السلام عليكم ورحمة الله وبركاته
الحمدلله والشكر ولدت في فجر يوم الـ 20 من رمضان الموافق 20 /9 .. وربني رزقني باللي تمنيتها روضه .. ربنا يحفظها ويصلحها وينبتها نبات حسن .. قولوا آمين
قصة ولادتي الله يسلمكم ويعافيكم
بدأت في اليوم اللي فكرت اني أبدأ امشي عشان اقرب من موعد ولادتي واسهلها وكان في تاريخ 19/ 9
لاني من دخلت التاسع ما مشيت بالعكس كنت اريح نفسي قد ما اقدر عشان ما اولد في رمضان لاني مو حابه افطره وكنت اتمنى اني اخلص اقل شي 20 رمضان ((سبحان الله )) المهم تاريخ 19 رمضان قلت خلاص يا بنت الحين ابدي امشي ويالله يالله تولدين بعد اسبوع ((ما كنت ادري شو منتظرني )) وفي ذيك الليله قلت لبنت اختي يالله نمشي في حوي البيت ما شالله كبير وبديت المشي الساعه 11الا ربع واستمر المشي ساعه كامله طبعا مو مشي على راحه مشي سريع لين الساعه 12 الا ربع رحت غرفتي قعدت فيها وزوجي اخذ حقه مني لوووووووول ((بعد ما ولدت قال زين اني لحقت عليج هم وين واحنا وين )) المهم يوم رحت اغتسل وانا في الشور قلت يا بنت وش وراج سوي تمارين القرفصاء سويتها 50 مره .. والماي الحار نازل على ظهري بعد الشور الساعه 1 وثلث نزلت المطبخ اسوي خفايف لزوجي ياكلها وانا اكل وياه .. وانا في المطبخ بديت احس بالالام طبعا طنشتها لاني احس فيها من الشهر الثامن واترقدت مرتين بسببها وطلعت من المستشفى بدون ولاده فقلت دامني اتحمل الالام يعني طنشيها .. المهم كلينا انا وزوجي الا تزيد الاوجاع .. قلت لزوجي تدري انا حاسه باوجاع مو طبيعيه المهم الساعه 2 ونص قلت بنسدح عالشبريه الا ويجني طلق قطع نفسي زوجي قال اوديج المستشفى قلت له لا اذا جاني وجع ثاني مثله بروح ما خلصت جملتي الا والطلق الثاني يلحقه الثالث كانت الطلوق متقاربه قلت لزوجي بسررررررررعه هو فز من مكانه وراح يغير ملابسه انا كنت مجهزه من قبل ماي زمزم مقري عليه وورقه فيها ادعية تسهيل الولاده رشيت ماي على بطني وقمت ادعي واشرب الماي والطلوق تزيد فيني اتصلت في سلفتي عشان تنتبه على عيالي ... فاصرت انها تجي وياي وسلفتي الثانيه هي اللي انتبهت للعيال .. قلت لعمتي انها ما تخبر امي الين انا اعرف انها ولاده اكيده (( كنت متشككه لان ولاداتي الثانيه كنت اعرف انها ولاده بسبب الماي اما هالمره بدأ الطلق فما كنت ادري اذا ولاده والا لا )) المهم طيران زوجي عالمستشفى الحمدلله الطريق مو طويل 15 دقيقه الا واحنا في المستشفى الساعه 3 وربع كشفتني الدكتوره قالت 3-4 سم ولاده انا بهاللحظه حسيت بخوف وبدت اسناني تصتك في بعض واحس اني في الاسكيمو برررد فضيع المهم قلت لزوجي اتصل في امي وقولها ولاده لانها موصيتني وحلفتني اني ما اخبي عليها وقت ولادتي فما حبيت ازعلها .. نقلوني على جناح التوليد .. وعلى طول لغرفة الولاده لان طلوقي متقاربه وقويه وصلت امي الساعه 4 تقريبا وبدت تدعي وانا ادعي والطلوق كل مالها تزيد واتصير اقوى الين بعدين قالوا ولاده وقربت السسترات ويالله بدون وصف كل والده تدري باللحظات القريبه من طلوع الراس .. اللهم لك الحمد اول ما طلعت رواضي فديتها .. انا كنت في ذيك اللحظه في حالة تعجب واستغراب من كيف ان الالم اختفى مثل لمحة البصر فقعدت اطالع امي وادموعي جفت بمكانها وكاني اقول لامي شو صار شو استوى وين كنت ووين صرت امي مبتسمه في وجهي .. واتقول الحمدلله يا بنتي الحمدلله وانا اخيرا نطقت وراها الحمدلله قالولي بنت الا ويجيبونها لصدري وهالمره خلوها فتره اطول عيالي خلوهم شوي وشالوهم بس بنتي خلوها على صدري فتره طويله لانها كانت بردانه ومزرقه فخلوني ادفيها بحرارة جسمي فديتها ولدت الساعه 6 وثلث يعني ولادتي كانت تقريبا ب 4ساعات وشوي على عكس عيالي اللي كنت اطول 7- 8 ساعات اللهم لك الحمد ...
