قصتنا مع زوجه ابوي

السلام عليكم بادخل بالموضوع ع طول انا فتاه امي متوفيه من وانا صغيره وابي متزوج وكنا نعيش مع زوجته وذقنا اصناف الظلم والاهانات والتجويع والاذى وحمدلله من الله علينا وقدرنا نسكن بعيد عن زوجه ابي انا واخواتي بعد تعب شاق ولكن لازال اذاها يطالنا انا واخواتي بتحريض ابي علينا خصوصا وان شخصيه ابي جدا ضعيفه وطيب جدا وهي مسيطره سيطره تامه عليه وبكلمه منها تقدر تخليه يعادي اي احد ويتنكر له احنا انا واخواتي والله وبالله وتالله اننا بحالنا ونشتغل وربي اكرمنا بشغل وفتحها علينا الله وبدانا نعيش حياتنا مرتاحات ولكن لم ينهى لها بال جلست طوال السنين تحرض ابي علينا وعلي انا تحديدا وقد طالني من اذاها الكثير ويشهد الله وهو الشاهد انها لم ترى مني الا كل خير هي وبنتها عمري مااذيتهم ودايم اكرمهم واقابلهم افضل مقابله واساعد ابنتها وكنت طيبه جدا وقد استغلت برنا انا واخواتي بابي وحرصنا على البر بتحقيق كل طلباتها عن طريق الوالد والله يابنات انها حرضته ايام وليالي وياما انا حصلي مواقف جارحه وتؤلم بسبب تحريضها علي ولواحكيلكم ماتصدقون المهم يابنات انا انخطبت وقرر الخاطب واهله يجونا لكن فجاه قامت بتحريض ابي ورفصت استقبال الناس الخاطبين وحرضت ابي حتى انه قالها لي ولاختي الكبيره بالفم المليان زوجتي مابتسوي القهوه ولابتستقبل احد والصوب صوبكن انتن ولن نستقبل احد اختي زعلت وبكت وقالت له ليش فلانه ماسوت لكم شي طول عمرها طيبه مع زوجتك وابنتها ولم تؤذيهن قال عاد زوجتي رافضه تسوي قهوه اوتستقبل احد قالت وانت موابوها ؟ مين يستقبل الناس وين استقبلهم انا والله يابنات الذي لااله الاهو ان لوكان بيني وبينها شي بعذرها لكن انابذات ماعمري اذيتها عشان تسوي كذا وتحرض ابوي وما في اي شي صدر مني عشان تحرض ابوي وتخليني وحيده المهم بالنهايه وافقو يستقبلون ااخاطب وجا وشفنا بعض واقتنعنا وبدأ موال جديد وقررت مثل اي بنت اسوي شبكه بالبيت وجاني بيوم قالي انزلي عمتك تبغاك نزلت لها جلست تسالني وش بتلبسين وش بتحطين قلت بشتري فستان واحتمال اجيب دي جي اغاني قالت لاتتكلفين بفستان بلاش العفاشه خليك بسيطه قلت يصير خير ان شاءالله ورحت شقتنا وراحت وحرضت ابوي وجاني اليوم الثاني وجا مسكني ع جنب قال ماراح ادفع لك ولاريال بالملكه قلت انا بسويها من مهري ماباخذ شي ولايهمك ورجع نزل اسفل عندها وحرضته ورجع وهو محرض علي قال ماتسوين الملكه بالبيت عمتكم رافضه تسوي قهوه وتستقبل الناس ماهي ملزومه فيك قلت خلاص بسويها باستراحه وقال خير ان شاءالله ونزل عندها ورجع اليوم الثاني ناداني ويخاصم يقول انتي تبغين تطلعينا بالشينه قدام الناس ومافي تسوينها باستراحه لوسويتي باستراحه مابملك لك قلت طيب انتم رفضتو اسويها بالبيت وجلست ابكي قلت ليش عمتي فلانه تسوي كذا انابعمري زي بنتها ولاقد جاها مني شي وشسويت لها وفجاه انفجر فيني مايرضى حرف واحد حتى لوعتاب عليها وجلس يخاصم وقال ترى فلانه بنت فلان لمن سوت