قصة ولادتي في مستشفى فتيحي الطبي الدولي من 5 شهور 

السلام عليكم ورحمة الله وبركاااااته...

ازيييييكمممممم كروشاااااات الله يقومكم بالسلامة .....

الحمدلله ولدت 30 سبتمبر 2012 وجبت احلا وأجمل بنووووته ربي يحفظها من كل شر ليونتي حبيبة قلب مامتها....

بحكييييي لكمممممم قصتيييييي وأبغااااااكم كمان تستفييييدووووووواااااا....

طبعا الطبي الدولي أتععععععب وأنا أمدددددح كلمة رااااااائع قليييييلة فيه تحسي نفسسسسسك في فندق طبعا أنا تأمييييين والرعاية والإهتمااااام أكثر من رائععععععععععة من لحظة مادخلت لما خرجت ....

بتكلم لكم عن المستشفى أولااااا:::::
مجرد ماتدخلي التاسع يعطوك إستماااارة تعبيها إستدعاء دكتورتك وإنتي لك حرية الإختياااار
طبعا كل دكتورة ولها مبلغ يختلف ...
أنا مع دكتورة هناء بدران عسوووووله الله يسعدها والإستدعاء 1500 لكن صارت لها ضروف وماقدرت تجي لحظة ولادتي تقول إنها لما كلموها جأت لكن تعبت ودخلت الطورائ وكانت متااااابعة حالتي مع اللي ولدتني لما ولدت وبعدين جات جلست معايا ع السرير تطمن عليا وتمسح ع رأسي كأنها أمي وقاعدة تتكلم معايا كلام عام ونصايح وشالت بنتي وقاعدة تقول بنبووونايه حلاوة بلهجة المصريين ههههههههه الله يسعدهم
طبعا لانها ماجات لحظة الولادة لك الحق في أخذ مبلغ الاستدعاء وأخذناه ع خروجنا
ومن ناحية الغرف كل ماتبغي سويت كبير ولا جناح ملكي تدفعي زيااااادة
من غير التأمين
لكن كل غرفهم درجة أولى...
ومن لحظة ماتولدي يوفروا لك المغطس والملح والمراهم حتى تحطها في الأووليز الله يكرمكم.
ومرهم عشان الصدر مايتشقق من الرضاعة لكن وانتي خارجة تدفعي حقه طبعا ...

وكمان من اول ماتدخلي التاسع تحجزي موعد مع قسم الأسرة يعلموك كل حاجة عن الولادة وتتفرجي ع فيديو وعن أنواع الإبر وعن طريقة التنفس وعن البيي كل حاااااجة وتاخذي معاك كتيبات لو حابة
وتحجزي كمان موعد مع أخصائية الرضاعة الطبيعة وتعلمك كل حاجة
ووقت ماتولدي ع طول تطلبيها وتجي تساعدك في الرضاعة وتمسك البيبي
وكل مااحتجتها تجي ويساعدوني جابو ليه نيبل شود اللي هو حلمات سليكون للصدر تساعد البيبي ع انه يمسك ....

معليييييش طووووولت عليكم بدخل في قصة ولادتي...طبعا أنا بكررية

حبايب قلبيي من يوم ماصحيت وانا احس زي الالم الدورة تجي وتروح خفيفة وانا اطنش وأقول لا مو ولادة باقي شغلات ماخلصتها

وجا اخويه عريس يفرجني ع الشقة حقته ياخذ رأي وانا حاسه باالام لكن خائفة وأمي معانا ولا جبت لها سيررررة
رحت اشتريت اشياء لان الالم خف شوي
ومع المغرب قولت شكلها ولادة واجهز كل الأغراض ولا خلصت كمان
وجا العشاء صليت جالسة من التعب لان الكل نصحني لاتروحي الا لما يشتدددد الالم وسمعت النصائح ههههههههه
وكان عندي موعد الساعة 9 مع الدكتورة وبس شيكت بالسونار وقولت لها قالت بدري ع الولادة
وفرحت ورجعت البييت لان الالم خف
وزوجي راح جاب عشاء من ماك ووصيته كمان شيبس ههههههههه ليز
وانا اتعشا احسب الالم كل 10 دقايق بس يقوى ويخف
وزوجي دخل نام وكان حاسس قال بنام شوي
وانا دخلت تعبانه بنااااام وأقول يارب مو ولااااادة نفسي اناااااام ههههههههه
هذا الكلام الساعة 1 الليل
وماتجي الساعة 2 الا مسكني الألممممم خلاص مااقدر اتنفس طحت في الصالة ماعاد أقدر ادخل الغرفة اصحي زوجي
ويادووووب اسحب نفسي لما باب الغرفة وطححححت وأصرررررخ زوجي صحي ع الصراااااااخ
وقال هيا هيا أقول مو قاااااادرة امشي ولا اقدر البس
وكنت لابسه فستان قصير حرام اطلع فيه
ويادوب البس بنطالون واخرج وانا اسحب نفسي
وزوجي ماسك النقاب قولت أنا فاضية اغطي ههههههههه بس حطيت الطامع ع وجهي
وخفت اعلم أمي تنفجع لان الوقت متأخر ونايمين
طلعت من البييت وصلت الساعة 2 ونص
الطواري ع طول جابوا ليه عربية
وسألو مين دكتوري واتصلوا عليها وجالسين يدعولي .
وجات ممرضة أخذتني لين فوق غرفة الطلق طبعا الغرفة خاصة وحلوة وحطو ليه الجهاز وكل مره يرتفع صوت الطلق واعطوني إبرة عضل وبعدها نمت وزوجي نزل يصلي الفجر الإبرة خففت شوي الالم ...
والساعة 6 الفجر قالوا ولادة ولادة واخذوني لين غرفة الولادة برضو غرفة خااااصة وأنا وقتها خلاص احس عااااالم ثاني ومسكت زوجي مرررره مايطلع ههههههههه
وصاروا يقولو ادفعي وقت مااحس بطلقة البييبي وبعدين أهدي واستغفر الله واذكر الله واصرررررخ
وصاروا يشجعوني خلاااااص بان الشعر بيطلع البيبي شدي حيلللك شعور حلوووووووو

وماهي الا لحظات وشرفت بنتي لما شفتها ضحكت ونسيت كل حااااجة يااااناااااااسو عليها
وزوجي ع طول صورها صورة حصرية لان سريرها اللي ينظفوها عليه عندي في الغرفة
وبعدها نمت طبعا بنج وقت الخياااااطة وصحيت كل شي مخلص اقول لزوجي الولادة خلصت ههههههههه
وهذي قصة ولااااادتي والحمدلله ذاحين بنتي جنبي نائمة ...

معليييييش طووووووووولت