فو1كه :

(8) رأيي بصراحة في الخدمات يعني نص ونص الممرضات بعضهم يعصبون بسرعه مدري ماخذين مني موقف ولا هم كذا !!! والنظافة مانظفوا غرفتي الا مرتين ويوم حنا طلبناهم بعد والمره الأولى نظفوها بكلوركس قرف والله انكتمت وكانت الصغيرة عندي خفت لاتنكتم خليت زوجي يوديها الحضانه .......... الأكل طبعا مالمسته اتقرف من اكل المستشفى حتى لو حطولي ذبيحة هع ............ غرفهم عااادية جدا وفي غرف قدام قسم الولادة تسمعين صراخ الحريم منها والحضانه مصيبه قدام غرفة الولادة ومفتوحة للرايح والجاي مافيها الا حرمتين والله خفت كل شوي زوجي يروح يتطمن عالصغيرة الله الحافظ بس ............ ومشكلتهم بعد ماعندهم غرف كفايه وحده والدة كانت منتظرتني عبال مااطلع عشان تاخذ مكاني .......... اما عن مستشفى الأزهار كل ماأتذكرهم اتحسبن عليهم استغلوا اني جايه على آخر لحظة وقاموا يستغلونا انا مشكلتي اني ماكنت ادري انها ولادة عشان كذا مارحت بكير عقبال تقومون بالسلامة والله لايحطكم هالموقف .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, استخداماتي في النفاس .... طبعا للجرح بيتادين وميبو بس مااستخدمته علطول كانت الدكتورة كاتبتلي واحد ومشيت عليه فترة والخيوط الحين توها طايح بعضها صار لها شهر ... للتشققات .. استخدمت خلطة لسان البحر بخل التفاح لمدة اسبوعين وراح من التشققات 50 في الميه ليتني اواصل عليها الفوط الصحيه في البدايه يوم كان النفاس غزير استخدمت بيبي جوي حق الأطفال << ياويل وحده تضحك بصراحة رهييييب ومريح ولا يوصخني وانا نايمة يوم خفت علي استخدمت سندريلا او اولويز الملمس القطني عشان الإسمرار للإسمرار المنطقة الحساسة استخدمت مرهم افالون اسبوع ماحسيت بفرق جربت بودرة التلك بماء الورد حسيت مكان الخياطة تألمني مالقيت افضل من (احتروني اقولكم عالسر ) والله عقب ولدت اسودت المنطقة بشكل مررريع واكتأبت من شفتها قالتلي وحده الله يوفقها دنيا وآخرة استخدمي المسحة الطبية !!! صرت كل ماأدخل الحمام امسح المنطقة كلها وراح تلقون وانتم تمسحون بشوي سواد يطلع من المسحة استمري عليها وراح تلقين نتايج مررررضيه للغاية الحين راح من السمار 70 في الميه او اكثر الأكل .. بصراحة كنت مهمله فيه ونفسي مسدوده والله يستر علي بعد النفاس من توابع الجوع ... واشرب كمون على شاهي اخضر على قرفه على قشر قهوه واحيانا زنجبيل يقولون حلو يزيل الكرش وينحف الخصر ... للبطن والكرش .. كنت اشد بس مو اليوم كله احيانا وقت النوم واحيانا ساعتين بالنهار ماعرفت استخدم الشماغ قمت شريت من الصيدليه مشد خاص لبعد الولادة والحين الحمد لله مافي كرش بس تررررهلات هههه واللي عندها حل للترهل تفيدني انا اشرب لها كمون وشاهي اخضر وقشر قهوة عساها تفيدني ... ،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،، يتبع اخيرا >>>

(8) رأيي بصراحة في الخدمات يعني نص ونص الممرضات بعضهم يعصبون بسرعه مدري ماخذين مني موقف...