قصة ولادتي واخيرااااااااااااا

شخباركم بنات حواء انا بقول لكم عن قصة ولادتي بالتفصيل اعرفكم اتحبون التفاصيل الله يسلمكم انا ولادتي الاولى قيصري وتعبت وايد فيها ولما حملت مره ثانيه دعيت ربي اني اولد طبيعي ولاده سهله وميسره الحمدلله الله استجاب لي لكن تعذبت طبعا لاتخلو الولاده من العذاب تبتدي القصه لما طوفت موعد ولادتي اهما عطوني 8_11_2007وانا ولدت 17_11طبعا كل يوم تخطيط لازم ولما طاف موعد ولادتي كنت رايحه التخطيط قالت الدكتوره المشيمه بدت تشيب وماتغذي البيبي انا هني خفت وقعدت اصيح قالت لي لازم افحصج فحص داخلي قلت لها مابي اصريت على عنادي وعصبت الدكتوره وطلعت من الغرفه بعدين يات لي ممرضه قالت حبيبتي موبكيفج لازم هالفحص ضروري عشان نجوف مدى مرونة عنق الرحم وقالت لي هذي الدكتوره مافي ارق منها في الفحص توكلت على الله وغمضت عيني وشديت اعصابي وفحصتني وقالت متوسعه 3سم اشلون وانا ماحس بشي كللش قالت لي روحي امشي وطبعا كنت من الشهر الثامن امشي يوميا ساعه او اكثر واشرب زعتر وقرفه وبابونج المهم رجعت من المستشفى ابي اصلي المغرب وانا اصلي حسيت بدفوه الا الماي ينزل بس مو وايد يعني لما اتحرك ينزل وانا اشك انها بطت لي كيس الماي لان الفحص وايد المني المهم تميت على هلحال من اقل حركه ينزل ماي مخلوط باوصاخ يعني شوية دم وانا مابي اروح المستشفى انتظر الالم وخايفه اني يولدوني قيصري في الليل وانا نايمه حسيت بماي نزل وكنت لابسه فوطه قمت الفوطه غرقانه وغيرتها وبعدين قعدت الساعه 9 ونفس الشي سويت لي قرفه شربتها وقالت لي اختي لازم اتروحين المستشفى منامس تنزل الماي عليج وساكته هذا خطر على البيبي وخرعتني وخفت ورحت طبعا من قلت لهم ماي على طول قررو تنويم ولاده ودخلوني وهات يا ابر يا الله الف ابره في اليد انذبحت وتخطيط وفحص داخلي اللي اكثر شي عذبني طبعا اول مارحت كان الساعه 10 الصبح عملو لي فحص طلع سم 1 قلت لهم كيف امس قلتو لي 3سم قالت لي الدكتوره لا هذي غلطانه اللي قالت لج ان 3سم طبعا طول الوقت اصيح وادعي ربي ان يسهل عليي بعدين قالو لي قومي امشي وطلعت امشي وي زوجي على المستشفى كامل واشرب ماي بعدين الساعه 4 العصر حطو لي تحميله قالو اذا ما استجبتي للطلق بنسوي لج قيصري وهني كثرت النوح والدعاء ومن اتيي طبيبه اقول اللهم لقني خيرها واكفني شرها وبالفعل هذا اللي صار الحمدلله لك يارب في طبيبه مصره اناه تولدني قيصري لكن خلص دوامها وراحت ويت طبيبه ثانيه قالت لي شوفي حبيبتي اشربي زيت خروع مع عصير برتقال طبيعي وراح زوجي البيت وسوت امه الله يجزاها خير خروع مع عصير برتقال تقريبا نص القاروره وشربتها كامله بعدين يت الطبيبه اللي حدتني على الخروع وقالت لازم اكتب في الفايل انتي ولادتج شنو قيصري والا طبيعي خليني افحصج اخر مره وهالفحص بيحدد الولاده قلت لها حرام عليج بعد فحص والله ماقدر قالت ايي لازم فحصتني وتمت توسع بيدها وقالت 4سم وهالكلام كان الساعه 12 بالليل بعد الفحص صار الالم كل 3دقايق بس الم محتمل يعني وظل الالم كل 3دقايق لحد الساعه 3الفجر وانا تعبانه جدا هني حسيت برعشه في جسمي اقول بردانه بردااااااااااااانه وجو الممرضات ولحفوني وقاسو الحراره قالو الحراره طبيعيع المهم فحصوني قالو 5سم يالله غرفة الولاده هني صار الالم ورى بعض مافي فاصل وايد يمكن دقيقه وحار جدا الالم ماشالله فحصت قالت 6سم عقب شوي فحصت قالت 7سم عقب شوي قالت 8سم يالله دفعي اول شي قعدت ادفع غلط وانا فاتحه بوزي قالت لي لا سكري بوزج واضغطي و3دفعات وطلع محمد للدنيا الساعه 5 الفجر مع صوت الاذان والحمدلله رب العالمين هذي كانت تجربتي في الولاده الطبيعيه اللي احمد الله واشكره لان افضل بمليون مره من القيصري بصراحه حسيت بمولودي وحطوه على صدري وهو يطالعني فديته والحمدلله على كل حال واي استفسار انا حاضره مع السلامه