والله انا دعيت وقت الطلوق لكم يا بنات
اول دعاء كان من نصيب المتأخرات بالحمل ان ربي يرزقهن بالذريه الصالحه عاجلا غير اجل
الدعاء الثاني كان بتسهيل ولادة كل حامل بشكل عام وخصييت دعاء لبنات تجمعي فديت روحهن
الدعاء الثالث كان لاخت لي في الله احبها فيه ربنا يفرج عنها ويسهل عليها
هذي هي قصة ولادتي
نصيحتي فيها لكل حامل .. بنات لا تستهينون بالادعيه وربي ان مفعولها عجيب سبحان الله
والماي المقري عليها
نسيت اخبركم اني كنت اشرب كل ليله من ماي زمزم المقري عليه وادعي ربي انه يسهل علي
وهذا الدعاء كنت اصر عليه ((اللهم لا سهل الا مجعلته سهلا وانت تجعل الحزن ان شئت سهلا))
الحوامل بالثاني .. وبالثالث .. اللي تسألون اذا الولادات الثانيه والثالثه اسهل والا اصعب .. انا اقولكم مو شرط ...
ولادتي الثانيه كانت اصعب ولاده بعدها الولاده الاولى بعدها ولادة رواضي اللي الله حط فيها البركه وكانت ميسره سبحان الله
يلزم عليك تسجيل الدخول أولًا لكتابة تعليق.
الحمد لله على سلامتك ومبروك ماجبتي
ربي يسهل لنا ولاداتنا
وان شاء الله عقبال طلوعك من الاربعين بسلامه
ربي يسهل لنا ولاداتنا
وان شاء الله عقبال طلوعك من الاربعين بسلامه
السلام عليكم ورحمة الله وبركاته
الف مبروك حبيبتي ام نهيان وتتربي في عزك
ويأجرك ربنا خير على ألم الولادة وعلى الدعاء
وفعلا دعاء ( اللهم لا سهل ..)
له مفعول عجيب بإذن الله سبحان الله الدعاء بيخليكي قريبة من ربنا تحسيه معاكي سبحانه وتعالى
الحمد لله الذي انعم علينا بنعمة الاسلام
الف مبروك حبيبتي ام نهيان وتتربي في عزك
ويأجرك ربنا خير على ألم الولادة وعلى الدعاء
وفعلا دعاء ( اللهم لا سهل ..)
له مفعول عجيب بإذن الله سبحان الله الدعاء بيخليكي قريبة من ربنا تحسيه معاكي سبحانه وتعالى
الحمد لله الذي انعم علينا بنعمة الاسلام
الحمدالله على سلامتك
والله يخلي لك روضه
أنا بيني وبينك يومين بس توني شكلي بأعيد أول
الله يهون علينا يااااااارب
بروح أمشي لعل يجيبه ربي اليوم وأرتااااااااااااااح
والله يخلي لك روضه
أنا بيني وبينك يومين بس توني شكلي بأعيد أول
الله يهون علينا يااااااارب
بروح أمشي لعل يجيبه ربي اليوم وأرتااااااااااااااح
الصفحة الأخيرة
الله يهون على كل حامل والله يرزقنا الحمل السليم الثابت يااارب