السلام عليكم ياحوامل وغير الحوامل
انا بقول لكم قصت ولادتي ببكري
انا عندي خووووووووووووف ورررررررررررررررعب من الخياطه والشق ومن الامها بعد الولاده ومع اني بكريه الا عارفه كل شي من كثر مااقرا مواضيع الاخوات الله يجزاهم عنا كل خير
الموهم انا ولدت لي 3شهور وكنت في نهاية الثامن والبيبي وزنه مرررررررره صغير كيلو و600 جرام
المهم قبل ولادتي اتنومت 4 ايام لاني نزل مني دم بشكل خيط رفيع يادوب ينشاف واكلم زوجي وصمم عليه اروح المستشفى ورحت وقالولي الرحم مفتوح سانتي وانا فرحت كان ودي اولد لاني مشتاقه ودي اشوف ولدي وقالولي البيبي حجمه كبير انا صرت كذا:eek: احتمال عندي سكر حمل >>>الاخت معنده ماتسوي التحليل واثقه ماعندها سكر
واخذتلي تهزيء من زوجي العزيز:p خخخخخخخخخ وشافو في الاشعه التلفزيونيه وقالو انه طبيعي كان ودي اكفخ الدكتوره عشان ماتحكم على الشي قبل ماتشوفه موتتني رعب و مايسوى علي التهزيء وشافو السكر مبدئيا قالو ماعندي سكر الحمد لله
وعلى إثرها>>>> اخس يالغه
تنومت 4ايام خخخخخخخخخخخخخخ ونشبت في حلوقهم ماودي ارجع البيت باقي شوي ويطردوني لان زوجي يشتغل في المستشفى عندهم وكان مناوب وانا قلت ماني مروحه لاني اذا روحت بروح بيت ام زوجي قلت خلاص بجلس يوم زياده ونرجع البيت مع بعض:42:
اللي يضحك في ممرضه فلبينيه مقهوووووووووووووووووره موت لاني بجلس زياده يعني شغل زياده هههههههههههههههه
وكنت في فترة التنويم متعرفه على اللي جنبي >>>>> اها عشان كذا الاخت بلطت في المستشفى:hahaha:
الموهم وانا جالسه معهم وادعي اني مااطلع من المستشفى الا وانا والده
وانا ماادري ان ولدي حجمه صغير قالولي حجمه طبيعي ودعيت في وقت استجابه
المهم بعد مارجعت البيت اليوم الثاني داومت الجامعه من كثر الفلاحه وهم قايلين لي لا تتحركين ولاتسوين شي
وطلعت الدرج ودوبني داخله القاعه الا امي تتصل عليه واستأذن واطلع اكلمها وانا اكلمها الا يجيني هذاك الالم واقول لامي واقوم امشي واكلمها وصار يروح ويجي قفلت من عندها واستأذنت من المدرسه وقالت مايسوى عليك المشوار والجيه>>>>على فكره المدرسه ماتدري اني حامل خخخخخخخخخ لان بطني صغير مره وكنت دايم البس العبايه
الموهم واروح المصلى والالم يجي ويروح وكلمت زوجي وقلتله قال اكيد ولاده وانا عرفت انه طلق بس ماني مصدقه
وجاني رهبه من الولاده وفرحه شوي الا انقطع عني الالم اختفى نهائيا وقال لي زوجي اذا ماقدرتي تستحملين قوليلي
وانا اجيك
ورجعت البيت واول ماانزل من الباص الا المويه تصب صب واطلع البيت ومو راضيه توقف واتصل عليه واقول له
اني نزل مني مويه وقال خلاص انا اجيك وجهزي شنطتك
وارمي في الشنطه ملابس على السريع واخذلي شور واصلي الظهر وجا زوجي ورحنا المستشفى قالو لي الرحم مفتوح سانتي تقريبا ونزل مني دم وطلعوني في غرفه خاصه والمويه تصب مني لين 4ونص ووقفت وبدى الطلوق خفيف
لين بعد المغرب زاد وانا موقادره استحمل وزوجي واقف على راسي والممرضه اللي معي مرررره عسل كنت متعرفه عليها وانا منومه :22:
وبكيت شويه من الالم وزوجي يصبرني ويهدي عليه وصبرت
