع حبيبة قلبي ام العيال عالواتس وقالت لي

يابنت روحي تنقعي بمويه دافيه وانتعشي وبترتاحين .. وفعلا رحت وعبيت البانيو وجلست استرخيت يمكن

ساعه.. وقمت وشفت افرازات صفرا على فسفوري استغربت وماجاء ببالي انها علامة ولاده ابدن..وكملت يومي طبيعي بس

كنت مخدره نووم وكسل وخمول فضيع..نمت بدري والساعه تقريبا اربع ونص الفجريه صحيت من الم الطلق

انا ماعرف شي اسمه طلق ولا اعرف كيف يجي .. بما اني بكريه بس كان مغص زي الدوره والم في ظهري

مو مؤلم مره محتمل كان يجي ويروح قلت معقول ذا طلق وبديت احسب بالجوال بين كل طلقه وطلقه 5 دقايق

ومافيه لادم ولا مويه ولا شي قمت وسويت حليب زعفران ورحت عالنت قلت بيروح كل ماله يشد ..هنا قلت بصحي زوجي

وصحيته قبل الصلاه وقلت يله نروح .. هو شافني طبيعيه قال نامي .. قلت اقلك قوم اروح مو قادره اتحمل

ولبس ومشينا كنت كل الطريق لاجت الطلقه اشم ورده واطفي شمعه << نصيحة نور وكلي نور وفعلا كانت تخفف الالم

وارتاح 4 دقايق وترجع الطلقه وماكنت ابكي ولا شي ومامعاي احد دخلت من العيادات الخارجيه لان المستشفى فيه صيانه

واخذت ورقه ودخلت عالطواري قلت ولاده وكانو دكتوره هنديه وممرضتين .. وانسدحت عالسرير وكشفت قالت 4 سم ولاده

وزوجي راح ياذن الفجر وجلست لوحدي .. وانا منسدحه اتألم .. دخلت وحده ولدت في بيتها وجات وصار دووشه بالغرفه لان نونتها ماقطعت الحبل مادري المهم انه تعبان


ونا كنت متقطعه عليها مره وافكر بحالتي جت كشفت الدكتوره قالت سته يله الكشك وطلعوني

كنت اسمع اصواتهم ونا عالسرير واقول يارب برجع امشي بهذا الممر ولا بودع دخلت كشك الولاده

وقالو بكريه ونا اتبوسم من قوة الالم بس مدري وش اسوي وماكان فيه الا انا وثلاث اسره بس ومكتب للمرضات


وحمام اعطوني لبس وقالو بدلي بالحمام اللبس بنطلون وبلوزه ومفتوح البنطلون من النص لبسته وحطيت اغراضي بكيس اعطوني

وطلعت من الحمام .. وانسدحت عالسرير وغطو راسي وركبو لي المغذيه وكل هذا ونا ساكته اتفرج
فيه الم الم لايطاق بس الهدووء كان معمم المكان

والكل يسئلني انتي بكريه معقوله :(

المهم زاد الالم وكانت الساعه 10 ونص دخلو وحده ثانيه ولاده وصراخها فقع راسي من اول الممر

انا هنا اقول يارب يارب تسكت مابغا اتوتر كنت هاجده وصابره ودخلت وحطو لا الجهاز حق النبض وفكت والعصا حقت المغذيه رمتها

كانت قدامي وفاتحين ستارتي وستارتها يعني على عينك ياتاجر فرجه .. حطيت المخده على وجهي لان مو قادره


هي قدامي وصرخت صرخت لين فجئه طنشوني وراحو لها ويشجعونها وفجئه ولدت يالله ولدت وتقول الحمد لله


ونا اقول ياحظها ياحظها يارب انا تعبت ارحمني يارب وخيطوها بدون بنج وهي تبكي وتقول بنجوني صرت افكر انا بالبنج ونسيت الولاده

وشوي دخلو دكتور واستشاريه وجو الي يكشف والي يهذر انقليزي ونا اطالع وجيهم مدري شسالفه

بس حاسه فيه شي .. واسئلهم طنااش ماكني اتكلم وصارو متوترين ووتروني معاهم وتقول الاخصائيه

ادفعي وادفع بس ماحولي احد وتطالعني وتعفس خشتها وتقول مابتعرفيش .. ام التحطيم
ويله ادفعي دفعه طويله وبرضه ماش


صرت اقول ماقدر ماقدر .. والسستر تقولي امسكي فخوذك بيدك ودفي كنك تبين حمام وسويتها وبدا هنا التشجيع

كننا في مباراة المنتخب هههههههههههه

دفعت كثير يمكن 8 او 9 مرات اول ماقال الله اكبر الظهر ولدت يالله راح الالم راح كل شي .. هنا بكيت مدري شعور براحه فضيع

وقصت الحبل والمشيمه نزلت من وحدها .. وبدت المعاناه الي تعبتني اكثر من الولاده نفسها

جو يخيطوني قلت تكفون بنج حطو لي ابرتين وبدت تخيط ووقفت هذرت مع الدكتوره والدكتور وغطوني ودفوني


