قصة ولادتي 2رمضان 1433في علوي تونسي +ابرة الظهر

شخباري :

انتظرك 

انتظرك 

الطموح كنز لايفنى :

تكملة القصة :smheart: المهم ياحلوين جا اليوم الي دكتوري سافر فيه وصرت متورطة ما اعرف فييين حولد احترت بين باشاراحيل وبخش واستبعدت تماما المستشفيات الحكومية عشان كنت ابغى زوجي يدخل معايا الولادة والحكومية حتى امك ماتدخل معاكي المهم وكالعادة ماخليت موضووووووووع يعتب عليا عن المستشفيات والي يمدح والي يذم في النهاية قلت لزوجي يمدحو دكتورة منى عزب في علوي تونسي برضو خليني اروحلها قال يلا ورحتلها زيارتين بس في الاولى قالتلي امشي كثيييييييير النونو مو نازل راسه في الحوض قالت اوعديني تمشي عشان خاطري طبعا باللهجة المصرية هنا حسيت انها حنونة وبالها عليا وعجبتني ونويت استمر معاها والزيارة التانية رحتلها الحمد لله كان وزن النونو 3500 كنت خايفة لايزيد واتحول قيصري وراسه في الحوض وكل شي تمام كان يومها اعتقد 25 شعبان وقالتلي لو الين بعد اسبوع الين 3 رمضان وماولدتي تعالي اولدك بطلق صناعي لانو وقتها اكون في الاسبوع ال42 وخلاص مايصبرو اكثر قالتلي تحالي بشنطتك وحدخلك قلت طيب فكرت اروحلها قبل بداية رمضان يوم الربوع او الخميس لانو رمضان جا بالجمعة واهلي الله يخليهم ليا مارضيو ابدا قالو نستنى الى اخر شي زوجي قلي خلاص نستنى ايش عندنا طبعا من بداية التاسع وزوجي متوصي بمسألة الجماع وكان شبه يومي يعني انو بغرض تسهيل الولادة :icon30: يوم الخميس دخلت الحمام الله يكرمكم وامس بالمنديل الاقي مادة مخاطية وفيها شوية دم قلت خير يلا دي علامة كان وقتها بعد الفجر رحت الغرفة انسدحت جنب زوجي وجلست اتح رش فيه لما صار الي صار قلت يلا شكلها اخر مرة وفعلا قمت استمحيت ولقيت برضو نزل شوية مخاط بس بدووون الم قلت حلو رجعت السرير قلتله صراحة نزل كدا كدا عشان كدا اتحرشت فيك قال يا مجنوووووووونة :laughing: قالي في الم قلت لا ابدا المهم نمنا اليوم الثاني رمضان في الليل اتسحرنا عند اهلي ورجعنا البيت نمنا وطلعت فطرت عند اهل زوجي ونزلت مافيا الا العافية قالي زوجي ها فين السحور اليوم قلت لا خلاص مصخناها نتسحر في البيت جبلي لحمة اسوي مختوم قال طيب وقمت وطبخت واتسحرنا ونمنا بعد الفجر وانا حاسة بالم يجي يمسك بطني لمدة ربع دقيقة ويروح وقلت لزوجي قالي طنشيه ضمني ونمنا وانا كل مايجي الالم اصحى وارجع انام الين ماازاد الالم وسار كل مايجي احس بطني مرة مرة توجعني قمت صحيت كانت الساعة 9 الصباح وجلست اتصفح المنتدى حطيت الاب توب على طاولة صغيرة وجلست فاتحة رجولي تقريبا جلسة القرفصاء قلت لو انو طلق يسير يفتح الرحم بسرعة والالم برضو يروح ويجي كل نص ساعة وسرت احسب كل شوية مرة نص ساعة ومرة يزيد ومرة ينقص الى الساعة 12 صحي زوجي مفجوع قالي ليش صحيتي قلت معايا مغص قالي طيب تعالي ريحي جنبي (اه ياربي لا تحرمني منه ولا تغير علينا ياكريم ) قلت طيب سكيت الاب وقمت انسدحت جنبه والالم كل مايجي امسك فيه ويضمني لمن تروح الطلقة واسيبه وارجع اهرج واضحك معاه وتجي الطلقة التانية ونفس الحال وصار يحسب بينهم قلت المدة صارت ربع ساعة وقتها قالي حتصل على امك وانا اقوله لا <<<لغرض في نفسي بعدين افهمكم المهم كلمها وقالت دحين اجي كانت الساعة 3 عصر يتبع ......

تكملة القصة :smheart: المهم ياحلوين جا اليوم الي دكتوري سافر فيه وصرت متورطة ما اعرف فييين حولد...