A a R a M :

مرت الأيام وكل منا يواسي الاّخر فيه يوم من الايام كانت اختي الي اكبر مني في المطبخ ودخل عليها ولد اختي وجلست تسولف معاه فجأه اختفى في اقل من ثانيه دورته ماحصلته اتصلت عليه حلف لها انه مامر بيتنا اليوم . ومره كان اخوي شاري له دهن عود والبوابه الرئيسئه مسكره ومافي المجلس غيره كان يستنى خويه وراح لدورة المياه (تكرمون ) يغسل يدينه بس يادوبه غسل ورجع ماحصل العطر طلع دور في المجالس كلها ولف حوالينها ماحصل أحد غرفة السواقيين كانت بعيده جنب البوابه والكل نايم يااخواني مو مهم العطر بس المهم منو الي شال العطر هذا السوءال الي همنا ؟؟؟؟؟؟؟؟؟؟؟؟؟؟؟؟؟؟؟؟؟ فهمتوني !! من كثر الخوف انتقلت اختي الي اكبرمني معاي وتمينا في غرفه وحده وكل ماصار شيىء نزلنا في الارض والله تقول فوقنا غصف جوي ........... ترى مامزح جد ترى ....... وهنا في زاوية البيت حيث انا واختي بدأت أفلام الرعب والتطفيش والوسواس ولوأحد منكم عنده مسمى ثاني والتعبير خاني يسميه ماعندي مانع .... والله هل البيت كلهم أحوالهم متفاوته بس انا وأختي التركيز علينا .......... حامي حامي ............ حدث ولاحرج مرات نكون انا واختي نراجع أيام المراجعه والاختبارات الى وقت متأخر من الليل ......تدرون وشيصير معانا ........ بس قبل تكملون القصه ابي منكم طلب ......... الي منكم ما عمره صار معاه زي ها السوالف يحمد ربه ويشكره الحين والله انه في نعمه وهو مايدري اي والله ..ياجماعه ترى الراحه والامن نعمه . ترى طلعت بحكمه من حياتي ( الخوف قطعه من العذاب ) الله لايوريكم سوء . يمكن فيه ناس يخالفوني في الرأي ويقولون ليش الخوف . بس انا أقول لهم لا تستعجلون لان حياتي وظروفي كلها كذا والله أن لي رب رحيم جل شانه عظيم في مكانه قديم سلطانه . كل ما أتذكر أن ربنا اذا أحب عبده ابتلاه بدل مابكي اضحك ........ وكل ما أتذكر أن الصابرون يوفون أجورهم بدون حساب أبكي اي والله ابكي راجيه لطف ربي يشملني وأكون منهم ..............تكفون قولو أّمين . خلوني أكمل كان اذا جاء الليل ونامو الاهل والله أن أول صوت نسمعه في المطبخ ............ زي ماقلت لكم غرفتي قريبه من المطبخ وكان عندي صاله تفتح شباكها على الابواب الخارجيه للمطبخ . ياناس الخدم ينامون بدري ... يعني واحنا حوالي 2 او 3 الفجر واحيانا 1 او 2 الفجر بعد ........العايله كلها ينامون بدري ابوي وامي كانو حريصين على صلاة الفجر .... والله نسمع صوت في المطبخ فيه أحد ينزل كل المواعين ويجلس يغسل والله انا نسمع صوت الماي وصوت الصحون وصوت البلاط وهو ينغسل وبعدين يشطفونه يعني نظافه على كيفكم وبعد هذا يكنسون البيت والبيت كبير مره واذا خلصو يرجعون ويكنسون حوالين غرفتي من برا وانا اسمع مع اختي وميتين من الخوف .......