بسمالله الرحمن الرحيم
السلام عليكم ورحمة الله وبركاته
اسفه من كل بنات تجمعي
اللي وعدتهم اكتب قصة ولادتي
وتاخرت عليهم
بس والله لاسباب امنيه >>> جيمس بوند على غفله:hahaha:
ماعلينا....
انا طبعاً موعد ولادتي كان ١٣ ابريل
ووصلت لحد اخر اسبوع ولا جتني ولاده ولا اي بوادر حتى
مجرد ثقل وتعب ولا اقدر امشي والرحم مافتح شيء
وقالت الطبيبه اذا جا تاريخ ٩ ابريل ماولدتي بولدك عمليه
لاني ماقدر اخذ طلق صناعي عشان كنت والده قبل عملية برضوا
قلت لها شورك وهداية الله<< قبل اروح لها كنت مستخيرة على اساس بقولها عملية بس جت من الله..
بتقولون ليه تبين عمليه بقولكم لاني بولد بغربه بعيد عن امي
وماعندي اي تجربه بالطبيعي وخفت خوف مو طبيعي من الطبيعي >>> الله الله على السجع
ليلة العملية:
انواع الدراما مع بنتي اللي قررت احطها مع وحده عرفتها فقط من اسبوعين
بنت حلال الله يجزاها خير وعنده بنت بعمر بنتي
احساس انك بتولدين وعندك طفل قبل احساس مررررررررره صعب
لانك ماتدرين وش بيصير على الاول عكس احساس البكر
المهم موعدي الساعه ست ونص الصبح
يوم العملية
صحيت ٥ الفجر تحممت وصليت ولبست بنتي وهااااااات يابكا ودموع
في كل لحظه بس حاولت اني مابين لا لزوجي ولا لبنتي
توجهت لصاحبتي بنت الحلال وحضنتها بقوه ووصيتها على بنتي
حتى المسكينه خافت مني وعلي وجلست تصيح وتقولي توكلي على الله وبنتك بعيوني
ورحت وانا مودعه الله فيها:icon33:
الموعد:
المهم رحت لموعدي متاخره لان المفروض اكون بالمستشفى الساعه ٦ ونص صباحا وانا رحت ٧ ونص
اللي المفروض يكون وقت العمليه
الطبيبه طرطعت مني وهزءتني على خفيف وانا ولا هنا
وقالت بكنسل وقت العملية ..بيني وبينكم فرحت وابتسمت ابتسامة النصر >> هذا وانا ابي اولد ومسويه زحمه
الا ويجيك هذاك الاشقر الشايب اللي يقول لا يادكتوره خلينا نحاول ونشوف>> هنا رجعت للفيس المتوهق
ماقبل التخدير:
المهم دخلوني وخبصوني
ورجوا ام امي و هات يا اسئلة لها اول مالها اخر
حساسيه؟؟ تراكيب اسنان .. تقويم حديد اسمنت... الخ
ايه بعد سالوني احد مزعلك بغيت اقول رجلي والطبيبه خخخخخخخخخخخخ >> مالها خاتمه
والله جد رجلي هاوشني لاني اقوله موعدنا ٧ ونص وهو يقول ٦ ونص
وانا اصلا ادري بس مابي اروح بدري من الخوف خخخخخخ
المهم...
