قصة ولادتي وفيها بعض النصايح المفيده

السلام عليكم

كيفكم ياحوامل الله يهون عليكم يارب

ولدت في يوم الاربعاء 11يناير وجبت احلى ولد ربي يخليه لي يارب في مستشفى الحبيب الريان عند الدكتوره فاطمه حسن الله يوفقها يارب

وولادتي الي كانت قبل 5سنوات كانت بنفس التاريخ سبحان الله اخوان ونفس الميلاد

المهم نجي للقصه جيت وجلست عند اهلي وفتحت ملف عند الدكتوره وكانت مره طيبه وحبوبه بس عيبهم دايم مستعجلين وزحمه وعندهم ولاده كثير المهم راجعت المره الاولى ولي اسبوع في التاسع

المره الثانيه وصار لي اسبوعين قالت بسوي تخطيط رحت نص ساعه تخططيط ولاحظت شي بنبضات الطفل سريعه مررره والممرضات وجيهم تغيرت خفت وقالو مافي شي ابدا

ورحت للدكتوره بعد التخطيط قالت بكشف من تحت وكشفت وشكل فتح الرحم وقالت تعالي بعد بكره لازم لازم


رحت وهي ماقالت شي عن النونو ابد وكشفت قالت رحمك مفتوح 4سانتي وممعاك طلق لازم الاربعاء تجين توليد


كلمت زوجي ورحت الاربعاء وانا بموووووووووت خووووف قاعده ابكي اقول جيت للموت برجلي :hahaha:


المهم طلعت فوق شفت اللوحه مكتوب غرفة الولاده وعلى حظي سمعت وحده تصيح وصوتها طالع برا الغرفه بغيت انجننننن


دخلت غرفتي كانت كبيره مره وميزتها حلوه وشرحه ماتخوف ابد وحمام خاص لبسوني لبس الولاده المهبهب من ورا :35:

وطبعا الحقنه مااحبها قعدت
ساعه بالحمام وانتم بكرامه

وقدام السرير بلازما وحطيت قناة السعوديه القران وكنت مرتاحه بسماع القران الين ولدت حتى من حظي وانا اطلق جت سورة مريم ورفعت الصوت مره


المهم ركبو مغذيه الساعه 4ونص وكان مفتوح الرحم 4 وهنا بدا الالم مثل الم الدوره وكل شوي يقولون تبين مسكن اقول لا تونا بدينا خلوه وقت الجد

واشتد الطلق خمس ونص كان قوي محتمل الين الساعه 6جت قالت فاتح 7 وكان مره قووووووووووووووي وطبعا عطوني مسكن


وبديت ابكي واتلوى :06:والممرضات ياحليلهم وحده ماسكه يدي والثانيه تمسج ظهري


بس احسن شي كنت اخذ نفس بقوووه يعني من خشمك تاخذين هوا ومن فمك يطلع


ويوم وصلت الساعه 7 قالت الممرضه فلبنيه مدااااااااام في حلتيته :16:

تذكررت اني جايبتها ونسيت وتروح تحطها بالكمام وماشالله فتح الرحم بسرعه ونادو الدكتوره وماشالله مايخوفونك ومرتبين وشغلهم بدقه وطبعا وقت طلوع الراس تالمت بس ربي هونها وصارخت كم صرخه فجرت اذن الممرضات

وجت الدكتوره وقالت دفي ودفيت والثالثه طلع حبيبي الساعه 7 و35 مساء


بس طلع ولدي عنده عدم انتظام تنفس وماشالله على الدكتوره ماقالت لي وولدتني بسلام تقول حالتك ماتستدعي عمليه وطفلك بخير بس تنفسسه مومنتظم


وقعدت ابكي لاني مابسته خلوه العنايه لمده اسبوع كان اصعب اسبوع في حياتي :06:


والحمدلله عطوه اكسجين وطلع بخير وبسلامه وقعدت هالايبوع رايحه جايه تعبت مره


ونصايحي يابنات لاتكثرون مشي انا تعب جنيني لاني مشيت وارهقت نفسي هذا كلام الدكتوره

والحلتيت لاتشمينه الا اذا فتح الرحم من 7وورا قبل يكون خطير وقوي على الرحم مره

والتنفس اثناء الطلق مفيد مره

ويارب يهون على كل حامل يااارب

وهذي تجربتي مع المستشفى الرائع والدكتوره الشاطره الي ماتخوفك من شي وانصحكم فيها وهذي كلمة حق واقولها ماشفت الاكل خير من المستشفى وغرف التنويم رائعه والممرضات حتى الحمام يدخلو معاك واكلهم من دايت سنتر حار وحلو ومودسم

:27::27:معليش يمكن اسلوبي مومشوق واعذروني
واي سؤال انا في الخدمه