**بسم الله الرحمن الرحيم **
قبل ثلاث سنوات حملت وكان ذالك الحمل يعتبر الثاني بعد مرور ستة اشهر من إجهاضي لحملي الأول ,,, المهم الحمد لله مرت ايام حملي بل شهورها بكل امن وسلام ,, قربت اخلص التاسع باقي يومين واتعدى الوقت المحدد للولادة ,,
الساعة 2 بالليل نزلت سدادة الرحم دم ممزوج بإفرازات رحت للمستشفى بعد ما اخذت أغراضي ,, كشفت النيرس قالت واحد سانتي تنويم ,,, تنومت ,, قبل الفجر كشفت قالت برضه 1 سم ,,وكان عندي الم يجي ويرووووووح ,, وضيت صليت الفجر واخذت معي موية ورطب من البيت 7 حبات اكلتها وشربت الموية وثواني يختفي الألم ولا كأني حاااااامل ,,
مشيت ومشيت بدون فايدة ..!!
جات النيرس قالت مافي طلق قلت ابد ,, قالت خلاص خروووج وبعد اسبووووووووووع تجين ......!!!!!!
اسبووووووووع والرحم مفتوووووووح وشلوووووون ...!!!؟؟
طنشت كلمت زوجي واخذني قلت بروح لأمي رحت ونمت ع الساعة 10 تقريباً الصباح ,,,
صحيت الظهر الم مرررره قوي امي سوت لي كوب قرفة شربته وجلست امشي وامشي لحد الساعة 5 العصر خلاص الألم قوي ,, رحت للمستشفى قابلتني نيرس فلبينية قالت ولادة قلت يس قالت انت اجي هنا الصباح قلت يس قالت غريبة من خرج انت ....؟ قلت الي فوووق واستغربت مررررة !!!
كشفوا علي 3 سم,,, من الساعة 6 المغرب لحد 6 الصباح وهو ينفتح بالقطارة حبه حبه اعطوني طلق صناعي نزلوا لي موية الجنين وسوا لي قسطرة بول وتنظيف للأمعاء كل هذا قبل الساعة 6 الفجر ,,,, وأنا مازلت اتحمل الآلام ابغى اولد وانفك وربي مليييييييييييييييييييت استغفر الله ,,,
الساعة 8 الصباح انفتح 10 سم والحمد لله ,,, شديت ودفعت لما ولدت ولله الحمد ,,,
كل هذا كوووم والي ولدتني كوووم ثاني الله يسامحها سوت لي توسعة بالجنب مو بالطوووووووول وجلست تخيط يمكن 10 دقايق ,,, طبعا انا مخدرة من تحت وهي ماخذه راحتها ,,,
وحسيتها محتاسه مو طبيعية لكن من التعب طنشت ولا جا على بالي من يوم حملت لحد ولدت تقريبا 9 اشهر اشيل هم الخياطه الحمد لله على كل حال وكانت النتيجة ......؟
حبيباتي بصلي العشاء وارجع لكمـ لا تملون انتظروني ,,
الحمد لله صليت الله يتقبل منا ومنكمـ
المهم يا بنات اكمل الموضوووووووووووع ,,,,
حولوني من مكان الولادة لغرفة التنويم احس ما أقدر اوقوف وبطيح من طولي احس ثقل من تحت
مو طبيعي ,,المهم راح مفعول البنج وجا الألم على كيف كيفك مو طبيعي يا دوب اتحرك ولما
بروح للحمام الله يكرمكم كني امشي لى بيض حبة حبة من الألم ,, قلت يمكن لأن توني مسوية مامداني
اطيب ...
اليوم الثاني جات الدكتورة تكشف علشان اجراءات الخروج جيت ابغى اقول لها
قالت والله انا من الصبح بغرفة العمليات بس وريني بطنك حطت يدها على بطني قالت تمام
خلاص خروووج ....
