قصة ولادتي لاجمل عبودي

بسم الله الرحمن الرحيم
طبعا بدخل بالموضوع لعلمي بتشوقكم لقصة ولادتي
لا يخفى عليكم انني كنت اعاني من نزول الدم من شهر رمضان ولما رحت للموعد في رمضان قالي الدكتور من الا:35:جهاد طبعا بعد ما عمل التحاليل والكشف وفطرني يوم
المهم بعد العيد رجع الدم ومعاه مويه :mad: رحت للموعد وقال لي الدكتور خليني افحصك واشوف لما كشف لقى الرحم فاتح اربعه سانتي على طول قالي بحولك على قسم التوليد بالمستشفى وهناك بيولدونك طبعا انا خفت وقلت بس انا ما احس بالم شي بسيط بالظهر قال بسيطه بنحط لك طلق صناعي انا هنا انجنيت ورفضت بشده الا الصناعي انا جربته مرتين طبعا جلس يتكلم مع زوجي وانا ابكي بس حسيت بمكيده قال خلاص بنخليك تمشين عندنا بالقسم لين يحمى معك الطلق وتولدين بالسلامه طبعا ما تمشي معي هالسوالف قلت لا بروح امشي برى بالبيت طبعا جلسوا هو وزوجي يحاولونفيني وانا ارفض ويقولي يمكن البيبي يموت قلت بعد الحركات قعد الدكتور يضحك المهم انا حطيت رجلي وما شافوا الا غبرتي كان هذا يوم الاحد رحت البيت وجلست مع عيالي طبعا قعدت اجهز الشنطه وملابسهم وعيالي يقولون ليه وين بنروح يمه انت بتولدين اليوم قلت لا بس احتياط وضبت كل شي وزوجي يتفرج يفكرني لخلصت برجع للمستشفى المهم عدى الاحد ولا قررت اني اروح بس لنام واعد الحركات جاء يوم الاثنين مر عادي وبهدوء وزوجي يقول نروح نمشي قلت لا بروحلبنت خالتي كانت والد بروح اودي هديتها والله حتى هي لما شافتني قالتلي شكلك خلاص مرهق لو انه باقي لك رجعت من بنت خالتي على الساعه 11 والله مغامره وجلست على الاب توب مره بالتجمع ومره مع خالاتي اسولف بالمسنجر وزوجي يداكر عنده اختبار بالجامعه بالاحساء حتى الساعه الثالثه فجرا بعدين رحت اكل لي حلى لاني ما عاد حسيت بالبيبي يتحرك ورحت انام واحاول اعدحركات البيبي بس شكل البيبي كان زعلان يبي يطلع مارضى يتحرك وزوجي جالس على مكتبه يراجع عين على المراجع وعين على لين الساعه اربع فتحت عيونى الا يقولي هاه تروحين هزيت راسي والله تقولين كني ابشره اني ولدت مو بولد ويالله قومي وادخل الحمام اتسبح والبس وامشط شعري واجهز شنطتي واروح للمستشفى اسلم نفسي:icon33: دخلت مع اذان افجر صليت وطبعا سوى زوجي الاجراءات وجلس معي ومراجعه معه هو يذاكر وانا اطلق طبعا ركبوا الطلق الصناعي وجلست لينالساعه عشر ما ولدت زوجي طبعا صار لازم يمشي علشان الاختبار ومشى للحسى وانا وياه على الجوال لين الساعه ثلاث ونص العصر شرف اجمل عبودي في حياتي وتوته توته خلصت الحدوته بس ما اعتقد اني راح اسلم نفسي مره ثانيه للطلق الصناعي:mad: