سلام يابنات
بقولكم قصة ولادتي بولدي البكر
طبعا بالبدايه انا كنت اتابع بالعسكري بس تجربة اختي فيه في مبنى الولاده
خلتني افكر بالخاص واخترت دله
الموهيم... تابعت بالعسكري الين قالولي اذا حسيتي بمغص او مويه تعالي
وطبعا سحبت عليهم ورحت لطواري دله قسم الولاده وفتحت ملف بالتاسع
تاخرت بالتاسع كملت اربعين يوم ونص ..ويوم الاحد نزل علي دم خفيف
ورحت لدله قسم الطواري .الساعه وحده بالليل..قالولي مفتوح واحد ونص سانتي
بنعطيك تحريض ولاده ..وبصراحه مافكرت بالالم او كنت خايفه متوكله على الله
بعد ماعطوني التحريض بابره قعدت امشي شوي الين يجهزون غرفة التنويم وطبعا انا اخترت مشتركه
بخمسه الااف بعدين ودوني لغرفة التنويم ويجي مغص يروح ويجي وكل مره يزيد الين الساعه 3 الفجر
وزوجي معي ..قلت له روح ارتاح انا مطوله ..وماجاني نوم قعدت بسريري والمغص يروح ويجي
قلت بمشي احسن بسيب المستشفى ولبست عباتي ونقابي الساعه 5 الفجر وقعدت امشي واروح للاقسام
الثانيه خخخخخخخ واقعد اقرا ..هنا قسم التنظيف وهنا مدري وش اسوي اسلي نفسي وقعدت الين
الساعه 6 بالضبط ورجعت لغرفتي والمغص مستمر الم شديد مره وبدا هالمره يشد اتحمل بس هالحتى الساعه 7 وبعدها جاتني دكتوره سودانيه كشفت علي وقالت
اثنين سانتي بنعطيك تحميله شرجيه وبعدها الله يكرمكم روحي الحمام عشان نوديك لقسم التوليد
وبعدها جاتني ممرضه اخذتني بعربيه ودخلت غرفه فيها 3 قابلات شحليلهم عسل ومعاملتهم حلوه
وبعدين الدكتوره وهي زينه السميري كانت عسل فتحت لي المويه ..وبعدها بدا الالم الصح ووقتها جاء زوجي وكانت الساعه 9 صباحا وطبعا عادي يدخل معك
وهنااااااااااااااا بدا الطلق عطوني مسكن بالورك وصرت مثل الدايخه ابي انام بس كل ماجاء الطلق
اقوم عليه واصيح وتعبتهم معاي عطوني 3 ابر مسكن والطلق احسه يشد وانا اقول بموووووووت
بموووت ..الموهيم قعدت اصيح ابي ابره ظهررر عطوني ابره والدكتوره تقول ماتحتاجيها مفتوح
8 سانتي وماعطتني ابره عييت تعطيني ...الموهيم كان الطلق متعب بصراحه وتعبت كثير
يمكن لاني بكريه الموهيم جاء الولاده وكل ماجاء الطلق تقول الدكتوره ادفعي وانا مع الالم
احاول واحاول وهي تقول راس اليبي قريب ..اخر شي تمت الولاده واسمع الممرضات
ولد ولد ..والحمد الله ولدت وخيطتني ونقلوني بسريري لغرفة التنويم الساعه 2 الظهر
عنايتهم كانت حلوه ومعاملتهم كمان ..
وطلعت اليوم الثاني ...عطوني غسول ومرهم ومسكن للخياطه ومضاد للاتهابات لمده سبع ايام
بس وحده قالتلي لاتلمسين المنطقه وحطي المرهم على الفوطه وغسلي بمويه على الخفيف
وصرت اخااااف منها
سببتلي الم وحرقان وتعبت ورحت بعد 3 ايام للدكتوره قالتلي غسلي عادي وافركي عادي بس على خفيف
اهم شي يابنات النظافه ...
واذا حابين اعطيكم اسم الغسول والمرهم انا جااهزه
والحين بحول للعسكري تطعيمات والله يمشي هالايام على خير واخلص الاربعين بخير وعافيه
وبدون مشاكل
وان شاء الله عقبال كل حامل وعلى فكره كانت معي وحده بالغرفه ماتحس بطلق مع انه راس
البيبي قريب ..سبحان الله
دعواتكم يابنات والله يهون عليكم وييسر امركم ويرزقكم باللي تتمنونه يااااااااااااارب
:27::27::27::27::27:
دلع x دلع @dlaa_x_dlaa
عضوة فعالة
يلزم عليك تسجيل الدخول أولًا لكتابة تعليق.
ام ريما 94
•
الحمد لله على السلامة وعقبالي وكل مكروبة ربي اسالك هون الطلق وحسن الخلق
مس نجد
•
الف الف مبرووك وعقبالي ان شاء الله
اللهم اني اسالك ان ترزقني ولداتقيا نقيا حافظا للقران بارا بوالديه ياااااارب
اللهم استجب لدعائي انك انت السميع العليم
اللهم اني اسالك ان ترزقني ولداتقيا نقيا حافظا للقران بارا بوالديه ياااااارب
اللهم استجب لدعائي انك انت السميع العليم
الصفحة الأخيرة