قصة ولادتي وتجربتي مع خلطة الثمانيه سانتي

السلام عليكم اخباركم حوائيات 
انا حلفت اذا ما حسيت بالطلق من الخلطه لاقول لكل وحده عن هذي الخلطه الله يوفقها يارب ويعطيها الجنه بدون حساب امين 
المهم انا كان ميعاد ولادتي فث 3/5بس عدي هذا اليوم علي خير وانا مستمره علي الخلطه من بداية الشهر التاسع بس ماكنت امشي لان جاني ضغط علي الكلي من الجنين حتي كانوا يبغوا يسووا لي دعامات للكلي عشان يخف الألم اللي كنت اموت منه كل ليله وتعبت مره من الكلي اعطوني مسكنات وجلست طول الشهر التاسع اخذها طولت عليكم المقدمات عشان اقولكم عن اللي صار لي يمكن كان بسبب المسكنات مو الخلطه المهم جا اليوم الموعود كان يوم 5/5جاني الم الطلق في الصباح وسبحان الله جاني علي طول كل ثلاث دقايق وخشيت التجمع قالوا هذا طلق كاذب وجلست امشي عشان يخف الالم بس من اوقف يخف الالم وانسدح شوي ويرجع بس كان يرجع متباعد مو متقارب العكس انا استغربت وطنشت قلت اتسلي علي عالم حواء وجلست اقرا بس مع الالم كنت اسوي طريقة التنفس لان الطلق من البداية كان حار مره زوجي حس فيني وكل شوي يصحي يقول وش فيك لان شافني كل شوي اروح الحمام اكرمكم الله قلت مافيني شي نام ورجعت احاول انا حتي الساعه 11وزوجي قام قال باجيب الغدا من برا وهو مايدري اني تعبانه كنت ساكته عشان مايقول يالله ع المستشفي وراح ورجع بعد الصلاة كانت صلاة الظهر وصليت وانا جالسه من الألم وبنتي ازعجتني واروح واخليها ابغي انا ماقدرت الم مره قوي واحس بدفع وانا في الحمام واسهال قلت لزوجي بعد ماجا تغدي انت والبنت انا ماابغي قال خلينا نتغدا سوت قلت انا تعبانه قال ولاده يعني قلت ايه ماصدق خبر قال يالله مشينا لانه اخذ اجازه من العمل وكان خايف تنتهي وانا ماقد ولدت قلت تعدا قبل وبعدين نمشي تغدا هو وبنتي وقمت ألبس بنتي وكلمت اختي قلت انا احس راح اولد وامي تعبانه لاتكلميها حتي اولد وخليت بنتي عندها ورحت المستشفي وكانت الساعه 2ونص الظهر ودخلت قاست لي وكان الام محتمل نوعا ما قالت ماشاء الله خمسه ونص ولاده وعلي طول غرفة الولاده كانت الساعه ثلاثة بعد ماخلصوا التحليل وكل اجرائات المستشفي وانا اصيح اقول ابغي حمام قالت ولاده خلاص ويجي الدكتور ويعطيني ابرة الظهر وتخيلوا وش المفاجئه ماتخدرت قلت لدكتور ماتخدرت قال بعد دقيقتين تتخديري وانتظر وماتخدرت وبدت الدكتوره تولد فيني واحس بالدف وانا مو مخده مع ان  المستشفي خاص تابع لشركة دله بس ماتخدرت ابدا وبديت ادف وصحت علي الدكتور قلت مو قادره اتنفس ابغي بنج وإعطاني منوم بس بعد ماشفت الراس طالع وتخيلوا نمت دقيقتين بس وصحيت علي التنظيف والخياطه الم مو طبيعي واستسلمت لهم وانا احس بكل شي ماكاني كنت تحت تخدير والحمدلله ولدت بنتي الثانيه علي الساعه4ونص العصر 
والخلطه عجيبه كان الطلق يطول وكان حار اكثر من كذا واذا رحت قال 2سانتي بس مع الخلطه ألطلق محتمل وكان الرحم فاتح ست سانتي بس التخدير مادري وش السبب ليش ماتخدرت هل بسبب الخلطه او بسبب المسكنات والحمدلله كانت ولادتي سريعه ماشاء الله يارب كل الحوامل تكون ولادتهم سهله ويقوموا بالسلامه