وحطوا علي حزام الطلق مدري ليه؟؟
قالوا لي فيك طلق او حسيتي بولاده؟؟؟ قلت لا بكل فرح
من الا شياء اللي ضحكتني لحظتها بغا يتطاق الطبيب حق التخدير مع حقت التسجيل
لانهم مسوين زحمه عندي وتصاقعوا بالروؤس خخخخخخخخخخخخخ
هذا طبعا بسبب تاخيري عليهم وهم مستعجلين عشان يمديهم
و الممرضة المرافقه اسحبت برجلها المغذي من يدي وعورتني الابره
برضوا من ورا العجلة والخبصه اللي سويتها لهم هههههههههه
المهم تمت العملية الاولى.... بسلام
اللحين دور التخدير
رحت لغرفة التخدير طبعاُ وانا مركب علي الغذايات وامشي بالاسياب
وزوجي معي وكل المستشفى يقولي قود لاك (good luck)
طبعا مدري ليه دكتور التخدير عيا على رجلي يدخل
يقول بعد ماخدرها بتدخل<< تخدير نصفي وهذي ابرة ظهر
قال بغسل ظهرها وبعطيها الابره وعقب بنقولك تجي
انا هنا عيوني صارت كذا >>>>:humm: اسفه قصدي كذا>>>>>>>:icon810:
دخلت الغرفة جلسوني على طرف السرير ماشوف الا الاشقر الثاني اللي جاي لمي>>> طبعاُ كلهم شيبان
ماشوف الا كنه بيحضني وهذا كله عشان يرخي عضلات كتوفي وظهري عشان الابره
المهم شايب قدامي وشايب وراي وانا ياغافلين لكم الله
مادري وش احساسي خوف على ربكه على مدري وشو
المهم اللي قدامي صار يعلمني وش يسوي اللي وراي خطوه بخطوه
يوم جا قبل الابره بشوي الا يسالني اللي وراي؟؟
يقولي r u from Pakistan؟؟؟ >>> انت من باكستان
قلت انا no no I'm from Saudi Arabia<<<< لا لا من السعودية ( مع فغارة وجه)
المهم ماسمعت الا اللي قدامي يقول::: أهلييييييين
انا هنا للامانه صار وجهي كذا >>>>>>:blink:
طلع الاخ لبناني مدري خفت مدري فرحت المهم اني ماعاد صرت احكي كثير>>> عقدة العرب
المهم صار يسويلي مساج الاخ هههههههههه
يقولي ارخي اعصابك عشان الابره لاني كنت شاده مررررره
المهم نفذت بالفعل اللي قاله لي
وقالي بتحسين بشكة ابره صغيره وجلست احتريها
وطلع الرجال شاكني اياها وانا مادريت هههههههههه مدري ايضا من الخوف ولا اللخبطه اللي صارت
المهم قالوا لي خلاص وترا بتحسين بحرارة برجولك اذا حسيتي علمينا
يوم حسيتها سدحوني بسرعه سرعه على السرير
ومددوا لياتهم وهيئوني لكل شيء قبل تجي الطبيبه
العملية:
بسم الله بدوا فيني وانا ادور رجلي اثرهم نسوه برا؟؟:dry:
المسكين دخل على وهم يشقون بطني وشافهم وصار وجهه هو عاد كذا>>>>>:surprised
وعقب العملية لانه عجز ينسى صار وجهه كذا >>>>>>>:laugh2:
المهم ماجلست ٧ دقايق الا سمعنا صوت بنتنا الغاليه وخذوها قدامنا ونظفوها ووزونها وكشفوا عليها
ولفوها وعقب جابوها لي وهات ياصور طق طقها لنا طبيب التخدير
وجلسوا عقبها يخيطون ومدري وش يسوون
بس تصدقون احس بحركتهم فيني بس بدون الم وحسيت بعد ببنتي يوم تحركت في بطني وهم يشقون
يقولون خافت >> ياحياتي طبوا عليها بغتةً<<< متعوب عليها ذي
وزوجي قهرني؟؟ بالبدايه شايل همي ومتعاطف معي بس يوم سمع صوت بنته سحب علي :rolleyes:
مابعد العملية:
المهم نقولني لغرفة الافاقه لحد مايطلع مني مفعول المخدر بسلاااام
وفعلا طقتني نفاضه مو صاحيه وجلسوا بس يدفوني بالبطانيات الساخنه
وبعدها عطوني حبوب هلوسه يبوني انام بس مانمت من اللخبطه اللي فيها
وبعد كم ساعه ودوني غرفتي :11retcher
وتوته توته وخلصت الحدوته
صحيح العملية سهله وكل امورها تمام بس عيبها الوحيد بعدين
لان الجرح يتعب ويعور بس في نظري احسن من الالم الغامض اللي ماجربته الا وهو الطبيعي
بخصوص نصايحي
انصح اللي بتسوي عملية تسوي التخدير النصفي
لاني جربت الاثنين والنصفي كان اسهل واريح لانك اولا راح تحضرين ولادتك وتشوفين طفلك وتحضنينه وتضمينه وترضعينه اذا تبين
وثانيا مافيه حوسة البنج الكحكحه والبلغم والحوسه والالم والغازات
اخيرا وليس اخرا اسال الله ان يسهل على كل الكروشات ولادتهم
ويرزق كل محرومه عاجلا غير ااااااجل
هذا والصلاة والسلام على اشرف الانبياء والمؤمنين سيدنا محمد عليه الصلاة والسلام
اللولو بنت حصيصه @allolo_bnt_hsysh
عضوة فعالة
قصة ولادتي كما وعدتكم يابنات تجمعي الغاليات ولاهانوا باقي التجمعات.. اللولو بنت حصيصة
71
5K
يلزم عليك تسجيل الدخول أولًا لكتابة تعليق.
