مره كنت طالعه لساحة الحكم بالرياض الكبيره ولدي فلت مني عند المسجد حسبته مع ابوه يوم جاء ابوه قال وين الولد
قلت ماجاك في المسجد وجن جنون زوجي وراح كنه مجنون وانا وراه ابكي وكني مجنونة واودعه الله في كل خطوه
ومدري وش خلانا نبعد شوي ونمشي ونسأل عنه ما احد شاف طفل باوصاف ولدي انجنيت تعرفون هذيك الحواري كلها افارقه وعماله قلت ولدي عليه السلام الا اني واثقة بالله وعلى امل اني القاه
وفجأة طلع في وجهي ولد يبيع بلونات سألته عن طفل صغير لان ولدي اذا شاف بالونات لحقها قال لا ماشفته وجلست ابكي قام الولد رجع لي مره ثانية من مكان مضلم وقال تقصدون هذا يوم طالعت شفته ماعاد عرفت وش اسوي ايقنت انو لا يضر مع اسم الله شي وقلت ايضا اللهم رد لي ضالتي واستودعتك الله الذي لاتضيع ودائعة واعيذك بكلمات التامة من كل شيطان وهامه ومن كل عين لامه والحمد لله رجع لي

رفــــــــــــــــــــــــع

الله يجزاكي خير غاليتي

انا دائما استوودع ابني الله يحفظه ويصونه من كل شر دائما وهو صغير بالاشهر كنت انومه يمي واستودعه قبل انام والله اني افز فجاءه من عز نومي والقى ابني واصل على طرف السرير يعني شووي ويطيح ع الارض وكم مره صارت لي
ومره كنت في المطبخ وجيت فجاءه حسيت انه في شي لقيته قاعد بالصاله وشايل سلك الشاحن وهو مشبوك بالكهربا على 220 وشوي بيحطه في فمه لكن ربي ستر
واليووووم ططلعت فجاءه من المبطخ لقيته كااب الحليييب الحليب كله ع الارض ويلعب فيه وسبحان الله بينه وبين محول الكهربا يمكن 3 سانتي ولاجاه الحليب لاني دووم استودعه الله سبحاانه واعرف انه بيحفظه لي..
اللهم اني استوودعك زوجي وابني ونفسي ومالي ومامللك عندك يامن لاتضيع ودائعك اللهم احفظنااا

سبحااااااااااان الله
الله يجزاكم خيرررر وانتي ياصاحبة الموضوع

استودع الله ديني وامانتي وعملي واهلي ووالدي وكل نعمه انعم بها علي
الحمـــــــــــــــــــــدلله رب العالمين..