الولادة سهلة للي يسهلها و يتوكل على رب العالمين ..
راح احكي لكم قصة ولادتي يوم الجمعه 23/11
ترى القصة طويلة للي يحبون الروايااااات ..:)
صحيت الساعة سبعه الا ربع في الصباح يوم الخميس
على بلل غريب و انا كنت نايمة
فرحت لاني بااولد وارتاح و خفت من الولادة نفسها على بالي انها موية الجنيين
رحت الحمام بسررررررعه الا و اشوووووف دم غزييييييير :09:
ما تتخيلووووووونه خفت مررررررة وطلعت اروح ادور لي لبس اغير
اول ما طلعت من الحمام الا احس بشي غريب نزل وكأن فيه صوت وارجع الحمام على طول
الا والدم مثل البزبوز ومعاااااه قطع مثل 3 اصابع جنب بعض<<<< تشبيه بليغ
قلت في نفسي معقولة هذي سدادة الرحم اللي يقولون..؟؟
تروشت بمويه دافيه و لفيت نفسي بفوطة و طلعت و لبست و صحيت طويل العمر
رحمته خاف ما حس بنفسه الا هو واقف ..:eek:
قال تعبانة قلت لا ولا احس بااي شي بس دم غزيييييييير
قال عااااادي يمكن الولادة كذا و ع طووووول ع الشميسي
دخلت تقريبا الساعة 8 و ربع وقلت لهم سألوا فيه طلق قلت لا
استغربوا من حجم بطني لانه صغير و قالوا متأكدة انت في التاسع
حسبوا قالوا 40 اسبوع
شافوا الدم استغربوا كشفوا بالسونار وسووا كشف داخلي بالمنظار
طبعا الدم كان من المشيمة لانها نازلة ..
سووا تخطيط للجنين من الساعة 9 وربع و قالوا انتظري حوالي ساعة او ساعتين
نشخص مرة ثانية يمكن تحتاجين لعملية ..
جاني الدكتور الساعة 11 ونص وقال ماراح تحتاجين عمليه والمشيمة بينها وبين عنق الرحم 1 سم
وان شاء الله ولادة اليوم
جاتني دكتورة سعودية الساعة 2 و كشفت قالت مفتوح 5 سم ماشاء الله تبارك الله يدها خفيفة
طبعا ما في طلق ..
كشفواالساعة 5 ونص كمان 5 سم بدون طلق او الم
جات وحدة باكستانية الساعة 7 الله لا يسامحها و لايحللها يدها يد جزاااااار و كشفت و قالت 4 سانتي:06:
طبعا بعدها
جلست ابكي ما ادري ليه ..؟؟:(
جات دكتورة مصرية الساعة 8 ونص الله يجعلها من اهل الجنة
و قالت جروح حبيبتي فيك طلق قلت شوي <<<< طبعا اكذب ع بالي ما يدرون ودي اولد:42:
قالت لا ما في طلق اشوف الجهاز ما في طلق
قالت ايش رايك تطلعين التنويم فوق و تريحين و تتعشين و تغيرين جو قلت ايوه يا دكتورة
تخيلوا من الساعة 9 و ربع صباح الى 9 و نص في الليل و انا مربطة على السرير علشان التخطيط
طلعت فوق وجلست ابكي حوالي ساعه :( احس اني متضايقة من الكشف
بعدين تعشيت و ريحت شوي
كلمت امي الساعة 12 و طلبتها تدعي لي
تمشيت في الممرات و سولفت شوي و استغفرت ربي و دعيته
حاولت انام ما جاني نوم
الساعه 3 و نص الفجر دخلت دورة المياة تروشت و توضيت وبعدين صليت وقرأت قران و دعيت ربي و بكيت
و الحيت على الله في الدعاء ان يفرج كربتي و اولد قبل الساعه 9 الصباح
بعدها استرخيت ع السرير
الساعه 5 الا ربع حسيت بطلق وسط
