قصة ولادتي من نزول المويه لنزول الراس

السلام عليكم سامحوني ما كتبت على طول الموضوع لاني مافضيت من الضيوف اللي كل يوم وهم عندي المهم ندخل في الموضوع انا حسيت ان عندي ولادة مبكرة وانا في نهاية السابع كل شويه احس بمغص جامد ومعاه يتحرك الجنين وكل ماقلت لامي تقول هذا الجنين يعدل نفسه انتي بكريه لسه متعرفي شي سكت وتحملت المغص الين صرت في الاسبوع الثالث في الشهر الثامن رحت انا وزوجي الملاهي وكانت السياره موقفينها في طلعه زي الجبل ويوم جيت اركب السياره طبعا طلعت الطلعه وحسيت اني مااقدر اكمل المهم زوجي صار يقولي ياعجوزه فلت يابنت وريه شطارتك ضغط على نفسي وطلعت الطلعه المهم ثاني يوم الا دم نازل عليه رحت للدكتوره وقالت معاكي طلق والرحم مفتوح واحد سم وقالت لازم اعطيكي ابره توقف الطلق وابره تقفل الرحم اخذت الابر وكمان ابرة الرئه للجنين وقالت الدكتوره بس امسكي نفسك خمسة ايام بس الين ندخل اول يوم في التاسع المهم عدت اربع ايام وفي اخر يوم في الثامن صحيت من نومي من مويه تنزل مني كثيره رحت المستشفى قالوا ان الرحم مفتوح 2سم بس مافي لاطلق ولا شي المهم دكتورتي اللي اتابع عندها قالت روحي البيت الين يجيك طلق اذا جاكي تعالي المستشفى اولدك المهم الكلام هذا الساعه 7صباحا رحت البيت والدكتوره متابعه معايع الين 5 ا لعصر وقالت تعالي العياده ضروري رحت متشيكه لابسه البرموده وحاطه الكحل والحمره المهم كشفت عليه وقالت ان مويه الجنين نقصت ولازم اولد اليوم لانو في خطر على الجنين اعطتني ابره تحمي الطلق وقالت خليكي الين7 المغرب جلست و7 المغرب دخلت من جديد عندها قالت ماجاكي طلق قلت لا قالت لازم اسويلك توسعه في الرحم لانه موراض يفتح الا2 سم المهم دخلت حديده دائريه وصارت تحركها داخل رحمي المهم تألمت مره وبعدين رحنا على المستشفى وحطولي طلق صناعي المهم بدء يجيني طلق وكل ماجاتني طلقه امي تقولي اعطكيي زنجبيل على بالها يحمي الطلق كل شويه الين قلت ماابغى ولا شي والدكتوره كل شويه تدخل يدها وتوسع في الرحم وتقول انو عنق الرحم سميك لازم يصير خفيف عشان كذا كل ماقاست الرحم تسحب شي على اسفل الين صارخفيف الحمدلله فتح الرحم بعد معاناه 8سم وولدت بس كنت مجهده لاني مواصله يوم كامل مانومت وقلت للدكتوره واعطتني ابره مهدئه بس من فرحت الولاده جلست يومين صاحيه وهذ كل قصتي واسفه على الاطاله:26: