قصة ولادتي و تعبي ادعولي بالشفاء << معدل

الحمدلله الذي بنعمته تتم الصالحات ولدت فجر الجمعه تاريخ 22 _7_1437 وباكتب تجربتي زي ماشفت وحسيت وماابغى الا دعواتكم لي بالشفاء ولذريتي بالصلاح ولزوجي بالتسخير ..كنت ابحث كثير عن تجارب للولاده في مستشفى ×××××× وماالقى شي او كلام بسيط عشان كذا باكتب تجربتي لكم ومختصره لاني توني والده وباقي تعبانه
اول شي بدا معي الطلق من مغرب الخميس و على الساعه 3 الفجر كان حاررر ومايحتمل ع طول خرجت من البيت ع الطواري كشفوا قالوا 7 سم يله ولاده وطلعوني فوق دخلت الكشك ومنعوا زوجي من الدخول طبعا ووصلت وانا تعبانه يقولولي يله انقلي نفسك من سرير لسرير وانا اقول مااقدر تعبانه اسحبوني بالشرشف وهما يقولوا يله انت روحي وسحبت نفسي ونقلت وبدأو يركبون الاجهزه وانا ميته من الطلق والدكتوره جات ×××× صغيره اتوقع اخصائيه ومره اخلاقها سيئه ترد بطرف خشمها واحيان اكلمها ماترد اقولها عطيني مهدي ولا ابره ولا اي ششي يخفف ماترد اقولها يادكتوره الله يخليك الله يسعدك وماتررررد عطوني كمامه مالها الا اثر بسييئط ابدا مو زي حقت فقيه وبديت ادفع وطبعا الدكتوره قاعده ع كرسي وتطقطق بجوالها وانا اصيححححح يارب ساعديني اضغطي ع بطني وتقول خلاص ياماما بلاش صياح وانا ادعي عليها الله يجعلها تشوف اللي سوته فيني بنفسها بيوم من الايام وتخرج وتدخل وتتمشى بالغرفه وتطقطق بجوالها ولا تقرب مني وانا اقول شوفيلي ساعديني والسستر حاطه يدها تفك الرحم بيدها وتوسع وانا اصيح من الالم بالاخير قلت لها شقي خلاااااااص باموت ماعاد عندي طاقه للدفع لاني استفرغت كثير وبديت ابرد وارتجف ولاترد علي بالاخير مع اذان الفجر دعيت ودعيت يارب خلصني ويارب ساعدني وصرت ابث الثقه بنفسي اني اقدر اولد وماخلص الاذان الا برحمة الله خرجت بنتي طبعا ولا وروني ولاشي حطوها بعيد وانا خلااااص منتهيه وشوي تقول وتنافخ يله بنخرج المشيمه قلت الان عطييني ابره بنج وسوي اللي تبغينه ماعاد يحتاج اكون صاحيه طبعا تتمشى بالغرفه وماترد وتوها تلبس القلفز وتخرجها وانا اقول الحمدلله خلصت وارتحت ..الا قالت فيه خياطه قلت لاااااا ماعاد ابغى شي خلوني كذا ولا سوي بنج طبعا انا عارفه انهم بيحطوا بنج موضعي لكن انا ماعاد اتحمل واصيح ماابغى وشوي بديت احس تنفسي يقل وقلبي يضرب بقوه ناديتها اقولها تعبانه الحقيني معي دوخه وتلتفت الا وانا انززززززززف ويركبون اجهزه ويرتبكون عرفت اني فيني مصيبه طبعا دخت شوي وركبولي ورقه بيدي ان وضعي صعب وحطولي تحاميل توقف النزف ومن اثارها تجيب رجففففه شديده لدرجه كلامي ماينفهم ..المهم خرجت الدكتوره ونادت دكتورتين وصاروا يشوفوني من تحت ويتكلمون وانا رجولي تكسرت وهي على كرسيهم ذاك واحس الهواء دخلني وهم يتشاورون على شي اتوقع الخياطه ويروحوا ويرجعوا ويخلوني ويرجعوا وانا محد حولي بالاخير دخلت علي وحده غير اللي ولدتني تقولي شوفي ابغى اعطيك خبر باالي صار وبعدها انت تقرري انا وقف قلبي قلت فيني مصيبه يارب استر علي قالت شوفي الظاهر انه انت ماكنت متعاووونه معهم وحصل لك شق كبيررر من راس الطفل داخلي واصل الى