قصة ولادتي وعذابي بمستشفى العسكري

السلام عليكم


كيفكم ياحلوووين ,,

أنا ولدت قبل 10 شهور تقريبا ومن اول ابغى احط قصة ولادتي لكن مافضيت

وإلحين بسردها لكم

يوم السبت وانا قايمه من النوم وإلا احس بمويات تنزل مني وطنشت الموضوع وقلت يمكن طبيعي

وإستمرت الين يوم الاحد كلمت امي قالت كيف تحسينها زي البزبوز اقولها لأ شئ بسيط

ولكن على دفعات المهم امي كلمت خالتي وقالتلها خالتي انا حرمة ولدي زي كذا وماراحت

وبعدين قالولها موية الجنين نشفت وسولها قيصري المهم وقالولي اهم شئ اكثر مويا اعوض

وبعدين على المغرب يوم الاحد خفت وسألت امي وقالت احسن روحي العسكري طواري وتطمني

قلت لا تعب وسرا خليني اشوف المستوصف الي جنبنا ورحت وقالتلي خلينا نسوي كشف

انا خفت وجاتني فجعه ورتفع الضغط عندي وجات كشفت عليا الدكتوره وقالت رحمك مسكر

وشكلو مافي شئ قلتلها يادكتوره انا الحين واقفه واحس بمويات تنزل مني

قالت خلاص ذحين روحي سوي سونار ونشوف المويا ذي من فين

المهم سويت سونار والا قلي الاخصائي ان المويا يادوب تكفي الجنين يعني اخر شئ بالطبيعي

ماتصبري ع نفسك اكثر من 3 او 4 ايام

قلت له طيب

ورحت وديت الاشعه للدكتوره وقالتلي خلاص من بكره جهزي نفسك انتي وشنطة البيبي وروحي ع العسكري

لأني قلتلها بولد هناك وقالتلي انا ماابغى اقولك روحي من ذحين عشان تنامي في البيت وتريحي وبكرا الصبح روحي

قلتلها اوكي ,,,


المهم رحت ويالتني مارحت رحت وآه بس وآه

دخلت الطواري سولي تخطيط وقالوا طلق خفيف جدا

وخاصموني اني ليه ماجيتهم اول مانزلت المويا عليا

وقالتلي الدكتوره بأخلاقها المعدومه احنا ذحين مانقدر نكشف عليك لكن بنشوف

جابوا حاجه زي الحديده دخلتها فيا وانا أتالم حسبي الله عليها

المهم وطلعوني فوق عند كشك الولاده وانا جيتهم 8 الصبح وكشفت عليا دكتوره الظهر قالت و1

وبعد ساعتين جات قالت و1 ونص المهم اقولهم ابغى امشي يقولولي لا انتي غلط تمشين عشان نزلت عليك مويات

المهم وانا قبل مااطلع عند الكشك زوجي الي دفني بالعربيه مو ممرضه والمسكين يوم فتحت الممرضه الباب

وهو جاي بيدخلني للكشك الا نافخت عليه وحده سعوديه حقت الاستقبال تقوله هي وش مدخلك برا امي تنرفزت وقالت مو هوا الي دفها لهنا وهو وش دراه ذيك ام اللسان حسبي الله عليها تقول لا يعني يشوف عورات الحريم

وتنافخ وتقول اصلا مابيولدون بنتك الا ذولي القابلات يعني اذا سو شئ لبينتك انتي السبب تخيلوو

وانا ابكي وتقول لأمي انتي اطلعي برا قالت انا امها قالت عارفين اطلعي ممنوع تخيلوا وانا حضنت امي وجلست اصيح

وابكي اخلاقي قفلت وامي تبكي معايا وهي المسكينه معاها الضغط والسكر الله يشفيها ويحفظها لنا

المهم امي طلعت وانا جلست ابكي كأن عندي عزا خايفه

المهم جلست العصر وهو لسى 1ونص واسمع صريخ الحريم وهم يولدون وانا ابكي خايفه لأنهم مره جنبي