وحسبت كانت طلقتين بينها ربع ساعه الساعة 5 و ربع بداء يزداد و بداء الوقت يقل
رحت لدورة المياة اخاف احد يشوفني اتألم ينزلوني تحت و انا ما ابي كشف اخاف الباكستانية موجودة
جلست في الحمام اكثر من ساعه
سمعت احد ينادي علي
طلعت رجعت على سريري الساعة 6 و نص طبعا الم قوي
شافتني ممرضة قالت فيه الم قلت ايوه قالت كم دقيقة قلت ما ادري
قالت للدكتور و جاء كشف طبعا ما حسيت قال ( اتز فللي اتز دليفاري ) طبعا فهمت انه مفتوح بالكامل وولادة
شوي الا يشيلوني و يحطوني ع السرير الثاني و يقولون ( بليز دو نت بوش )
وانا اقول ما علي منهم والله لا ابووووش ارتاح ههههههه:42:
دخلوني كشك الولادة 7 و خمس و كمان دونت بوش لحد ما يجي الدكتور
و الوضع مو بكيفي وجاء الدكتور
سبحان الله طلق البنت تمسك الطلقة دقيقة او دقيقة ونص و تريحك 3 دقايق
من 7 ونص وانا احاول ابوووش بس مو راضيه تـطلع تتغلى الامورة
وكمان حجمها كبيــــــر
الساعة 8 و خمس دقايق جات دكتورة مصرية من دخلت وتفألت فيها
قالت للدكتور روح ان شاء الله دخلتي دخلت خير عليها الله يجعلها من اهل الجنة و يوفقها وين ما راحت
قالت خذي نفس و لما اقول بوش ادفعي و طالعت في الجهاز
قالت بوش بس طولي
بشششششششة وحدة بس الا البنت في يدها ..الساعة 8:10
قالت جرووح امانة ادعي لي الحين الحين يطلع اللي في بطني سليم مو مثل ما قالوا و دعيت لها من كل قلبي
غسلوا البنت
و بدا طلق ثاني بعد ربع ساعه اتاريه طلق المشيمة و نزلت و كانت منفجررررة و شكلها غريب
و تجمع عليها 4 اطباء وبعدين سألوا الممرضة تتأكد لايكون فيه بقايا منها
وقالوا 1000 حمدالله على سلامتك و سلامة العروسة
سوت لي خياطة دكتورة سعودية من 9 الى 10 و قالت عندي التهابات في الرحم
ودخلت شاااش و قالت ينشال بعد 12 ساعه و ركبوا لي قصدرة وكمان تنشال لما يشيلون الشاااااش
و نقلوني للملاحظة و افطرت و بعدها طلعوني غرفة التنويم الساعة 12 و نص
طول ما كنت في التنويم و انا افكر في الالم اللي بيجيني لما يشيلون القصدرة و الشااااااااااش
الساعه 11 جات دكتورة و قالت استرخي والله ما راح تحسين بشئ انا يدي خفيفة لاني مجربتها
اقل من 5 دقايق و انا باقي انتظرها تشيلها الا و تقول للمرضة شيلي كل شئ
وحمدالله على سلامتك يا جروح بغيت انط احب راسها :)
هذي قصة ولادتي الثانية ببنوتتي الثانية الله يحفظها و يجعلها من حفظة كتابه و من عباده الصالحين
اي استفسار انا حاضرة ...
لكم مني :26:
الوفــ جروح ــاء @alof_groh_aaa
عضوة فعالة
يلزم عليك تسجيل الدخول أولًا لكتابة تعليق.
حـــلاالشمال
•
الحمدلله على سلامتك
بنت سعدى
•
يا قلبي يا جرووووووووووح
الله يجعلك سااالمه منها
الف الف الف مبروووووووك
والحمدلله ع سلاااامتك
الله يجعلك سااالمه منها
الف الف الف مبروووووووك
والحمدلله ع سلاااامتك
الصفحة الأخيرة