اعزكم الله الشغالات قبل لاينامون يرمون الزبالات .. بس بعد الكنس نسمع صوت (تكرمون ) درامات الزباله تنشال وتنحط وصوت الباب الخلفي ينفتح وصوته ينسكر وكل شيىء يرجع مكانه والله ياجماعة الخير البيت مافيه اي حاجه وسخه وكل حاجه مرتبه مافيه مجال تلاقي حاجه على الارض او اي شيىء مغبر الوالده حريصه مره بس نظافة أّخر الليل هذي مادري وش سالفتها هذا من غير الاغراض الي نحطها ومانلاقيها .......... واحيانا اصحى على صوت أحد في الحمام .........وفجأه جدران البيت صارت مليانه وزغ كنا أذا أحد منا دخل يتروش يطلعون له ماندري من وين ومرات انكون نايمين وفجأه اسمه صوت الباب ينطق اقوم ما أحصل أحد وحركت طق البيبان مو معاي بروحي معانا كلنا . الحركه الي قلبت حياتي فوق تحت كانت تصير معاي بس وكنت اكثر من مره أصرخ ومحد يسمعني أنا عندي أن البيت والجيران يسمعوني واذا جاء الصبح سألتهم قالو ماسمعنا شيىء . تدرون شكان يصير معاي ............طيب ............. تذكرون الفراشه العامله الي في المدرسه الي سبق كلمتكم عنها كانت تجيني في غرفتي وأنا نايمه ..... صح أختي معاي بس ماتحس بشيىء أول ماتجي أنا نايمه أحس السرير يهتز فيني مرات اصحى ومرات هي تصحيني والله أنها اذا جات ينشل جسمي كله تخيلو أن اصابع يديني الي جنب بعض مأقدر أحركها ترى مأّبالغ وينشل جسمي كله وينشل الساني تدرون وش تقول لي ...........وش توقعون ؟؟؟ كانت تضربني وتقول امشي قومي امشي معاي تحت والله أنها خذتني معاها رحت معاها شلون مادري ودتني لمكان بوصفه لكم رحت معاها أكثر من مره ولنفس المكان المكان هذا أول مره أشوفه بحياتي كانت تنزلني مكان مظلم ننزل بدرج وكان الدرج يفتح على صاله صغيره مره وجنب الدرج مكانس كثيره والصاله تفتح على غرفه مسكره كل مره أكون أنا واقفه على نص الدرج والفراشه معطتني ظهرها وتفتح الغرفه والغرفه مظلمه وانا لساني مثل المشلول وثقيل بشكل رهيب وأقرأ أّية الكرسي أقرأها ببطىء شديد واضربها بالمكانس شوي الا وأنا على سريري في غرفتي واحيانا اذا جات وصادف أن أحد دخل وفتح الباب أحس بشيىء زي النمل يطلع من جسمي وتفك وتروح كنت افرح اذا جا احد من هلي وراحت عني . أذكر مره كانت جايتني قبل الفجر وتضربني تبي توديني وفتح ابوي الباب يصحينا لصلاة الفجر نطيت من السرير ولميته وأنا أبكي من كثر الخوف ومرات اقوم في نص الليل واطق عليهم الباب منحاشه منها يصحون على صراخي صار ابوي حزين وكسير من حالتي كان يقرأعلي ويقول اقري قبل النوم تحصني كنت اتحصن وكانت تجي بعد . الحال في المدرسه انتكس كثر غيابي واهملت دراستي ووأّجباتي كنت اصحى متأخره صارت المديره تعطيني لفت نظر على التأخير ماصار عندي شهيه للاكل نحل جسمي وصرت اسمع أصوات تناديني ولما أسأل يقولون يتهيألكي اهملت صديقاتي وكنت أفتعل المشاكل معهم مابي أحد أكتفيت بصديقه واحده ........... عديت المرحله الثانويه بأعجوبه ..........صدقوني أن اكثر المواد ماعندي لها كتب واذا اشتريت افقدها على طول فبطلت اشتري كتب اختبر على البركه نجحت على الحفه بالظبط وكانت صدمه بس أنا والاهل كان الامر عادي .

مرت الأيام وكل منا يواسي الاّخر فيه يوم من الايام كانت اختي الي اكبر مني في المطبخ ودخل عليها ولد...