كل عام وانتوا بخير حبيباتي
هذي قصه عضوه معنا
قصة ولادتها طبعا
من دلاختي الرساله موجوده عندي من سنه تقريبا ولا شفتها او فاتحتها ونسيتها
مادري مابغا اكذب بعد
المهم وهي كتبت انه لامانع اني انزل تجربتها هنا للعبره وللفايده
مع انها متاخره بس يالله احسن من لاشي
وتحياتي لها والف الف الف مبروك لها
العضوه مسكني قلب زوجي
تحياتي لك يالغاليه
أبشرك الحمد لله ولدت وشرف قمر حياتي بالعافيه والحمد لله عمليتي تمام اللي صلحتها لي الدكتوره كورانا بصراحه تهبل هالدكتوره وقصة ولادتي صح طويله بس تحملي ياقلبي بقولها لك ومافيه مانع تنزلينها للبنات يستفيدون منها لأني وقت نفاس ومشغوله خاصة إني أم لأول طفل الله يعينه على مطاريسي اللي ترفع ضغط أمي مااااأعرف أسوي فيه شي بس أحاول ،،،
المهم قصتي قصه طبعاً الأسبوع اللي قبل الولاده كنت مجهده نفسي بتجهيزاتي والحمد لله طلعت خييييال وتعبت مره ويوم الثلاثاء بالليل جاني طلق روووعني صح خفيف بس ارتعت خاصة إن دكتورتي تقول لا يجيك طلق لأن الحوض عندك ضيق وخطر عليك وعلى البيبي المهم صبرت لين الصبح وأنا ماجفت دموعي منااااحه وعجزت أنام بس اتقلب وأنواع الهواجيس اللي شين يروع واللي زين يخليني أبتسم المهم الصبح الساعه 5 الفجر دخلت وتروشت وطلعت شنطتي وأنا أسحب رجولي كأني بروح للموت وبس أبكي والطلق سكت ( شكلها من الروعه بس ) ودرت ببيتي كله غرفه غرفه وابحلق فيها وبكل شي وأقول بنفسي بشوفها مره ثانيه وإلا بتسكنه وحده غيري ( وحده تدور الشر !!!) وزوجي يلاحقني اخلصي تأخرنا موعدنا 7 ونصف وأنا أقول له وش فيك مستعجل موتي ؟؟؟ (النفسيه زفت الزفت ) طلعت من بيتي على 6 وربع تقريباً وأنا أمشي بركب السياره أناظر حديقة بيتي وأقول ياليتي أدري من اللي بتبسط فيها عقبي وولدي وشلون بتعامله ؟؟؟ ( أدور الصياح ))) ركبت السياره والله العظيم أول مره أركبها كارهه بالعاده أفرح بالمطاير بس هالمره غير كبدي أحسها بتطلع من مكانها وراسي مصدع وحيلي مهدوووود ويوم طلعنا وتسلط تطيح عيني على جدار قدام بيتي مكتوب عليه (الوداع ) قسماً بالله لي حوالي 3 سنين ادخل وأطلع ماااعمري شفت هالكلمه ما أدري وش سلطني وشفتها هاليوم بالذات وقلت بنفسي يالله الفال الحسن ويارب تقومني بالسلامه أنا وجنيني وأنا بالسياره زوجي يسولف علي ويحاول يلطف الجو وأنا قسماً بالله أشوف شفايفه بس تحرك وما أدري وش يقول وأتأمل الطريق والسيارات وأقول آه ما أحد يحس باللي أحس فيه ويوم عاد وصلنا للمستشفى وتمسكني نفاضه بجسمي كله وجلست من 7 إلى 7 ونصف بالإستقبال تحت وبعدين رقيت لغرفتي وبدلت ملابسي وحطوا علي المغذي وصرت لو يحرك الباب هواء طار قلبي من الخوف وجابوا السرير وخلااااص طاحت عظامي جابته قابله نفسها عسل المهم دخلت غرفة العمليات وبدت الروعه صح قلت للدكتور أبغى بنج نصفي وضربني إبرة بنج موضعي وعطاني الإبره وتصدقين لين أخذت الإبره وأنا متردده حتى يوم بدت تشتغل وحطت الستاره بغيت أقول للدكتور يعطيني بنج كامل أحس إني ميته وأشوف كل شي بس ذبحني الإستفراغ والكحه ويوم شرف حبيب قلبي وسمعت صوته نسيييييت كل شي لا ومن زود الموانه أقول للدكتور رح شف هو طيب وكامله أعضائه وياخذني على قد عقلي يقول طيييب وهو مرتز فوق راسي لييين ازعجته وشافه وطمني ويوم شفت وجهه حمدت الله وشكرته على النعمه بس ذبحني البرد حطوا فوقي 3 بطانيات وانتفض والحمد لله عدى أول يوم على خير صحيح إني دايخه بس ارحم من البنج الكامل ومشيت أول يوم الحمد لله وشربت سوايل وماحسيت بالموت اللي حسيت فيه بالبنج الكامل يوم أسوي التنظيف والله يجزاك الجنه ووالديك على نصيحتك لي بالبنج النصفي ومشكوره ياقلبي على سؤالك ،،،
^ ريانه ^ @ryanh_20
عضوة فعالة
يلزم عليك تسجيل الدخول أولًا لكتابة تعليق.
أوشن دريم
•
الف مبرووووووووووووووك والحمد لله على سلامتها
الصفحة الأخيرة