ملكه مافكرت بفستان ولابمكياج قالت اهم شي الناس يتعشون وبس (للعلم هذا موقال وكلام ابوي ابدا ابوي على نياته ولايعرف سالفه فستان ومكياج ولافلانه ولاعلانه كلامها لقنته وجا قاله لي على لسانه ) تعبت نفسيا وقتها يابنات يشهد الله انها انكسرت لاول مره بحياتي ورحت غرفتي ابكي واقول ليش طيب انا وش سويت لهم اكلني الهم ذيك الايام من قوه المشاكل والصدمه في ابوي وزوجته وجالسه افكر وش بسوي كيف واخر شي جاني قلتله خلاص مابي اتزوج وراح كلم الخاطب وقاله اني رافضه ومن بعدها ارتاحت وهجدت فتره
وهذي نقطه ببحر اقسم بالله يابنات وشوفو ربي شاهد ان ماهمني موضوع الزواج والارتباط اصلا خيره من ربي لاني وقتها وافقت لان كان في مشاكل بالبيت ووافقت على عجله مع اني ماكنت مقتنعه بالزواج ووافقت مستعجله بس هالموقف منهم انحفر ببالي لانه كان صصصصدمه منها ومن ابوي بذات ماتوقعت كذا ابد وتصدقون بعد كل ذا تحسبوني حقدت او سويت شي ورررربي اني نسيت كل شي واعاملهم بصفا قلب ونيه وطيب ولاعمري جبت طاري للاشياء الي سوتها لنا بطفولتنا لدرجه ان الناس واخواني مايدرون يحسبونها كانت طيبه معنا محد يعرف واناوخواتي اصلا بعيدات وبحالنا ومشغولات باعمالنا وبحياتنا وهي ماغير مستلمه هالشايب وضاغطته تحريض فيه شتتنا طفشتنا حياتنا وياما صار مواقف والله ان ذا الي حكيته نقطه ببحر انا مدري وش تبي منا ليش كذا تكرهنا احنا مااذيناها المفروض حنا الي نكرها موهي لان هي الي جارت علينا وجوعتنا وظلمتنا وعيشتنا بذل وجوع ومهانه وعذاب ولكنا تركناها واصلا مشغولات بحياتنا وباعمالنا وهي ماغير مستلمه هالشايب وماذيته بالتحريض والمشاكل والمجاكره اسال الله ربي ان يشغلها عنا لانها لهالحظه وهي تمكر وتكيد وتحرض ماكفاها طفولتنا الي راحت بعذاب وجوع ومشاكل كانت حتى الاكل تقفل عليه نجلس نشحدها الدقيق والاكل وياما وياما ومع هذا كله مااذيناها بحياتنا مشغولات وهي ورانا تحفر وتحفر ومومرتاحه لان اخواني الي منها علاقتنا فيهم طيبه هالشي مجننها ومومستوعبه لانها كانت مربيتهم وتبيهم ياذونا وسبحان الله صار العكس صارو طيبين معنا وهي بتنهبل من هالشي تخيلو يابنات يوم كنت طفله كنت اتزاعل مع اختي الكبيره وكانت اختي تعصب وكنت اظطر اروح انام عندهم لين تهدى اختي وكنت انام بغرفه زي المخزن ربع متر بربع متر وكنت انام فيها وكنت اروح مثلا للحمام اوانزل لاخواتي عشان اراضي اختي ونتصالح واجي الاقيها كابه زباله على فراشي وحاطه المكنسه الكهربائيه على فراشي وحاطه قدور العزايم الكبار على الفرشه حقتي عشان تطفششني واروح وكنت انام على فرشه مكبوب عليها زباله وبالليل اجوع ابي اكل الاقيها مقفله باب المطبخ علي وكانت تحرض واحد من اخواني اكبر واحد فبهم وكان يضربني ويتفل علي سبحان الله الان اخوي ذا كبر صار محترم وطيب معنا وكنت ليالي انام بالمخزن واناابكي من الجوع وريحه الزبايل الي مكبوبه على فراشي والجوع ذابحني وانزل لاخواتي شقتهم وارجع اطلع الاقي في مويه وسكر