فتحة الشرج وانا اقول يارررب حسبي الله عليهامو انا اللي مو متعاونه انا قلت لها شقي وهي ماترد علي وبالاخير خلت الطفل يشق انا دعيت عليها جعل ربي ياخذلي حقي منها ،خافت الدكتوره وقالت لالا لاتدعي يااختي حرام قلت الحرام اللي سوته فيني المهم خلاص سويلي بنج كامل حالتي ماعاد تحتمل الخياطه قالت طيب ننزلك العمليات ونعملها هناك انا ودكتور مع العلم اني كنت رافضه اي رجال يشوفوني لكن الشكوى لله مافي الا كذا جابولي ورق قلت انا مااشوف شي ولااقدر اقرا عطوها زوجي برا خله يوقع قالت لا ممنوع انت توقعي قلت مدري وش مكتوب مو في حال اقرا قالت مافي شي بس موافقه عمليه ونقل دم في حال اضطرينا ووسلمت امري لله ووقعت ..نزلوني تحت وسولي العمليه وخرجت ارجف كمان الظاهر صفقني البرد ولا مدري وش عملوا لي لاني تحت بنج كامل طبعا هذا كله وزوجي مايدري وهويسال عني فوق يقولوا شويه وتطلع اخذت العمليه ساعتين مدري ليش؟؟ جاني زوجي لااراديا اول ماشفته قعدت ابكي وارجف اقوله ذبحووني ..تعبوووني..شفت الموت بعيوني ..وامي معه امي ع طول راحت بعيد وقعدت تبكي وهو يحاول يهديني وانا خلاص شفت كل انواع العذاب الجسدي والنفسي ..طلعوني ثاني مره بالكشك لحالي الين العصر لان مافي سرير وكل شوي اطالع بالغرفه واتذكر الالم واسمع صراخ الحريم وارجع ابكي يرجعلي الم الطلق بظهري وانا ادعيلهم الله يخلصهم مثل ماخلصني طبعا هو فيه غرف لان زوجي طلع للتنويم لقى غرف فاضيه كلم المدير ومايرد مافي استجابه مستشفى سيئ بمعنى الكلممممممه وحمدت الله يوم دخلوني التنويم بالعصر شفت بنتي واحمدلله اننا بخير وع بالي انتهى الموضوع كذا اليوم اللي بعده نقلولي دم لانه بعد النزف وصل 6 والحمدلله ع كل حال
..السسترات اغلبهم كويسات بالتنويم لكن بالكشك قاسيات وعصبيات غالبا .وانا انتظر بالكشك بعد ماولدت لاحظت ان الدكاتره الرجال افضل وارحم ويشجعوا الوحده عكس الدكتورات نفسيات ويصرخوا .الاكل الحمدلله والشكر الله يكرم النعمه ..نظام الحضانه يحطوا الطفل عندك وانا تعبانه بالخياطه ولا يبغوا مرافق الين ماصاح زوجي وسوا بلبله جابلي ورقة مرافق لان معي عملية خياطه والبيبي ياخذوه بس يروشوه ويرجعوه حتى النوم ماتقدري تنامي الله المستعان ..
المهم مستحيييييل عاد افكر اولد فيه تجربتي قاسيه لين الحين اتألم وانا اتذكرها ..ممكن يكون حظ غيري بدكتوره كويسه ورحيمه عكس اللي جاتني المسأله تعتمد ع مين يمسكك وقت الولاده ..للولاده القيصري كثير يمدحوه بس الطبيعي الله المستعان ..ماجاني الدكتور اللي كنت اتابع عنده بعد الولاده يكشف علي بس ارسلولي طلاب ومعهم دكتور اتوقع اخصائي كتبولي وصفة الدواء وموعد بعد شهر مراجعه ..المفرووووض المستشفى تمنع دخول الجوال نهائي للدكاتره لان بين اياديهم حياة البشر وهم احساسهم ضعيف بمعنى المسؤوليه
الان لي خمسه ايام من ولدت وقف دم النفاس ومااعرف اش كمان هببوا فيني هل فيه احد منكم صار معه كذا اخاف يكون فيني مشكله وانا ماعاد اتحمل زياده ..ووحده من الغرز فيها الم شديد مع كل حركه مدري ليش ..
دعواتكم لي بالشفاء ولزوجي ولذريتي بالصلاح والهدايه ..