قصة ولادتي والصدمة..ونصيحتي لكم جميييعآ // قديم
أمهات حواء :26: تتذكروني أنا أختكمنانا الطمووحة إللي مواضيعي كلها عن طرق فتح الرحم وتسهيل الولادة وياسبحان الله نفع لناس وما نفع لصاحبة الموضوع.. المهم تخيلوا كل طرق فتح الرحم جربتها من شرب الخروع والقرفة وعصير البقدونس ووو...إلخ ويوم إللي يئست فيها تخيلوا جاني الطلق طنشت قلت في نفسي آلآم الدورة مثل كل مره ونمت الساعة 12 في منتصف الليل وصار الطلق يزيد وصار كل نصف ساعه ويوم صار كل 10 دقائق.. صرت أتألم بشدة وصحي زوجي قلت له نام مافي شئ دخلت الحمام ويوم مسحت بالمناديل إلى وشوف الدم والله من شدة الألم وزود الفرح إني أخيرآ بولد :icon28: قمت أرتجف من الخوف وجاني البكا.. خرجت من الحمام صحيت زوجي :arb: أقوله شكلي بولد اليوم نزل مني دم قاللي نروح المستشفى قلت لا بدري كان وقتها الساعة 3 وأدخل المطبخ وأسوي خلطة الحليب مع ملعقة عسل وزيت السمسم..وأمشي بالبيت مع شدة الألم دخلت المطبخ سويت كف مريم وشربته وأقرأ سورة الزلزلة على الساعة 5 فجرآ ماقدرت أتحمل الألم.. رحت المستشفى وهناك تخيلوا بعد العذاب والمعناة والصبر وشرب المسهلات من الساعة 12 بالليل إلين 5 فجرآ مع المغص والآلآم تقوللي الدكتورة الطلق خفيف والرحم مفتوح 1 سانتي.. أنا من الألم خفت أرجع البيت فقامت الدكتوره إللي أشرفت علي هي والممرضات وحطولي الحزام لقياس نبض الجنين وقوة الطلق وهنا كانت الصدمة..:o الدكتورة أول ما شافت الطلق يزيد عندي ونبض الجنين قالت إنتي لازم قيصريه مستحيل تولدي طبيعي تصكت أسناني من الخوف والرعب وصرت أرتجف أقولها ليه يادكتورة قالتلي الجنين مره تعبان قام زوجي قالها أطلبي دكتورتها الخاص مانبي عملية وأنا كل ما يحمى عندي الطلق أقوم و أصرخ يارب ساعدني ياالله ارحمني صرت أبكي وأنا والله من النوع إللي ما أحب الصراخ لكن هذه المره من جد غير.. قالت الدكتورة لزوجي شوف بنفسك كل ما يحمى الطلق عندها يقل نبض الجنين والأكسجين ينقص في دماغه قاموا وحطولي الأكسجين علشان يوصل للجنين وسمعتنا صوت النبض علشان نتأكد المهم كلمنا دكتورتي وجات وشافت الحالة قالت لازم قيصرية وحالا طبعا انا من شدة الألم والله حسيت عظامي تتفكك والرحم كان مفتوح 3 سانتي قلت خلاااااص :06: سوي العملية بس ولدوني زوجي اتصل على أمي واخواتي ولا وحدة ردت الناس نايمه والساعة 6 صباحا جابوا لزوجي الأوراق يوقعها مسكين ماكان يبي قيصرية تردد كذا مره الى أن أستسلم من كلام الدكتورة قالت لنا انت كذا ولا كذا لازم القيصرية سواء كان الجنين حي أو ميت ولا تنسى لازم نخرجه وننقذه بسرعه لأن نقص الأكسجين في الدماغ يؤدي الى أصابة الجنين بالتخلف.. قمت خفت وقلتله وأنا أبكي :icon33: من الوجع خلاص خليهم يسوون العملية أنا تعبت حرام صبر تسعة أشهر وأنا أصلآ دخلت 10 لي يومين وطلبت من الدكتورة الطلق الصناعي قالت إنتي الطلق الطبيعي ما اتحمله الجنين اشلون الصناعي.. بعدها وقع زوجي على الأوراق وهو يهز براسه ويقول لاحول ولا قوة إلا بالله.. دخلوني غرفة العمليات وبالأصح غرفة الرعب سوولي القصدرة ولبسوني لبسهم الأخضر وكنت تحت رحمة الله وسط دكتورة وأربعة ممرضات ودكتور تخدير جاتني دكتورتي علشان تبرئ ذمتها قالتلي نانا أنتي كنتي حتولدي طبيعي والطلق عندك يحمى والرحم مفتوح كل شئ عندك طبيعي بس بنسويلك قيصري مو علشانك علشان ننقذ البيبي إنتي فاهمة قلت لها طيب طيب وزاد عندي الطلق قمت أصرخ وأقلها خلاااااص سوي العملية خدريني أنا تعبانة إنتظروا علي إلين هدأ عندي الطلق إستودعت نفسي وجنيني وجاني دكتور التخدير كان سعودي وطلب منهم يحطولي أسلاك على صدري وجاء عند راسي يقوللي نانا قولي أشهد أن لاإله إلا الله وأن محمد رسول الله وقمت كررت كلامه ورافعة إصبعي السبابة وكرر الدكتور 3 مرات وأنا وراه وماحسيت بعدها بشئ قمت على صوت الدكتورة تضرب على خدودي بالراحة وتقوللي نانا جبتي ولد مثل القمر وزوجي يقوللي حمدلله على السلامة..يقوللي زوجي الدكتورة خرجت من غرفة العمليات تقوللي حصلنا الحبل السري ملتف حول رقبة البيبي كذا مره ومربوط وإنها حالة غريبة بالنسبة لها.. وكان ولادتي يوم الخميس 16 /2/1432هـ ولدت :icon28: الساعه 8 والنصف صباحآ وبالمناسبة يوم شفت نفسي حولد قيصري وأنا وعدت بنات حواء إني حدعي لهم بولادتي والله ما نسيتكم دعيت لجميييع الحوامل وغير الحوامل قبل العمليه وبعد ونصيحتي مو أي خلطة تطبقونها صح ممكن تنفع لناس بس شوفوني طبقت كل شئ ونهايتي مانفع معاية حتى الطلق الصناعي والنتيجة قيصري ..الحمد لله قدر الله وماشاء فعل وهذا حبيبي في حضني :04: يااااارب يحفظه وعقبالكم ياااااااااارب ولو كنت أعرف أشلون ينحط الصوره كنت حطيت صورته..:26::26:
340
51K
يلزم عليك تسجيل الدخول أولًا لكتابة تعليق.
الصفحة الأخيرة
الله يصلحهم ويجعلهم بارين فينا .....آمين