{ ... قصة ولادتي في مستشفى سليمان فقية مع الدكتورة سحر ...}

الحمل والإنجاب

طبعا بكرية و خلصت الاربعين الاسبوع كلهاااا
في التاسع جاني مرتين الم قوووووووي خلاص توقعتها ولاده بس يمسك معاية الالم حق ثلاث او اربع دقايق متواصله و بعدين خلاص يفكني و لا كأن شي صار 
يوم وصلت الاسبوع اربعين خلاااااص جن جنوني و النفسيه الله لا يوريكم 
وكان يومتها يوم جمعه و اهلي و اهل زوجي عندهم جمعه في استراحه ومارحت معاهم بس كنت ابكي و اقول لزوجي وديني الحين يولدوني مالي دخل قال مافي دوام للدكتوره اكيد الا الاحد 
قلت اتصل ع المستشفى و اسالهم .. المهم اتصل قالو بكره موجودة تعالو و يااافرحتي 
وقتها قلت لزوجي يلا نطلع خليني امشي و رحت مشيت ربع مدري ثلث ساعه بالضبط وخلااااص عجزت اكمل ثقل ثقل ثقل غييييرررر طبيعي و رحنا تعشينا و تمشينا شويه و رجعنا البيت 
و جاء اليوم الثاني يوم السبت قلت يالله الفررررج رحنا للدكتوره و دخلت عندها و كشفت قالت الرحم عندك واحد سانتي بس بنعطيك مهله اسبوع قلت لها ولا ساعه الحين الحين ابغى اولد يا دكتوره 
قالت الحين لا ما اقدر بس بشوف لك موعد بكره و تجين الصباح و اعطيك طلق صناعي 
اتصلت ع القسم قالو مافي مجال قالت اوكي الاثنين الساعه سبعه الصباح تجين ع القسم و يعطوك الطلق و افطري من البيت و بعدها لا تاكلي شي قلت اوكي .. 
و انا في المستشفى يتصلون امي و ابويه قالو متى عطوك موعد قلت لهم الاربعاء < بعدين اقول لكم ليش المهم
اليوم الثالث الاحد رحت خلصت اغراضي توزيعات المستشفى و البيت و شريت الشوكولاتات ورحت بيت اهلي وقعدنا نغلف و نضبط انا و بنات اعمامي و امي كل شويه تدخل علينا تقول شكل بكره ولادتك و انا اقول لها ياليت والله الله و اعلم و البنات كل وحده تقول انا حاسه بتولدين بعد بكره و الثانيه تقول بكره و انا ولا كأني عارفه شي .. بعد كذا خلصت كللل شي وجاء زوجي و اخذت توزيعات المستشفى معايه بيتي وصلنا البيت  وكانت الساعه 12 حاولت انام حاولت حاولت مررره ما قدرت بعدين صحيت تروشت و تجهزت و قعدت اصلي و اقراء سورة مريم و ادعي بعدين رتبت اغراضي و خلاص اذن الفجر صليت و قمت استشور شعري و اسوي مكياج خفيف << ما دريت ايش بلاقي قدامي خخخخخخخ
جاء زوجي من الصلاه و يطالع فيني و يضحك زي ضحكة اللي طيب طيب نشوفك بعد شويه 
رحت المستشفى مبسووووووطه و متحمممسه و كنت وقتها اسولف مع بنت خالتي واتس 
قلت لها بقول لك شي ولا تعلممممين بشر قالت اوكي قلت لها رايحه المستشفى عندي ولاده ان شاء الله بس انتبهي احد يعرف (( طبعا رحت و محححححد يدري ولا بشر و السبب لأن امي عندها القلب و ابويه عنده سكر و ضغط و قلق و التوتر و الانتظار يمرضهم لدرجة امي اذا توترت كثير اليوم الثاني تتنوم و من اول دايما تلمح لي ان امنيتها يوصلها خبر ولادتي بدون ما تكون تعرف اني رايحه اولد و بنفس الوقت تقول لي لا تروحي وحدك خذيني معاك و ابويه يتعب نفسيا وهو اصلا من اول كل ما يشوفني كان يحزن على شكلي و يتنكد وصارت امي تقول حاولي ما تجلسي قدامه كثير  الله يشفيهم يارب )) هذا هو السبب ولأن بيكون اول حفيد لأهلي حبيت افاجأهم 