ألفففففففففف مبارك والحمد لله على سلامتك و سلامة البنوتة
فعلا قصتك كتيييييييييير حلوة و طريقتك بالسرد أحلى
و خلتيني أتشجع على البنج النصفي إذا الله قدر لي الولادة بعملية قيصرية مرة تانية
الله يحفظلك بنتك و يجعلها قرة عين لك و لزوجك و من الصالحات
فعلا قصتك كتيييييييييير حلوة و طريقتك بالسرد أحلى
و خلتيني أتشجع على البنج النصفي إذا الله قدر لي الولادة بعملية قيصرية مرة تانية
الله يحفظلك بنتك و يجعلها قرة عين لك و لزوجك و من الصالحات
قشر قهوة
•
هههههههههه
الله يسعدك يارب
والحمدالله على السلامه
ومبروك ماجاك
والله شعورك صح من ناحيه اذا رحتى تولدين وعندك طفل سابق
صعب تقعدين تفكرين فيه ...
بالنسبه لحالتك تمنيت من كل قلبى
انك ولدتى طبيعى
لان هذه العمليه الثانيه لك
خلاص بتظلين على طول قيصرى ...
انا كثير نصحت بالبنج النصفى هنا افضل من الكامل
انتى وين ولدتى ؟؟ اى ديره ؟؟؟
مبروك مره ثانيه
والله يخلى لك بناتك يارب
موفقه خير
الله يسعدك يارب
والحمدالله على السلامه
ومبروك ماجاك
والله شعورك صح من ناحيه اذا رحتى تولدين وعندك طفل سابق
صعب تقعدين تفكرين فيه ...
بالنسبه لحالتك تمنيت من كل قلبى
انك ولدتى طبيعى
لان هذه العمليه الثانيه لك
خلاص بتظلين على طول قيصرى ...
انا كثير نصحت بالبنج النصفى هنا افضل من الكامل
انتى وين ولدتى ؟؟ اى ديره ؟؟؟
مبروك مره ثانيه
والله يخلى لك بناتك يارب
موفقه خير
الحمد لله على السلامه ابغا اسالك كيف لما رجعت البيت كيف البنوته الكبيره ايش شعورها وكيف اتعاملتي معها لاني زيك بغربه وعندي بنت بعمر بنتك وشاايله همهاالحمد لله على السلامه ابغا اسالك كيف لما رجعت البيت كيف البنوته الكبيره ايش شعورها وكيف اتعاملتي...
الله يسلمك يارب
وبنتي كبيره عمره ٥ سنين ونص
اول الايام بالمستشفى حست بغيره شوي
يعني لو شافتني ابوس اختها تقولي وانا بعد ياماما
ولو قلت ياحبيبتي تقولي قولي لي بعد انا
صرت اقولها كل شيء قبل
وتعاملت عادي جدا لما رجعت البيت
يعني ماشيل البنت كثير عشان ماتحس على خاطرها
وبالعكس تحب اختها وفرحانه فيها مررره
وبنتي كبيره عمره ٥ سنين ونص
اول الايام بالمستشفى حست بغيره شوي
يعني لو شافتني ابوس اختها تقولي وانا بعد ياماما
ولو قلت ياحبيبتي تقولي قولي لي بعد انا
صرت اقولها كل شيء قبل
وتعاملت عادي جدا لما رجعت البيت
يعني ماشيل البنت كثير عشان ماتحس على خاطرها
وبالعكس تحب اختها وفرحانه فيها مررره
الصفحة الأخيرة
ابغا اسالك كيف لما رجعت البيت كيف البنوته الكبيره ايش شعورها وكيف اتعاملتي معها لاني زيك بغربه وعندي بنت بعمر بنتك
وشاايله همها