و أنا بالأسبوع 37 دقت لي دكتورتي بتذكرني بموعد الولاده المحدد وهي فرنسيه بس جدا طيوبه أموووت عليها هي إلي بتولدني في كل مره أكون فيها حامل ما أثق غير فيها
المهم قلتلها بنخليها ليوم الجمعه إن شاء الله ((أصل كل مره أبي أولد أختار يوم الجمعه كل فلذات أكبادي جو بهذا اليوم أحم أحم:22:))
المهم جا اليوم الموعود ولأني كنت طالبه من المشفى يوفر لي سويت إتصلو بي يوم الخميس يقولون السويتات كلهم مليانين مافي غير مني سويت متوفر قلت خلاص مبدهاش كلام أبي أخلص وبس
رحت وأنا مرعوووبه توكلت على الله وزوجي مرافقني و يطمني و ياخذ بخاطري وهو مسكين مرعوب أكثر مني بس ما يبين لي خوفه
جات الممرضه ولأن ولادتي قيصريه بينقلونا في فرشه متحركه لقاعة العمليات رفضت و قلت مستحييييل أستخدم الفرشه لنزول أبي أمشي على رجولي و صولا لقاعة الرعب هاذي:22:
وفعلا رضخت لرغبتي رحنا المصعد و توكلنا على الله و نزلنا للأسفل تحت أرضي نزعت الشبشب على الباب الرأيسي إلي بيوصل لغرف العمليات و الإنعاش نزعولي الشبشب ولبسوني مثل الشبشب وهو بلاستيك على قماش و دخلنا
المهم كانت الساعه وحده بعد صلاة الجمعه بالضبط أنتضر دكتورتي و أنا سولفت حكي مع المنعشين و الممرضين
(( ياعيني تبي تنسى خوفها الحرمه))
وعلى وحده ونص جات دكتورتي تعلمني إنها بتأخر عملتي لأن جاتها حاله حرمه طارئه كانت متابعاها وهي حامل بالخامس جاها إنفجار بكيس الموي و نزل عليها دم وهي بالعمل مسكينه و فقدت البيبي
على إثنين و ربع جهزوني و عملولي بنج نصفي و عملولي كيس بالمثانه لإخراج البول على إثنين و نص 14h25 دخلت دكتورتي وفورا وعلى ونص بدت بالعمليه 14h30كلها خمس دقايق بالضبط 14h35 طلعوا مني إحلى عسول وسمعت بكاه جابوه لي من ورا الستار وعطوني قصيتله الحبل السري و الدموع بعيوني من الإحساس كأني بولد لأول مره
المهم على ثلاثه و نص 15h30 كنت مخلصه و طلعوني للإنعاش مباشره إلين راح تأثير البنج و حالتي إستقرت طلعوني لغرفتي على الساعه الخامسه 17h00
لا أحلل لأي وحده تلطش الصور و تنسبها لنفسها في منتديات ثانيه
هذي صور توزيعاتي في غرفتي بالمشفى
وهذي صورة حبيبي عسولي ووزنه طلع 4 كيلو قولو ما شاء الله
وهذي صورته وهو فاتح عيونه حتى طرف من شبشب الماما طلع بالصوره بعد هههههههه