السلام عليكم
راح اطرح عليكم المشكله ابي منكم تدعون الله على من ظلمنا في شرفنا
وتساعدوني بالنصائح
عندنا اقارب حسودين الى ابعد الحدود يتمنون يشوفونك تموت يكرهون السعاده لك ويحبون كثرة القيل والقال
و والله ان عائلتنا وبشهادة الجميع عائله طيبه جدا لكن للأسف الطيب في هذا الزمن مهضوم ومحقور
القصه وما فيها :
اختي المتزوجه اتصلت على بياع البقاله علشان تطلب بعض الاغراض
فقال لها انتي فلانه بنت فلان الفلاني يقصد اختي الصغيره اللي عمرها 15 سنه وكان يقولها بصوت واطي
اختي ارتاعت قالت وش تقصد قال انتي عيوني انتي حبيتي
قالت وقف عند حدك وش السالفه
قال انا احبك اموت فيك وابي اتزوجك والله اني اذا شفت ابوك ودي افتح معه موضوع الخطبه بس مستحي لاني من دوله عربيه وبياع واخاف يرفضني واذا شفت ابوك يقوم قلبي يدق ووووو ومن الكلام الرومنسي
طبعا اختي انصدمت وارتاعت وشوي بيوقف قلبها قالت اصبر شوي شوي علي
قال مو انتي فلانه الفلاني انا متاكد هذا رقم بيتكم
قالت صح هذا بيتنا بس مو انا اللي تبي
قال طيب خلاص خلاص اسف
قالت والله ما اقفل الخط حتى أفهم الموضوع
قال اختك تجيني للبقاله هي ووحده ثانيه معها و تحبني وتموت فيني و تقول انها من المنطقه الفلانيه
قالت اختي كيف تقول انها من المنطقه الفلانيه وحنا ساكنين بنفس الحاره اللي تكلم منها
هنا تلخبط وقال ما ادري ما ادري
قالت انا قلت ما اقفل الخط حتى اسمع الموضوع كله
قال هذولي مجموعة بنات يجوني للبقاله وهم طويلات ورشيقات وجميلات مرره ويعاكسني وقالت لي وحده منهم انها اختك وقالت اسمها
وانها من المنطقه الفلانيه
قالت اختي يا غبي لو هي اختي كيف بتقول اسمها وانت تقول انها تقول انها من منطقه ثانيه وانها تزورك في ايام الاجازه
بعدين اختي هذي صغيره ولا هي بالشكل اللي قلت ×× (( اختي جسمها لسه صغير يعني توها بالغه ولا هي طويله وصوتها صوت مراهقه ))
قالت اصبر وتنادي اختي قالت خليه يسمع صوتك يوم سمع صوتها قال لا والله مو هذا الصوت اللي يكلمني
قالت انا عرفت منهم
انت قلت انهم طويلات ومن المنطقه الفلانيه ولا يكونون هنا الا بالاجازه قال ايه (( علشان لهم بيت في الرياض ونفس حينا اللي سكانين فيه ومقرهم الاساسي في القصيم ))
قالت اختي حسبي الله عليهم
هذولي ناس نعرفهم بينا وبينهم عداوه شديده ويكرهونا بس ما توصل الى تشويه السمعه والقذف والعياذ بالله
قال خلاص اهم شي عرفت انها مو اختك وانااسف لاني غلطت وارجوك لا يكبر الموضوع ارجوك لا يكبر الموضوع
قالت اختي حسبي الله عليهم عاجلا غير اجل
واختي والله ا نها صغيره وفي البيت اربع وعشرين ساعه ولا تعرف الحركات هذي ولو هي راعيه الحركات هذي كان ما قالت انا بنت فلان الفلاني ولا فضحت نفسها
المهم بعد كذا شكينها في قريباتنا والدليل
ان زوجي انا يقول كنت مار بحارتكم وشفت حوالي اربع بنات واشكالهم وقحات يدخلن من بقاله الى بقاله وراحن جمب بيت قريبك الفلاني هنا تأكدت قلت بس هذولي نفس اللي في بالي
قلت اهم شي لا تحسب ان خواتي معهم لان اصلا ما نخلي خواتي يمشون بالشارع الا لما تكون معهم امي ولمشوار مهم جدا
الحين ابي نصيحتكم اروح واواجهن وحده وحده بس خايفه يقذفوني ويسون نفس الحركه هذي معي خصوصا اني متزوجه وهم لا يخافون من الله ولا عندهم من يردعهم
وأخاف اذا تركتهم على كذا يسون الحركه هذي مع باقي البياعين في نفس الحاره ويخربون سمعة اختي وسمعتنا
يارب انك تعلمهم وتراهم يا حي يا قيوم يارب العرش العظيم انك تجعل كيدهم في نحورهم وتشغلهم في نفوسهم يا من لا اله الا انت سبحانك انا كنا من الظالمين
على فكره فيه سالفه قبل ثلاث سنوات حصلت ووصل الأمر ان امهم اكتشفت قلة الادب اللي يسونها ووالله انهم
قالوا ان اختي الكبيره قبل تتزوج مشتركه معهم في الجريمه ووالله ان اختي بنت محترمه ثاني شي هم ساكنين
بمنطقه بعيده عنا ولا لنا علاقه فيهم ابدا والاهم من هذا كله ان اللي قالت الخبر لاختي هي تعرف بالسالفه كلها قالت انهم
يقولون بنقول انك معنا ما ادري ليش؟؟
وسبحان الله تقول اختي اخزاهم الله وفضحهم يوم اعترف اللي يتصل عليهم انهم بناتها الثلاث
بعد ما اكتشفت الموضوع امهم واتصلت عليه تطلب الستيره منه لبناتها
علشان كذا كرروا السالفه الوقحه هذي لانهم ما لقوا ناس توقف بوجوهم وهذا اللي مخوفني اذا سكتنا راح يطلعون فينا اشاعه جديده حسبي الله عليهم
يا ويلهم من ربي هذولي وش يبون ما يخافون من الله
نجــديـه @ngdyh_25
محررة برونزية
قصتنا قصه مع أقارب السوء ووصل الامر الى تشويه السمعه حسبنا الله عليهم حسابا شديدا
45
9K
يلزم عليك تسجيل الدخول أولًا لكتابة تعليق.
نجــديـه
•
طيب اذا واجهتهم بينكرون لان اهلهم معهم في الصح والغلط
علشان كذاا هم متفلتين وعايشن جوهم على كيفهم وصدقيني يا ما صار بينا وينهم مشاكل كثيره وبالاخر نصير حنا الغلط وهم الصح
والكل معهم وضدنا بحكم طيبتنا وتسامحنا حسبي الله عليهم
علشان كذاا هم متفلتين وعايشن جوهم على كيفهم وصدقيني يا ما صار بينا وينهم مشاكل كثيره وبالاخر نصير حنا الغلط وهم الصح
والكل معهم وضدنا بحكم طيبتنا وتسامحنا حسبي الله عليهم
الصفحة الأخيرة
الله يكفيكم شرهم