المهم رحت المستشفى و اول ما دخلت القسم الا اسمع صوت وحده تصيح وعلى طوووول مت من البكى و النيرس تضحك تقول عادي مافي خوف و دخلت غرفه خاصه اللي اخذ فيها الطلق ووقت الولاده ينقلوني كشك الولادة وزوجي معايه طبعا المهم عطتني اول جرعه طلق الساعه سبعه و نص وشوي كذا و بدأت الالام وشوي كذا حسيت خلاص ما اتحمل وجت النيرس عطتني اول جرعت مهدي في مغذيه (( طبعا من اول فهمتني الدكتوره ان وقت الطلق نعطيك مهديات و ان شاء الله كل شي سهالات )) اخذت هذيك الجرعه ونممممت ساعتين تقريبا و صحيت برضو اتألم 
و زوجي مو عندي على طول اتصلت عليه وجاء قلت له لاعاد تروح يمكن الحين تجيني الولاده و انت مو هنا << ما دريت ان وراي مشوااااررر 
الساعه وحده الظهر جت الدكتوره و كشفت عليه قالت واحد و نص يارررربي طفششت وعطتني تحميلة ثانيه حقت الطلق و تجدد الالم بعدين كلبت مسكن و عطتني وونمت عليه ساعتين تقريبا 
صحيت الا زوجي يقول امك دقت و قلت لها اننا برا و انتي في السياره قلت اهم شي لا تعلم ولا بشر 
بعدين المغرب جت النيرس قالت يلا دكتوره سحر تقول تروحي غرفة الولادة و رحت و انا ع الكرسي ماقدرت امشي حسيت اني ارتحت لما جلست ويوم وصلت غرفة الولادة ما رضيت اطلع قالت اوكي اذا مذا مرتاحه خليكي شويه .. المهم في هذا الوقت اتصلت امي كلمتها عادي قالت ايش في صوتك قلت ولاشي كنت نايمه قالت كيف نايمه و عمتك (ام زوجي) تقول منتو في شقتكم طلعتو قلت لها احنا في استراحتنا قالت خلاص الله يوفقكم و قفلت وشويه الا زوجي يقول لي انتي قلتي لاحد قلت لا قال الا بنت خالتك اتصلت عليه و تسأل قلت ايه بس علمتها هي و ماراح تعلم رجعت اتصلت عليها قلت باقي ما ولدت ادعي لي و اهلي للحين ما يدرون لا تقولي لاحد قالت طيب 
و بعدها خلاص طلعت عالى سرير الولادة و جت متحمسه الدكتور ع بالها ولادة كشفت قالت يوووه اربع سانتي و نص و عطتني جرعه ثالثه تحميلت طلق و خلاااااص هنا بس صرت اصيح و اقول اعطوني مسكن قالت الدكتوره ما نقدر خلاص انتي خلصتي الجرعتين كامله ولو عطيناك بيضر الجنين قلت عادي اعطيني قال زوجي لا خلاص تحملي شويه المهم قالت الدكتوره خلاص خذي ابرت الظهر اذا مره مو قادره ونادت لنا استشاري التخدير ويوم راحت تناديه قاعده اقول يارب اذا لي فيها خير تتيسر و اذا لي فيها شر تصرفها عني .. وشويه و حاء الدكتور وصار يتكلم و يشرح والله يابنات قلبي مقبوووووض و كلامه يدخل من هنا و يخرج من هنا قلت يلا خيره بعدين خلاااص اشتد الالم ع الساعه تسعه وقعدو يتكلمو الدكتوره و الاستشاري قالو لزوجي خلاص بنعطيها جرعه بسيييطه و عطوني و ماعاد ادري ايش صار شوي كذا و رجعت لوعيي و الدكتور جابت الكرسي حقها و قاعدين يجهزوني للولاده قلت لهم ولاده قالت ايه خلاص الرحم تسعه و نص وصارت تذكرني و تقول لي ادعي الدعاء مستجاب وعلى طول وقتها خلاص طلعت زوحي من الغرفه وصارت تقول يلا دفي يلا شدي حيلك و انا دفيت ثلاث مرات بعدين خلااااص انتهى حيلي صارت تقول يلا الجهاز فيه طلقه دفي و انا لاحياة لمن تنادي شوي كذا و خلاص صا زي الحلم و اسمع اصواتهم وشوي و اسمع صوت بيبي يبكي وبعدين يروووح وعيي بعدين صحيت عندي هدووووء مافي الا زوجي قاعد على كرسي يطقطق بالجوال و النيرس قاعده تكتب في اوراق اول ما صحيت جت عندي قالت خلااااص و لدتي قلت لها لا باقي قالت والله خلاص وتاخذ يدي و تحطها على بطني وجاء زوجي تحمد لي ع السلامه قلت له قلت لماما و الا باقي 
قال خلاص قلت لها قلت كيف البيبي قال الحمدلله كويس قلت حلو قال ايه حلو ماشاء الله ههههههههه
ورجعت لدوختي مدري نومتي بعدين خلاص ع الساعه 12 صحصحة و طلعوني التنويم ولقيت امي وزوجة اخويه واخوية سلمو عليه و قلت لهم خلاص ما ابغى شي بس ابغى اناااام 
و نممممت 
و الحمدلله عدت على خير 