على فرشتي الي انام عليها صابتها عالفراش ووقت الاكل كانت تشيل الدجاج من طرفي وتحطه بطرف عيالها واشياء كثير صارت لي اكتب لكم وانااشهق من البكاء موعشان شي لان حمدلله ربي اكرمني وكبرت وصرت اقوى بميه مره بس ابكي لان امي وقتها ماكانت عندي كانت مطلقه وبعدين ماتت كنت وحيده وصغيره ولوحدي مارحمت ضعفي وصغر سني ويتمي كان عمري ٩ سنوات وكنت اتهاوش مع اخوي الاكبر واجي اشتكي لها منه كانت تدفني بقوه عالارض كنت ابي اجلس بمجلس الرجال اذاكر وتجي تقلي اطلعي من المجلس بتوصخينه وكنت ارفض وتقوم تجرني بيدي بقوه وتطلعني وتقفل بالمفتاح ولمن كنا نروح للمدرسه وتسوي لنا سندوتش للفسحه كانت تحط لنا نتفه جبنه بالصامولي وناكله ناسف واخواني تحط لهم جبنه كثيير وكنت اتحسف وناصغيره واشتهي الاكل لدرجه كنت اسرق من مقصف المدرسه لاني اقعد جيعانه ومالي نفس بصامولي مافيه الاجبن نتفه وكنت انمسك بالمقصف وتفشلت بين الطالبات اني حراميه !!!وياما وياما اشياء كثيييره يابنات لواحكيها لكم اقسم بالله شفت العجب منها وتحسبوني حقدت عليها يوم كبرت لاوالله لان قلبي مايعرف الحقد والكره صرت اعاملها بطيب وبالتماشي ارحمها يوم اشوفها تشيل اغراض ثقيله اشيل عنها ولمن اشوف اختي من زوجه ابوي تنافخ ع امها اجلس انصحها واقولها امك لازم تبرينها يعني عمري مااذيتها وهي لمن اجيهم تتعمد ماتصب لي قهوه حتى بدون سبب وتكررت كذا مره هالحاجه والان فجاه بنتها الان بدات تاذي فينا وزعلانه تقول لابوي ليش انت تعامل البنات معامله طيبه وليش انت طيب معاهم يعني تبيه ياذينا ويحبسنا عشان ترتاح ماكفاها الي سوته بنا امها ومنقهره منا ليش ان حنا عندنا حريه وهي لا وتدرون يابنات ان عمرنا ماطلبنا من ابوي ريال لنا تقريبا ١٠ سنوات وحنا شايلات انفسنا ونصرف على اهمارنا ونشتغل ولاعمرنا طلبنا بالعدل الي هي تتكلم عنه ابوي وماله وحلاله وقلبه كله لهم ولابغينا اي شي تاركين كل شي لهم اللهم اننا نبر ابوي لوجه الله وعشان ربي يرضى علينا ونسدد ديونه ونعاونه وصار طيب معنا ويعاملنا بطيب هذا طبعا اذا ماحرضته زوجته وقلب علينا لكن بالاغلب طيب لكن هي مستكثره حتى المعامله الطيبه فينا ووتقوله ليش انت طيب معهم انت ماتعدل مع العلم انها ماتطلع عند ابوي ولاتسولف معه ولاعمرها دارته اوقهوته اوتقربت له وحاسدتنا على الحريه تقول ليش يروحون ويجون تبغاه يحبسنا الاخت؟ واكثر شي زعلانه منه ان اخواني يعاملونا بطيبه لان هي علاقتها باخوانها موقويه وبينهم مشاكل وطبعا كل هذا بسبب الام ربتهم عالكره ماربتهم عالحب والموده زرعت بقلوبهم القسوه حتى بينهم بين مع العلم يابنات اقسم بالله العظيم ان اختي ذي الي من ابوي اني عمري بحياتي ماشافت مني الا كل خير ياما نصحتها يوم كانت بترتكب غلطه كبيره وكنت اداري عليها وكنت اساعدها واحميها يوم جا يضربها واحد من اخواني وجلست انصحهم يعاملونها بطيب مع اني عارفه انها غلطت ومتاكده وواقفه معها بكل طيب لكن طلع قلبها اسود وحاقده مثل امها