قصة ولادتي والحمدلله على كل حال

السلام عليكم

انا أم لولد واحد
كبر ولدي ولما صار عمره 3 سنوات واربع شهور حملت عليه
وكنت كثير اتمنى اني اجيب بنت
وكنت كل مره اعمل سونار ومايعرفون جنس الجنين وكله اتلهف ابي اعرف شنو ببطني
لما صار الشهر الخامس عرفت اني حامل ببنت وكنت طايره من الفرحه لاني انتظرها
وكنت كل يوم افكر وافكر متى بتجي وافكر ايش بسوي لها وكيف بتكون مع اخوها
وكيف شكلها ، كل شي عنها فكرت فيه حتى ملابسها
المهم من فرحتي انها بنت بديت اقضي ملابسها واغراضها من نهاية الخامس وماجاء الشهر السادس الا انا مخلصه كل شي حتى رضاعات شريت حتى مناديل مبلله شريت مابقى شي ماشريته
بنهاية الشهر السادس بدت تجيني الام كنت اعتقد انها الام عاديه لكن ثاني يوم من الشهر السابع جاني طلق قوي يروح ويجي ولمن اتصلت ع بابا وجاء لي ورحنا المستشفى قالوا الرحم مفتوح سبعه ولاده على طول ، صعدوني بغرفة الولاده لكن الممرضات سعوديات وصاروا يسولفون وكل شوي وحده طالعه تدور عن شي اخروني يمكن نصف ساعه اقولهم حرام عليكم بموت ولدوني
يعاملوني ببرود بالاخير جات دكتوره هنديه وفكت المويه وكشفت قالت الجنين معترض لازم عمليه نادت دكتورتين وكل وحده تكشف بالاخير قرروا ينزلوني عمليات ونزلوني وبدوا يجهزون ولما استعديت كشفت الدكتوره قالت نزل راس الجنين خلاص طبيعي وبديت اولد طبيعي لكن البنت مو جايه تطلع ، عذبوني لين طلعوها بيدهم ، شفت الموووت بعيوني لكن ربي ارحم
طلعت بنوتي حبيبتي اللي اتمناها واحلم اني اشوفها لكن ماسمعت صياحها ماسمعت صوت لها قال لي الدكتور نبضها ضعيف احنا سوينا لها انعاش وبتبقى بالحضانه و20 بالميه احتمال انها تعيش ، انا ماكنت مصدقه ودايخه وصعدوني فوق بالغرف طول الوقت وانا انتظر خبر عنها والمشكله ماقدر اكلم اهلي ماجبت جوالي بالاخير طلعت وقلت لهم ابي اتصل بالعنايه بسأل عن بنتي ، اتصلت وكلمني الدكتور وقال تكلمك دكتوره احسن وكلمتني الدكتوره وبدت تقول انتي عارفه وانتي عارفه بالاخير قالت لي ماتت ،قفلت التلفون ورحت الغرفه انهررررت قمت اصيييح بقوه بنتي اللي انتظرهااا ومتلهفه لشوفتها ودووووم اقول متى تجي ابي اضمهااا راحت ، تخيلوا زوجي بالعمل واهلي ماقدر اكلمهم صرررت اصيح اكثثثثرواقول ابي بنتي ابيهاااا انا متمنيتها وشوي يرن التلفون وتكلمني امي حسسسست فيني واتصلت وقلت لهم تعالوا اخذوني بموووووت ان خليتوني هنا وقفلت من عندها صرررت اصيح واقول الحمدلله على كل حال انا مو معترضه بس مااقدر مااصيح مااقدر جاوا اهلي وجاء زوجي قبلهم من العمل نزل بسرعه واخذني وبس

الحمدلله على كل حال ادعوا لي ان ارزق ببنت بصحه وعافيه عاجلا غير آجل
رُبّ دعوه مستجابه منكم
ولاتبخلون بالدعاء لي بظهر الغيب في صلاتكم