بالنسبه للولادة في فقية انص فيها وبشدة للي عندها امكانيه و ساكنه في جدة 
نصيحه لا تولد بمستشفى غيره 
اهتمام اهتمام اهتمااام من لحظة دخولك غرف الانتظار الى وقت خروجك 
ولادتي طبعا كانت عند الاستشاريه سحر ملودي 
سعر الولادة 9500 شاملة التنويم يومين بغرفه خاصه طبعا 
و الكشفيه ب 250 عندها شاملة السونار
من ناحية المراجعه بسبب الزحمه اللي لاااااتطااااق ف انا راجعتها مره وحدة بدايت الثامن 
ولاعاد رحت لها الا بداية التاسع و لان المراجعه كانت اسبوعيا كنت اسبوع ادفع حق كشفيه و اسبوع ما ادفع 
و الدكتوره سحر صراحه انسانه متمكككنه جدا ومطمنه و متفاهمه بس احيانا لما يكون مرررره زحمه تكون مستعجله شوي وما اخذ راحتي بالاسئله خياطتها فوووق مستوى الممتاز ماشاء الله 
و اذا حملت مره ثانيه بحول الله مستحيل اروح مستشفى ثاني 
53
21K

يلزم عليك تسجيل الدخول أولًا لكتابة تعليق.

تسجيل دخول

أميرة القارات
أميرة القارات
الف مبروك والحمدلله على السلامه
عزف المحبه
عزف المحبه
الف الف مبروووووووووك يابعدي ، والحمدالله ع سلامتك 💐💐
ام بنتي دانه
ام بنتي دانه
ماشالله حمدلله على سلامتك ويتربى بعزكم يارب
ايزبيلا الهولا
ايزبيلا الهولا
الحمدلله على سلامتك،،،،،،.والف الف مبرررووووك البيبي،،،،،،،،،بسالك انتي تقولي نص جرعه ! تقصدين ابرة الظهر؟!
الأميره جوري
الأميره جوري
الحمدلله ع سلااااااامتككككك
ربي يخلي لك مارزقك ووويفرح قلبك ببره