خرجت ورحت البيت مقدر اجلس وبالقوة امشي اخذت المراية قلت لازم اشوف المنطقة احسها ناااار
واطالع الا متورمه ومفتوحه من الجنب والي جوه ما شاء الله باين
يممممممممممممممممممممة خفت خوف من المنظر وشذا التشوه وبكيت ,,,
للمعلومية انا افضفض بالدموع على طول بدون اي تردد
قلت لأمي ما فهمتني لأنها ماشاء الله ماجربت هذي الأشاء ,,قلت لزوجي لازم اروح لدكتورة نساء
تشوف الي فيني ,,, رحت لدكتورتي الي كنت اراجعها بالخاص قبل لأروح للحكومي ,,
قالت الخياااااااااااااط مررره مفتوووووح ونظراتها لي بتقزز ,, بيني وبين نفسي ماتنلامين ...!
المهم ادتني ميبو ومطهر وقالت مأدرش اعمل لك حاقة بعد اسبوع تقي ,,,,
استخدمت ميبو والمطهر ثلاث ايام رحت مستوصف ثاني قالت الدكتورة وهي معروفه كثير بالطايف
ماشاء الله الخياط تمام وصرفت لي نفس الأولى بزيادة مرهمين...
قلت خلاص كذا تطمنت والألم نفسه ماراح / رجعت للأولى بعد اسبوعين قالت الخياط مررره تعدل
والفتحه شوي انشدت ..المهم بعد الأربعين شوفوا المعاناة مع ابو الشباااااااااااب ..
قسم بالله كل مررره ابكي مو من الألم وبس إلا من الوسع سبحان الله وسع غير طبيعي ,,,
رجعت لدكتورتي قالت مشكلة الي خيطتك شدت من برا لحد الأنسجه تلفت ومن جوا مررره وسيع
قلت طيب الفتحه الي جوا اشوفه يخوووووووف قالت عادي ماتخافيش وإذا قصدك عملية تجميلية
بإمكاني اخذ فلوسك واسويها لكن نصيحه مني خليها على ربك وراح تتعدلي مع الأيام ,,,
الحمد للهضاق من جوا نقول نسبة خمسين بالمية لكن بفضل الله ثم بفضل الرضاعه الطبيعيه
الي استمريت عليها سنتين معاناه صح لكن قلت هذا الي بيرجعني زي اول بإذن الله ,,
المهم استمرت المعاناه ثلاث سنوات تلتهب الخياطه علي من فتره لفتره خاصة بعد المعاشره
اشوف الويلات من الألم لكن الحمد لله كل شي بأجره ..
هذي قصتي مع الخياطه كتبتها لكن لأن اليوم التهبت علي فقلت يا سبحان الله انا على وشك ولادة
شهر بإذن الله واولد وبعد 3 سنوات ومازالت المعاناااااااااه ,,,
كتبت قصتي هذي حتى تدعون لي إن الله يسهل ولادتي ويعدل خياطتي لأني والله شايله هم
الخياطه اكثر من الولادة ..
ما عليش على الإطالة لكن ان شاء الله ماتكونوا مليتوامن القراءة .
تحياتي ...
ياسمين الطائف @yasmyn_altayf
محررة برونزية
يلزم عليك تسجيل الدخول أولًا لكتابة تعليق.
ام ملوك
•
اها اختي وينك خبرينا وش اللي حصل وياك
الدّيمة
•
الله ييسرك
بس مو حلو الموضوع ينقطع لأن ردك ممكن يكون بالصفحة الثانية وما يقراه الكل
فياليت لما ترجعي وتكمليه الأفضل تعدلين على موضوعك وتضيفين ردك فيه
بس مو حلو الموضوع ينقطع لأن ردك ممكن يكون بالصفحة الثانية وما يقراه الكل
فياليت لما ترجعي وتكمليه الأفضل تعدلين على موضوعك وتضيفين ردك فيه
الصفحة الأخيرة