وكانوا يركضون بسرعه ونا مدري شسالفه وسحبو اصبعي من تحت الغطا وبصموني على ورق

ودخلت غرفة العمليات ووقالو قولي بسم الله وشمي وماعاد ادري عن احد .. صحيت من البنج وانا اقول شفيه


قالو لي جاك نزيف وتمزقت الانسجه وتهتك الرحم والسبب عندك التهابات من الشهر السادس وماعالجتيها

وسو لي حشوه بالرحم وقسطره ولصقوا ولدي بظهري وطلعوني قسم التنويم

هنا تعامل زفت الى اقصى حد .. انا ماقدر اتحرك وممنوع مرافق للي تولد طبيعي .. والولد معاي من لحظة ما اولد

اناديهم رضعوه يقولون قومي انتي .. غسلوه قومي انتي .. كيف اقوم ونا فيني قسطره وحشو ماقدر اتحرك

مطنشيني .. الاكل يرمونه عالطاوله عند رجلي ويقولون قومي خذيه انتي ولاده طبيعي

عدى اول يوم بس اشرب مويه اليوم الثاني قالو لي مافي خروج وفكو القسطره وطلعوا الحشوه

كني ولدت من جديد وهم يطلعون الحشوه صرخت وبكيت بعكس لما ولدت كنت منطمه

نفسيتي تعبت اتفرج ولدي ماني قادره اسوي شي يبكي يبكي يجون يقولون لي مافيك رحمه طيب كيف اقوم ماني قادره

ودايخه جاء الفجر خلاص طفح الكيل كلمت زوجي قلت اموت عند اهلي ولا اموت عند هذول طلعني الحين على مسؤليتك

وجاء وطلب يخرجوني ورفض الاستشاري وتهاوش مع زوجي وقاله زوجي بطلعها غصب عنك طبعا الدكتور الي تهاوش مع زوجي اسمه غالي


والي ولدوني دكتوره سحر ودكتور محمد

وطلعت على مسؤليتي ولا اعطوني لا مراجعه ولا مسكنات ولاهم يحزنون .. رحت لدكتورتي الي اراجع عندها من اول

واعطتني مضاد ومسكنات ومرهم وغسول ورجعت لاهلي


بنات وخاصه البكريات ترا الولاده مو شي صعب تيسير من رب العالمين تعاملهم بالكشك كان حلو وطيبين بس مافي لامسكن ولا كمام ولا شي

نظافه مافيه بالمستشفى بالتنويم تعامل قاسي حييييل واخس شي ولدك معاك انتي تدبرين عمرك
مايودونه الحضانه ابد

وغرف التنويم خمس حريم بغرفه وحده وحمام واحد ... اكلهم ماطب فمي ولا دري كيف شكله


انا كنت زيي زي اي بكريه خوافه بس كنت اقول ربي بيسرها وتيسرت الحمد لله بس الي تعبني الخياطه

والتعامل

وبس هذي قصتي ادعو لي ربي يحفظ لي احمد واشوفه امام للحرم

والله يسهل على بنات ملفي ولادتهم

والف مبروك للي ولدو

ويسعد ربي الي وقفو معاي ومافارقوني ابد ام العيال .. هلوله .. سكر وعسل .. دلوعة مجدي .. نور وكلي نور

الجوري .. حصحصاني .. ملاك .. الهنوف ,, اموره ولا يهونون الباقين وسامحوني لو نسيت احد
84
11K

يلزم عليك تسجيل الدخول أولًا لكتابة تعليق.

تسجيل دخول

حلم وأكثرمن حلم
حلم وأكثرمن حلم
حمد لله على سلامتك وأأأأأأأأألف مبروك
تهامة الجزيرة
تهامة الجزيرة


ياحيااااااااااااااااااااتي قموله
بصيح والله
حسبي الله ونعم الوكيل فيهم وبكل مسؤول بوزارة الصحة
انتي تعبانه شيء بديهي انهم يساعدونك وهذا المفروض :mad:
ربي لا يحرمك الأجر
وتشوفين أحمد امام الحرم

الحمدلله على سلامتك
قرة عينك بضناك:icon28:
ورده بوسط صحراء
ورده بوسط صحراء
الحمد لله على السلامه ومبروك ما جبتي بس أسالك أش طريقة شمي الوردة وطفي الشمعة ارسليها لي على الخاص اذا مافي إزعاج بكريه ويمكن تنفعني مستقبلا
ضحكته فرحتي
ضحكته فرحتي
مبروك قمله هانم حمد لله على السلامه ومبروك الولد لكن تعاملهم يقهر يعني ايش خسرانين لو بنجو وقت الخياطه تعاملهم قاسي
يارجائِي
يارجائِي
ياااااااقلبي مبروك
ع البال كنتي وشفت موضوعك وفزيت ابارك لك واشوف كيف الولادة هناك
النور بملف الكروشات مااادحينة وهنا كلامك غير
شكلها حظوظ والله
اهم شئ قمتي بالسلامة
يتربى بعزكم حبيبي ووماتشوفي شر
خوفتيني من الالتهابات انا عندي من الشهور الاولى وللحين معاناتها ولا عالجتها
اخاف تزيد مع ولادتي