قصة ولادتي (والبرود واللامبالاة إلا شفتها)
في ولادتي الثانية طوّلت دخلت العاشر وقالوا لي لازم طلق صناعي ، في البداية مارضيت وطلعت من المستشفى قال لي زوجي ليش مابقيتي في المستشفى علشان يحطون لش طلق صناعي إنتي أخذتي 9 شهور وزيادة يمكن يتأثر الجنين، خفت من كلامه وقلت له برجع بكرة، المهم في اليوم إلا بعده من الصبح قمت أمشي وأمشي وكانت عندي آلام بس مو آلام الطلق يعني وأني أمشي أحس بآلام تروح وتجي لكنها تُحتمل.
بعد الغذا طلعت أمشي وأمشي هلكت روحي من المشي بس لأني خايفة من الطلق الصناعي (تدروا كل شيء طبيعي أفضل) مشيت إلى وقت صلاة المغرب، وبعد ما صليت رحنا المستشفى كشفت الدكتورة عليِّ وقالت الرحم منفتح بس نصف سانتي بكرة بنعطيش طلق صناعي، طبعاً اتضايقت وقلت في نفسي هلكت نفسي مشي وبعدين بس نص سانتي.
المهم ركّبوني فوق قسم الولادة وحطوني في غرفة ثنائية مع وحدة والدة صارليها كم يوم ، قمت أسولف معاها شوي وبعدين قمت من السرير وصرت أمشي في ممرات المستشفى رايحة جاية على أمل يبتدي الطلق ، هلكت روحي من المشي إلين حسيت بآلام شديدة ما قدرت حتى أوقف، شفت كرسي في الممر قريب مني وجلست أريح عليه لكن ماارتحت الالام تزيد ما تقل قلت بروح الغرفة بادق على السستر تشوف وضعي وبصعوبة وصلت الغرفة وأني أون دقيت الجرس وجتني ممرضة أجنبية قلت ليها نادي الدكتورة ماني قادرة أحس إني خلاص باولدتصوروا إنها مارضت وأني ذابحني الألم وهي تقول لا ماما انتي بكرة في سوي طلق صناعي وراحت عني، ظليت فترة وأني أصارع الألم لكن ما تحملت دقيت مرة ثانية جت نفس الممرضة وجابت لي مسكن للألم تخيلوا أني ما صدّقت إن الطلق يجيني جايبة لي مسكن صرخت في وجهها وقلت ليها نادي الدكتورة قولي ليها في ولادة خلها تجي تكشف ، شكلها خافت من صراخي وراحت تنادي الدكتورة ، المهم تصوروا الموقف أني باموت من شدة الألم والمرافقة إلي معاي في الغرفة ويش تقول: في العادة الحريم ما يبغوا كشف وانتي تنادي الدكتورة تكشف عليش ، قلت ليها حاسة إني باولد(ماأدري ويش تبغاني أسّوي الظاهر تبغاني أسكت وأولد مكاني وما في أحد معاي) طبيعي وقت الولادة لازم كشف ، استغربت من كلامها ، شوي ووصلت الدكتورةكشفت وقالت إي في ولادة الرحم ابتدى ينفتح وصل لأربع سانتي.
وعلى طول خذوني لغرفة التحضير للولادة وهناك صارت المشرفة على حالتي باكستنية لوهندية ما أدري، ياربي فيها برود مو طبيعي خلتني داخل الغرفة وجلست على باب الغرفة تقلّب في الملف وأني كلما جاه الألم يشتد وأحس بضغط وكاني بنفجر وأنادي وأنادي وأصارخ وهي ترد علي من بره :لا ماما مافي ولادة الحين (طيب إنتي ويش دراش) ، زاد الألم وزاد صراخي وأخيراً تعطّفت ودخلت لي بعد ما زهقتها بصراخي ، كشفت علي وقالت إي ماما في ولادة الرحم منفتح 9 ونص لا تشدي الحين، تبغاني أمسك نفسي لين ما يودوني غرفة الولادة وأني منهارة حدي أحس بيغمى عليِّ من التعب ، وجابوا كرسي عجلات وقالت لي نزلي من السرير وقعدي على الكرسي (صحيح متفرغة) قلت ليها ما أقدر ، أحس إني ما عندي طاقة حتى أرفع روحي المهم جت معاها ممرضة وحملوني ونزّلوني من السرير وجلّسوني على الكرسي وطيران على غرفة الولادة قلت في نفسي زين إذا وصلت على سرير الولادة زين إذا ما ولدت قبل، المهم دخلت وحطّوني على سرير الولادة وخذيت يمكن ساعة أو أكثر وبعدين طلعت بنوتتي الحلوة الساعة 4 وربع الفجر، حطّوها على صدري ولما شفتها راحت الآلام وهدئت نفسي مع إن لسه باقي المشيمة ما طلعوها وباقي الخياطة تناسيت الألم وعيوني بس تناظرها وهم يمسحوها وياخذوا قياسات عليهاطبعاً لما طلعت على طول سألت عن صحتها وطمنوني والحمد لله سليمة ومعافة وهذا أهم شيء.
الله يسّهل على كل الحوامل ويرزقهم أطفال أصحاء ينّسوهم التعب
يلزم عليك تسجيل الدخول أولًا لكتابة تعليق.
الحمد لله على سلامتك وياااااااارب تتربى في عززك
قهرتني المره اللي جنبك ايش هالاسلوب
بعض الناس فاضين يدققون باشياء ماتخصهم
عالعموم اهم شي انتي وبنتك طلعتوا بالسلامه الحمد لله
قهرتني المره اللي جنبك ايش هالاسلوب
بعض الناس فاضين يدققون باشياء ماتخصهم
عالعموم اهم شي انتي وبنتك طلعتوا بالسلامه الحمد لله
الصفحة الأخيرة
الحمدالله على سلامتك
اغلب المستشفيات كذا
الله لايربحهم....
وكلها مثل بعض
الخاص والحكومى
تعذبتى الله يعينك
بس قصتك اهون واسهل بكثير من قصتى بولدتى
احمدى ربك على العافيه
والله يقر عينك ببنتك
رابط قصتى بحملى بالتؤام
http://forum.hawaaworld.com/showthread.php?t=1666430
__________________