السلام عليكم
اليوم حابه احكيلكم قصة ولادتي
بما انه مر علي اسبوع من ولدت :27:
انا ولدت في يوم الثلاثاء 24\7
طبعا الي صار اني في اليوم الي قبله كنت مررررة متضايقة لأني خلصت التاسع وباقي ماولدت
وقريت موضوع في احد المنتديات وحدة من الاخوات كاتبة تجربتها وانها شربت زيت الخروع وجابلها الطلق
طبعا انا على طول تحمست ورحت وشريته :hahaha:
وحطيته مع عصير مانغا وشربته ووراه اكلت ملعقة عسل
شربته كانت الساعة 2 ونص
ورحت بعدها انام وقمت على آذان الفجر على الحمااااااااااااام :35:
تعرفون زيت الخروع ينظف البطن
بس والله كانت معاناة :hahaha:
والحمدالله بعد تقريبا ساعة نظفت بطني
وبعدين الصبح على الساعة 6 بديت احس بوجع مثل وجع الدورة
وكل ماله يشد علي
قمت امشي واستغفر وادعي
وشوي على الساعة 8 نزلت علي مويات بس شوي مو كثير
قامت الوالدة الله يطول بعمرها سوت لي الحلبة مع العسل
وطريقتها تغلين حلبة على النار وتحطين معها ملعقة عسل
شربتها ورحت اتروش بموية دافية ولبست واخذت شنطتي ورحت عالمستشفى
كشفت علي الدكتورة وقالت انه 3 سم
المهم انا كنت ناوية على ابرة الظهر
والي اعرفه انه لازم آخذها على 4 سم
حطوني في غرفة وقالتلي الممرضة اذا شد عليك الوجع مرة ناديني
وكانوا كل شوي يجون يشيكون علي
على الضغط والحرارة وعلى نبض الجنين
لين حسيت الوجع زاد
وكان بصراحة الطلق متلخبط
يعني يجلس فترة يجيني الوجع كل 5 دقايق وفترة يطول
وسمعت ان هذا من زيت الخروع
وبعد فترة جت الممرضة وكشفت وقالت انه صار 4 سم
وراحت جابتلي حقنة شرجية
وقالتلي اذا رحتي الحمام وخلصتي ناديني
وبعدها ودوني على غرفة الولادة
وقلتلهم اني ابغى ابرة الظهر
طبعا قيمتها كانت 1700
وانا كان الوجع شاد علي
جات دكتورة التخدير عشان تعطيني الابرة
وكنت مرة خايفة منها
وقالتلي لاتخافين انا توني معطيه الي على يمينك والي على يسارك
وكلهم بخير الحين
طبعا طريقتها انها خلتني انسدح على جنب
واثني ركبتي لين تلامس بطني
وتعطيني الابرة في اسفل الظهر
الابرة ماتوجع مرة
مثل الوغزة الي تحسين فيها مع ابرة البنج حق الاسنان
وكانت الدكتورة تتكلم معي وخلتني التهي عن الوجع وانسى الخوف وخلتني استرخي
و فيه انبوب يطلع من مكان الابرة تلزقه على ظهرك وتوصله على كتفك وتلزقه
اتوقع انه عشان جرعات البنج
وبعدين ارجع انسدح على ظهري
اهم شي وقت الابرة انك تكوني مسترخية يعني مو شادة وهذي نقطة مهمة
طبعا بعد الابرة بتحس احساس ثاااااااااااني
اسفل جسمك بيكون مخدر
بس تقدرين تحركينه
بتحسين بكشف الممرضة وبتحسين بالطلق ولو حطتلك قسطرة البول بتحسين فيها
كل شي بتحسين فيه بس بدووون الم
والله وقتها حسيت نفسي مثل السكرانة ههههه
يعني مرتاااحة وما احس بالوجع
وبعد كذا عطوني طلق صناعي عشان يسرع الولادة
وجت الدكتورة وفتحت الموية لأنه مانزلت علي كلها
وكان راس الجنين طالع فوق شوي قامت تضغط على بطني عشان ينزل وخلتني اجلس عشان ينزل بسرعة
والله على كثر ماكانت تضغط وتحوس بيدها فيني ماكنت حاسة بأي وجع :35:
بعد كذا بدا الرحم يتوسع
والحمدالله كان بسرعة يعني من 4 ونص الى 8
بعد كذا بديت احس بالوجع
مدري يمكن عشان الوجع كان شاد
لأنه كنت عالاخير
ما اخذت نص ساعة الا وقالت الممرضة انه صار 9 ونص ولازم ينقلوني لغرفة ثانية يولدوني فيها
نقلوني على الغرفة الثانية
وكشفت علي لقته 10
