قصة ولادتي والطلق الصناعي

السلام عليكم ورحمة الله وبركاته
انا ولدت امس ولله الحمد وجبت بنوته بعد معاناه من الحمل والولاده
ودورتي كانت بتاريخ18/1
وكل مره الدكتوره تقول السونار غير عن تاريخ
دورتك .تاريخك غلط
وكل مره مستشفى وكلام غير والمتوقع وحده قالت لي 25/11
ودكتوره ثانيه قالت15/12😓
وكلهم قالوا حجم الجنين مره صغير
وحده رابعه خوفتني تقول حجم الجنين فيه شي لاقدر الله غير طبيعي مو ماشي مع الحساب
المهم وانواع النفسيه والتعب
اما الولاده عذاااااب.
رحت موعدي وجيت عند دكتور ممتاز قال انتي عديتي التاسع وطوفتي كمان وانا اشوف حجم الجنين طبيعي واعرف عمر الجنين من طول الفخذ انه مكتمل وخلصتي التاسع وايضا المويه قلت حول الجنين ولازم بكره تولدي بطلق صناعي ..وانا ع طول فرحت خلاص ابغى اولد باي طريقه
.......
نجي للولاده ..طبعا انا عندي اربع اطفال الله يحفظهم بس تعب الولاده هذي غير واعطوني تحميله طلق صناعي وانواع الالم ومافتح الرحم الا1 سم
ويعطوني وحده ثانيه وانواع الالم ويادوب فتح 2سم
وبعد 16 ساعه من العذاب خف الالم وانتهى الطلق قالت الدكتوره خلاص روحي البيت
ااااااه كيف اروح بعد المعاناه هذي وعندي الان الالام بسيطه !!
ورحت الدكتور في نفس القسم واستشرته في العمليه القيصريه قال لا مافي قلق لاتروحي البيت بنعطيك تحميله طلق صناعي وان شاءالله تولدي طبيعي
واخذ التحميله وانواع العذااااب بس الحمدلله
فتح 3 سم والحين جننتهم احس اني ادف وقلت خلاص بولد والحمدلله بالفعل تمت الولاده بتعب لاينسى وجبت بنوته وماصدقت
من العذاب االي استمر 24 ساعه
وهذي قصتي باختصار شديد
والان بعد الولاده الآمي شديده في جسمي وعظامي فقلت يمكن من اثار الطلق الصناعي