وقبل فتره فجاه سمعنا صراخ بالدرج وانفجعنا طلعت هي طالعه علينا وتهاوش بدون سبب !!! لدرجه يابنات الكل مصدوم منها حتى ابوي واخواني طلعت حاقده وقلبها مليان غل وكره وحسد زي امها وفجاه ب نص الليل لقيناها بالدرج طالعه وتصايح زي المجنونه وتوجه الكلام لي ولاختي الكبيره الي حنا بذات ياما ساعدناها وياما وقفنا معها وعمرنا ماذيناها طلع قلبها اسود وحقود اسال الله ان يعطيها على قد نيتها ماشافت منا الاكل خير انا الي مستغربته ليش كل هالسواد بقلبها الام وقلنا زوجه اب وتكرهنا بس انتي وش جاك منا طول عمرنا مومقصرين وانا بذات طيبه معها بزياده وعلى نياتي انا وربي ماهموني كلهم لان حمدلله ربي معوضني بشغل وبحياه وبحريه واناواخواتي مرتاحات بحياتنا ونحاول مانلتفت للتوافه لكن الان زوجه ابوي شغاله ع اخواني تبي تفرقنا عنهم مع ان اخواني العيال طيبين بس للاسف الام اثرت بهم وبدت علاقتنا تتقطع فيهم لان كثر الدق يفك االلحام وبدت تحرش وتحرض وتخرب للعلم عندي اخوي من امي وابوي يابنات انطرد من البيت وهو عمره ١٤ سنه بسبب امها ابوي طرده قال زوجتي تبغا تلبس وتاخذ راحتها وراح بالشوارع وطاح برفقاء السوءوجاه مرض نفسي وجاه ايدز وهو مسجون الان اناابوي يكسر خاطري يابنات كبير وعنده سكر وضغط وماترحمه احيانن يجينا جوعان ماتسوي له فطور ولاتقوم وقاسيه عليه لدرجه مره جتنا ظيفه من قرايبنا وجلست زوجه ابوي تدعي ع ابوي وتذمه قدام الظيفه وتسبه تقول اخذ ذهبي وباعه الله لايوفقه وتحاول تستفز اختي الكبيره واختي مطنشتها تماما طيب ليش هو قلبه وماله وحلاله كلها لك ويعشقك ويحب عيالك موت ليش هالكره والقسوه المفروض احنا الي نكره ابوي لانه ظلمنا بسببها لكن حنا نعطف عليه ونبره ولانه طيب وانقيادي وربي ابتلاه فيها لدرجه تحتقره يابنات وتعامله معامله شينه وربت عيالها على احتقاره ووهم صارو قاسين ع ابوي ومع ذالك يموت فيهم ولايمكن يتغير عليها ربي بلاه بحبها وحب عيالها وهالشي مومضايقني بس يكسر خاطري انهم يستصغرونه ويتحكمون فيه ويحرضونه زي الدميه بيدهم في تفاصيل كثير واحداث لواقولها لكم بتنصدمون واعذروني لوطولت بالموضوع هذي احداث على مدى سنوات واناعارفه ان ربي بينصر المظلوم وحمدلله حنا قويات وكيدها ضعيف ومكرها على قدها صغير ربي معنا والقانون معنا واحنا قويات ومستقلات لكن كتبت لكم من باب الفضفضه واحكيلكم شي بخاطري وقصه حياتنا باختصاراحمدالله انه عوضنا ومرتاحات حمدلله ورغم انها تحاول بكل جهد تاذينا وتشتت شملنا مع ابوي واخواني الااننا قويات وواثقات بانفسنا وبالله قبل كل شي لان رغم كل الظروف والظلم الي شفته بحياتي ماتاثرت ولازلت قويه وواقفه على رجولي واطور نفسي واعيش حياتي وافكر بمستقبلي الجايي واحاول ابتعد عن الهموم والمشاكل وافكر ايجابيا لكن حبيت افضفض لكم لان هالفتره متضايقه جدا واختي حزينه لان ابوي متغير عليها وهي متعلقه بابوي جدا وتبر فيه بزياده وصار صاد ومعد يجلس معها كثير ولايتفقدها وصارت تفقده كثير