قصة ولادتي والحمد لله

السلام عليكم حبيباتي .... اليوم راح احكي لكم قصة ولادتي اللي كانت يوم السبت 4 ذو الحجة سبحان الله كنت شايلة هم هالولادة بشكل لان اختكم مجربة طبيعي وقيصري وكل الكوابيس بذهني ماتفارقني المهم انا واجعت بمستشفي خاص وطوال الايام الماضية ماصمت ويوم السبت قلت يابنت شكلك ماراح تولدي بس الحقي صومي يوم او يومين من العشر المهم دخلت علي الدكتورة وانا مافيني تعب وقالت خلصتي التاسع اليوم لازم اكشف عليك قلت اوكي المهم كشفت قالت الرحم فاتح 2 سانت وامورك طيبة بس سوي اشعة للجنين نطمن وهنا كانت المفاجأة الحبل السري لاف علي رقبة الجنين كذا مرة قالت لو ولدتي طبيعي مغامرة المهم اتشاورت مع ابو الشباب وقال وكلي امرك لله المهم قالت اخر مرة اكلتي فيها قلت انا صايمة هههههههه قالت انت شكلك ناوية علي العملية قلت والله جات كذا من ربي بس وقالت يالله تروحي البيت وترجعي قلت لا جاهزة مررررة. بس واخذت بنج موضعي ابرة الظهر والحمد لله خرج للدنيا احلي طفل بالدنيا زيزو ربي يبلغني فيه مرادي ويجعلة من حفظة كتابة ....   ملاحظة / كنت التاسع امشي كثير.  كانت حركة البيبي عنيفة يمكن هذا اللي لف الحبل السري مدري ؟؟ والحمد لله جلست بالمستشفي يومين وخرجت والحين الحمد لله بديت اربط بطني وامشي كويس والعملية. بسيطة  ... لكن اللي جربت ابرة الظهر ايش أثارها الجانبية ؟؟؟؟ علي ان الدكتورة اللي سوت لي العملية قالت ست ساعات لاترفعي راسك علي مخدة بعد العملية مباشرة عشان مايجيك صداع والحمد لله الي الان حاسة وضعي تمام     وتوتا توتا خلصت الحتوته.   دعواتكم لي انا والبيبي