ويوم ابغى اروح الحمام الاقي غرف الولاده بالستاير مفتوحا تخيلوا وعوارت الحريم الي رايح والي جاي يشوفها مايغطو الستاير

والهم وبعد العشاء جات وكشفت قالت 3 روحي امشي ايوا تعبوا يبغون الفكه المهم واروح امشي وامشي

طبعا في الكشك ماطلعت برا

المهم في قابله قالبتها وقلت ابغى اروح برا امشئ قالت في المستشفى بس قلتلها طيب

واروح برا واقابل زوجي وامي واحضن امي وابكي واقولهم ابغى اجلس عندكم ماابغى ارجع الله يخليكم

والا شويا تناديني الممرضه تقول موعد الابره هما اعطوني زي التحاميل وابر عشان المويا وبعدين اعطتني زي البخاخ من ورا عشان راس الجنين ينزل المهم

وجات الساعه 12 وكشفوا ولقوه 3 ونص قالت خلاص يلا غرفة ولاده

واروح وقلبي يدق والله ياناس انه كان نفسي اموت ولا اشوف هاذا التعامل القاسي

والاخلاق الواطيه وبعدين كل بعد ساعه يجون ويكشفون وربي عذبوني بس يكشفون

مره 4 ومره 4ونص ومره 5 المهم الين جاء الفجر فتح 6 قالت ذحين طلق صناعي قلتلها ليه

قالت انتي في طلق قوي بس مو مره قوي عشان يولد انتي هي من جنوب افريقيا

المهم مره تعبت وكل ماله يقوا ويقوا ومحد عندي انادي السستر واتاريها تولد وحده جنبي

وانا بموت من الألم وابغى الحمام فيا بول وانادي وانادي ولا احد يسمعني

وانا مااقدر اقوم عشان في يد المغذيه واليد الثانيه الطلق الصناااعي

وجات بعد طلوع الروح سوتلي قسطره

وبعدين احس اني بتفجر وانادي جات تقول ها في الم

واقولها ايوا تقول استني اشوف تقول لسى 8ونص

وهو موعدها غلق وتبغى تروح وجو كم وحده من الي دوامهم الحين تشرح لهم عني

وانا أتألم ووحده تجي من الممرضات وتقلد صوتي وانا اتوجع وتضحك


تخيلووو بدال ما تخفف عليا

المهم وشوي كذا ع الساعه 8 الصبح الا وصلت بنتي القمر ربي يحفظها ويخليها ليا


تخيلوا امي تسأل تقول بنتي ولدت يقولولها لا لسى مافي ولاده

وهي تناديني واقولها ايوا ياامي ولدت

وبعد ماولدت اعزكم الله لبستني فوطه الممرضه وانا قايمه طاحت مني

جات حقت النظافه تنافخ انتي بيتك سوي كذا

وجلسوني بكرسي مكسر ماله الا مكان لرجل وحده واحس بالخياطه تفكك

بس الحمدلله ان ربي قومني انا وبنتي بالسلامه

بس بجد عانيت معاناه من المستشفى مايعلم فيها غير الله

وبعدين يوم دريو الاقاريب اني ولدت بالعسكري

قالولي والله معروفين بأخلاقهم وسمعتهم السئيه لو درينا ماخليناك تولدي هناك

وعمتي ولدت عندهم وتسب فيهم ومرت عمي كمان

يعني عرفت انهم كذا مو على حظي






وتخليوا اللهم لا اعترض عن قدرك بعد 3 شهور من عمر بنتي اكتشفت اني حامل

والحين حالتي حاله واقول يارب تطببني بالمستشفى الصاحيه يارب والدكتوره والممرضات الطيبين والخلاق

الي يهدون عليك مو يرفعون ضغطك



وآسفه ع الإطاله حبيباتي ,,


محبتكم ام ميار