وقالت اذا حسيتي ان ودك (...) ادفعي
قمت ادفع وانا اقولها وين الدكتورة
قالت الحين جاية
كنت خايفة اولد والدكتورة ماجت
بس الحمدالله جت الدكتورة وانا قمت ادفع
ووووطلعت بنوتي بالسلامة الحمدالله
بعد ما ولدتها حسيت بتعب مو طبيعي
يعني كأني كنت اركض مسافة طويلة
ونفسي منقطع
والله كان شعور جناااااان
وانا اشوف بنتي تهبل بسم الله عليها :27:
اخذتها الممرضة تصورها قدامي وتحط لها سوارة بالاسم
وقامت الدكتورة تخيطني
طبعا مع ابرة الظهر ماكنت احس بوجع الخياط
واستغليت الفرصة وقلت للدكتورة تخيطني مضبووووووط
طبعا بعد ماخلصت نقلوني على سرير وودوني غرفة لحالي
قعدت فيها فترة طوووويلة
حتى اني خفت ينسوني :hahaha:
بس بعدين جت الدكتورة هي والممرضة ولفوني على جنب وسحبوا مني ابرة الظهر
طبعا رجولي كانت ثقيلة ويالله احركها
وقمت اوسوس من الشلل
بس يوم سألت الدكتورة قالت طبيعي كذا وبيروح منك الثقل بعد 4 ساعات
وبعدين ودوني الغرفة وكانت فيني القسطرة حق البول فما كنت مضطرة اقوم
وقعدت منسدحة 4 ساعات وبعدين شالوا عني القسطرة
وقالتلي الممرضة اجلسي شوي بعدين روحي الحمام
وفعلا قمت عالحمام وكانت معي الممرضة تساعدني
اول شي حسيت بثقل في رجولي يوم وقفت
بس كنت على مهلي
واحركها شوي شوي
وبعدين يوم خلصت قمت امشي في الغرفة على مهلللللي
امشي شوي وارجع ارتاح بعدين اقوم امشي شوي
ساعة وحدة وحسيت كل اموري تمااااام
والحمدالله كل شي عدا على خير
قعدت في المستشفى 3 ايام وبعدين طلعوني
وانا احس احسااااس لايوووصف بصراحة
وانا شايلة بنتي بين يديني وطالعة فيها
حسيت اني شايلة الدنيا كلها بين يديني
والحمدالله الحين مر علي اسبوع
صحيح ظهري احيانا يوجعني بس وجع خفيف
وبس انسدح على ظهري وارتاح
والصداع الي يقولون عليه بصراحة ماحسيت فيه
والحمدالله كل شي تمام التمااااام
كانت هذي تجربتي في ولادتي الثانية
وحبيت انقل تجربتي عشان تستفيدون منها
وتجربتي مع ابرة الظهر
لأني اعرف ان كل الحريم ودهم يجربونها بس متخوفات منها
س والله انها رهيييييييييييبة ولاتخوف
وانصح كل وحدة على وجه ولادة انها تاخذها
لأني من جد حسيت بفرق كبير بين ولادتي الاولى والثانية
واتمنى من اي وحدة قرت تجربتي انها تدعيلي اطلع من نفاسي وانا مثل العروس في عيون زوجي
تكفوووووون مابي منكم غير هالدعوة
والله يهون على كل حامل ويرزق كل محرومة ويزوج كل عانس
آآآآآآآآميييييييييين يارب
انا للفارس ام @ana_llfars_am
عضوة جديدة
يلزم عليك تسجيل الدخول أولًا لكتابة تعليق.
GYMBOREE
•
الف مبروووووووووك البنوته والحمدلله على سلامتكم
الف الحمدلله على السلامه ومبروك عليك البنوته الله يحميها
وعقبالي باحلى ولد يارب اللهم امين والله يهون علي ويهون على كل الحامل
اللهم ارزقني حملا سليما معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
لاله الانت سبحانك اني كنت من الظالمين
وعقبالي باحلى ولد يارب اللهم امين والله يهون علي ويهون على كل الحامل
اللهم ارزقني حملا سليما معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
لاله الانت سبحانك اني كنت من الظالمين
مبروك يالغلا والله يجملك في عين زوجك ويشوفك احلى عروس بالدنيا ويسخره لك ونفسي والي يقرون ااااااامين يااااااااااارب بس ماقلتي لنا في اي مستشفى ولدتي واي دكتوره ولدتك
الصفحة الأخيرة