وحطولي كمامات اكسجين وجو اهل زوجي وحمواتي خوافات وباقي مااتزوجو ودقت عليه ام زوجي قبل لا تجي تقولي تبغين شي اجيبه لك قلت لها ابغى عسل وفوط صحيه والله ماقصرت معي الله يجزاها كل خير
وهم عندي بناتها كل ماجاني الطلق اقلب وجهي الجهه الثانيه ماودي يشوفوني ويتوبون من الزواج ههههههههههههههه:hahaha:
واخو زوجي الصغير يقول خليه يطلع والله اضربه شوفو كيف عذبها ياحبي له والله
كان يراقب نبضات الجنين وقال متى يوصل صفر ههههههههههههههههههه على باله اذا وصل صفر اولد
وضحكت وانا في عز المي
بتقولون فين امي
امي في الجنوب وهي مررررره حساسه وتخاف علينا بشكل موطبيعي كانت تتصل على خالتي ام زوجي وتبكي وتكلمني وتبكي انا قلبي اتقطع عليهابعدين خلاص انقطعت عن الناس وماعاد فيني حيل اكلم احد
وام زوجي كل ماجاني الطلق تمسك يدي وتواسيني والله كانت تهدي عليه وجا الساعه 12 ونص وشافو الرحم انفتح 5سانتي ونقلوني غرفت الولاده وجا زوجي وام زوجي معي وقالو احتمال اني اولد الفجر وانا اقول لهم اعطوني منوم او مخدر ابي انام كنت مقتوله نوم وضربولي ابره وخدرتني بس كل ماجاني الطلق اصحى والممرضه اللي كانت معي افريقيه اول ماشفتها قلت رحت وطي لانها سميييينه وسمرا
لكنها طلعت حنونه وطيبه والله انها مافارقتني بس ماسكه يدي وتشد عليها اذا جاني الطلق وام زوجي تعبت معايا مسكينه جلست جنبي وولت المهمه للممرضه:p
وبعد ساعه على1 ونص اشوفهم يلبسون وانا مخدره وام زوجي ماتدري وش السالفه الا تسألها وتقول ولاده وانا فرحت وجات الدكتوره كان حجم البيبي صغير عاد وقتها انا صحصحت جات اللحظه الحاسمه غطوني بشرشف من قدام عشان ام زوجي ماتشوف عاد صار وجهي بوجه الدكتوره وانا اقول لها لاتشقيني وهي استغربت وانا اقول لها ماابغى حجمه صغير مايحتاج شق وهي تقول مااقدر اوعدك خالتي تقول لها حاولي وتغمز لها بعيونها يعني ماعليك منها وانا ياغافلين لكم الله وتخدرني وقامت تشق اهئ اهئ وانا اقول لها شقيتي تقول ايه قلت والله ماحسيت خخخخخخخخخخخخخخخخخخخ
وبعدين تقول دفي عاد وقتها اختفى الطلق قمت ادف من عندي ودفتين وطلع بسرعه قولو ماشاء الله تبارك الله
لانه صغنون وطلع وانا مبسوطه وزوجي مسكين راح ينام في الغرفه اللي جنبنا في غرف للاطباء يريحو فيه وقت المناوبات وهو على باله اني بولد الفجر وانقهر انه فاته ماشاف الولاده وانا فرحت انه ماشافها اتخيلو يشوفني وانا مشقوقه والحاله صعبه وقام يجري جري امه اتصلت عليه وقالت له اني ولدت
وجا والكرفتا حوسه وملابسه حوسه واخذ ولدي من الممرضين وجابه يوري امه واقول له ابي اشوفه يوريني من بعيد واخذه هذا كله والدكتوره تخيطني بعدين اخذوني حضانة العنايه المركزه وشفته
خخخخخخ جلست اهلوس من المخدر اللي عطوني مانمت الا الفجر
وطلعو ولدي بعد ثمان ايام في الحضانة
وبس وجبت احلى حسن في الدنيا كلها
اما عن المستشفى انا ولدت في المدينه الطبيه في الرياض والمستشفى راقي ونضيف وتعاملهم رائع وانصح اي وحده تولد فيه اهتماااااااااااااااااااااااام
واسفه على الاطاله وشكرا
ملاك بلا اجنحه @mlak_bla_agnhh_1
عضوة نشيطة
هذا الموضوع مغلق.
اشراقة كل يوم
•
انا اول من يبارك لك الحمد الله على السلامة ويتربى بعزكم ويرزقني سهولة الولادة حقتك ههههههههه مستعجلة
الصفحة الأخيرة