والله يسعد لي ايامكم بالمسرات
وشلونكم ؟ وش اخباركم ؟
وش قصة المنتدى وراه حوسه تسذا
المهم انا بخير وعافيه وصار لي اليوم اسبوعين والده
والحمد لله على الخلااااااص الحسن
جبت بنت تهببببببل وتأخذ العقل وهـ ياناس
سميتها أرينا
ولدت في يوم 13 - ربيع الاول الموافق 11آبريل
كان ودي اولد بيوم مولد الرسول صلى الله عليه وسلم بس يالله هذي حكمة الله
قصرت وما وفيت بوعدي ان اخت تأبط تبي تنزل لكم خبر ولادتي
بس والله انشغلت مع اخوانها ومعي ودروسها
وما قصرت اخيتي ورفيقتي الاخت مداوية الجرحى نزلت الخبر بالنيابه عنا
الله لا يقصر بعمرها ومشكورين كلكم على المباركه والتحمد لله على سلامتي
انا اعترف اني قطعت بكم بالفتره الاخيره بس العذروالسموحه
لان نفسيتي بالفتره الاخيره صارت زفت والجميع بكرامه
لاني خلصت الاسبوع الاربعين وما ولدت ومهيب من عوايدي
دخلت قبل ما اولد بكم يوم للقسم
لقيت محد قدي وفرحـــ قلبه ــة يقولون انهم ما ولدووو
ومير يضيق صدري:icon33: علشانهن وعلشاني
هاه بشروني عساهن ولدو بالعافيه
المهم تبون اقول لكم قصة ولادتي ؟
صلوا على محمد
اللهم صلى وسلم عليه
شفوا احب اقولكم ان البيبي كل الشهر التاسع وهو ما نزل للحوض
<< الظاهر ما وده بالطلعه خخخخ
وبالاسبوع الاربعين شافت الدكتوره زاهيه كم كم لي وضع الرحم
قالت للاسف الرحم مغلق تماماً <<<وووووواقرادة حظي
المهم عطتني فرصه اسبوع ثاني يعني حتى الاسبوع الواحد والاربعين
لكن مافيه فايده
جربت كل شي
مشيت
وحبيت 
وناقزت بالدرج ورقصت
وصياح
ونياحلكن لاحس ولاخبر
شربت اكلت نقعت وفوحت كل شي مذكور هنا بالقسم
واللي يغث وقطع قلبي وطفححححح على تسبدي طفح وصفة
الله يذكرها بالخير بس كودها ما تدري
العامريه بس تراني امزح يالغلا
ماش ما صار شي
المراد اني بالاسبوع الواحد والاربعين كان الكلام هذا يوم السبت
قالت الدكتوره زاهيه لك فرصه يومين اذا ما ولدتي خلالها
مافيه لك خيار تجين نسوي لك تحريض لانها سوت للبيبي تخطيط وقالت
راح يتعب اذا تأخرتي زياده
وهذيك الحظه ذكرت ام طلال ولين والاخوات اللي يقولون انهم ما يولدون الا بالتحريض وطقته
ومن يوم السبت قلت بنفسي
ما دام الدعوى خاربه خاربهصرت اشم حلتيته مثل المدمنين هههههههههه
قلت لعل وعسى تسوي شي
سمعت من المقربين لي آراء احد يقول روحي واحد يقول لا انتظري
فرج ربك
وما صرت انام واقعد افكر دعيت ربي ان يرسيني على رآي
والحمد لله يوم الثلاثاء بعد ما صليت الفجر توكلت على ربي ورحت للمستشفى ومعي اوراقي كلها
وكنت مواصله ما نمت لي يومين على طووووول دخلوني غرفة الولاده
وبدأت الاجراءات والفحوصات وما كان معي اي شي
لا طلق ولا اي علامات للولاده
وعلى طوووول حطت لي الممرضه التحميله الاولى
وشوي بداء الوجع يزيد
وكانت وانا بغرفة الولاده اشم حلتيته
سألت الممرضه الرحم أنفتح
قالت: بس واحد سنتمتر هذا اول ماجيت لهم
وكل شوي تشوووف هذا ان سمحت لها او اطيرها برجفه خخخخخ
كانت تقول لي بعض الاوقات امشي بالغرفه بعد ما تشيل المغذي واشرطة التخطيط
وكنت تعبانه بالحيل بس طووول الوقت وانا اشم الحلتيته
والحمد لله استجاب الرحم وانفتح وفجرووو مويه الراس بس ما طلع كله
بعد ما انفتح الرحم 6 جات الدكتوره زاهيه وكان الراس ما زال فوووووق ما نزل للحوض
فرغت الدكتوره المثانه من البول وانتم بكرامه تبي تترك فرصه لراس الجنين ينزل لكن راس اروني يابس هههههههههه
غرفت مويه الراس تبي تترك فرصه ثانيه لكن ماش راس البيبي ما نزل
بهاالحظات انفتح الرحم 8 وصرت ادفععععع والدكتوره تقول لا تدفعين
راح يكون معك تمزق بعنق الرحم
حاولت امسك نفسي لكن ما قدرت احس ان الدفع مهوب بيدي
قامت الممرضه بهالحظه وبعد امر الدكتوره لها وجلستني
يعني صرت بوضع الجالسه ودفعت دفعه قويه وبدوووون صوووووت
والحمد لله يالله لحقوووويمسكون اروني طلعت للدنيا اللي حنا فيها
طلعت الساعه 2الا ربع
وبعدها صارت اجراءت انتم تعرفونها
لكن والله يا بنات ما نسيت احد من اللي وصاني بالدعاء له
الحوامل دعيت لهم الله يهون عليهن والمحرومات من الذريه دعيت لهن
ان الله يرزقهن ولا يحرمهن والمريضات دعيت لهن ان الله يعافيهن
وما نسيت اميمتي وابيي هذيك اللحظات
دعيت لنفسي ولكم بصلاح النيه والذريه وصلاح ازواجنا ومن حولنا
والحمد لله على كل حال
سامحوني ما قدرت اتواصل معكم من البدايه لان اروني صار معها صفار
وتنومت بعد ما طلعت من المستشفى انشغلت معها بالفحوصات
والمواعيد لكن الحين هي احسن
وبالختام تعرفون اختراع اسمه بنادول عليكم فيه
وسامحوني على الاطاله واستروا على ماواجهكم من اختكم ام دحومي
ودام الجميع لمن يحبهم وأنا أم تأبط شراً منهم
والحمد لله على سلامتكم:)