مرحبا عالم حواء ..
والله ماني عارفه كيف ابدا مشكلتي بس بما اني من رواد هذا الصرح فلقيت فيكم حب المساعدة وتقديم يد العون لبعضكم
فحبيت اطرح مشكلتي وياليت ألقى منكم مساعدة واعذروني على صراحتي شوي
..
انا من دون مقدمات من قبل ثلاث سنوات بالضبط بدأت اشعر برائحة من حلقي تصدر كريهة ..اشمئز اذا شممتها مو دايم تجيني لا اوقات يعني بما اني حساسة
من هالناحية فكنت احسب لها كل ست شهور احس برائحة تصدر من حلقي اكره نفسي وقتها وتروح الرائحة
بعد سنة بدت تجيني كل شهر هالحالة وهو اني اشم رائحة كريهه من حلقي
هالسنة هذي اصبحت اشمها تقريبا يوميا
زرت اربعة دكاتره للاذن والانف والحجرة وقالو بعضهم ان عندك التهاب بالجيوب الانفية وبعضهم قالو حساسية وبعضهم قالو ميكروب باللوزتين
واخذت ادويتهم..
تهدى الريحة شوي ايام معدودة بعدين ترجع
قالولي ان عندك يمكن جرثومة معده بما اني ضعف جسمي وصرت مااشتهي الاكل ورحت حللت قالت دكتورة الباطنية ايوة فيك جرثومة معدة
وعطتني كورس استمريت عليه بس ماجاب لي نتيجة تذكر
هذا فيما يخص محاولة حل المشكلة ..
لكن فيما يخص (وضعي الاجتماعي) :
فوالله اني احس باكتئاب وفقد لثقتي بنفسي وتقلص علاقاتي بالمرة بسبب الريحة الصادرة من حلقي
صرت مااطلع ولااروح ولااجي واذا طلعت اتعب نفسيا مافيه غسول ولامضمضه ولامعجون اسنان مااستخدمة ,غير البخاخ والعلك الفواح يكون بفمي
كله عشان مااحب احد يشمئز مني واذا احد جلس بجنبي مره احاول يااقوم ,يااتكلم بهمس, او اضطر اني مااتكلم كثير معه
والاغلب يظنونه كبر وغرور مني وانا وربي ماابي احد يتشمت فيني او يشمئزاو يحطني محل شفقة ...
في (الميدان العملي ):
جتني فرص عملية نادرة ومرتب عالي وفوتها عشان فيها علاقات عامة واقابل ناس فما حبيت اكون بهالموقف عشان رائحة فمي
فاضطريت ان اختار عمل تكون فيه العلاقات محدودة جدا
اما من( ناحية الوضع النفسي):
قريت انه المصاب بالعين تطلع منه رائحة كريهة بالفم فشكيّت في نفسي بما ان حالي ووزني ضعف حيل
الاكتئاب يلازمني , النوم الكثير, التثاؤب بكثرة حتى لو مااكون نعسانة, أحلام غريبة تكثر فيها الحشرات, حبوب بجسمي تظهر فجاة ثم تختفي.تاخر الزواج>> مع اني بشهادة
المعارف اني احسن خواتي في كل شي وخواتي كلهم تزوجو الا أنا..
كل هذه الحالة جت مزامنة مع رائحة الفم ..
للمعلومية رائحة فمي مااعتبرها بخر اللي يسمونه كذا ,يعني تشمينها ع مسافة لا مو كذا, اللي يقرب مني مره يحسها انا سئلت اختي وشمتها مني على مقربة
رائحة اشبه برائحة الحليب اذا غلى على النار .. عشان اقرب اكثر اللي قد مرت شمت حليب الغنم كذا انا احسها بحلقي >> تتقرف
بس والله ماتتخيلون قد ايش افقدتني ثقتي بنفسي كثييييير صرت احاول اغطي عليها بكمية الكريمات المعطرة والعطور الباريسية عشان اعوض نفسي
المهم ياجماعة شي واحد بقوله لكم اذا تكلمتي باحد بسوء بظهر الغيب فتكلمي بما تتحملينه انتي لانه بيجي اليوم اللي راح تتبتلين به
انا ماايقنت بصدق هذه العبارة الا الحين واتذكر يوم كنا بمجلس دخلت علينا وحده كنت اعرفها ولااهضمها فجلست وبعدها شمينا ريحة مو كويسة بالمجلس
تتخيلون يابنات ايش؟؟ ريحة فم البنت هذي كانت معبية المجلس كله وربي مو مصدقه انا كنت افكر , معقولة كل هذا من ريحة فمها وبعدها بمده كنت
اتكلم فيها لوحده ثانيه بماانها تعرفها وتعرف مشكلتها فقلت لها ماتتخيلين وش قد تقرفنا وانحشت انا من المجلس احس اني باستفرغ وراحمتها الله يعينها
وقلت وقتها الحمد لله الذي عافانا ..
الحين احسها عقوبة من الله لي لاني تكلمت من وراها والحين البنت مافيها شي ابد وريحتها دايما حلوة طلع اللي فيها خراج بالضرس وشالته وانتهت مشكلتها
وصارت العله بي انا ...
يارب استغفرك من كل ذنب اذنبتة في حق عبادك
حلولكم لي فاني في هم لايعلمة الا الله..