قصتى مع مواقع الزواج

السلام عليكم ورحمه الله وبركاته
ازيكم يابنات
انا داخله علشان احكلكم قصتى علشان تحذروا منها وتحذروا كل بنت نفسها تتجوز
انا بنت عندى 29 سنه ولسه الحمد الله متجوزتش
خالى اقترح عليه ادخل موقع من مواقع الزواج
وفعلا اشتركلى فى الموقع
دخلت الموقع وكتبت شروطى وكان من شروطى
انا يكون بيصلى فى المسجد ويوافق انى البس النقاب ويتخلص من فوائد البنوك
واحد دخل قالى ده انتى كنز ومتتعوضيش ده مافيش حد زى ابدا ابد
وانا موافق على كل شروطك
ودخل قالى انا مش بصلى فى المسجد انا بصلى فى الحرم

قلتله ماشى مادام انت وافقت على كل شروطى انا مش هاقدر اكلمك غير لما بابا يكون عارف
قالى ماشى وراح فى ساعتها خد نمره تليفون بابا واتصل بيه واتفق معاه على كل حاجه وهو كان عايش فى السعوديه وانا فى مصر
وقاله ان هو هينزل فى العيد الصغير يكتب الكتاب وفى العيد الكبير يتزوجنى
واتفقنا على كل حاجه
ودخل كلمنى فى الماسنجر خلاص بقى خطيبى وطلبنى من بابا وعائلتى كلها عرفت انى اتخطبت
اول الايام فضل يكلمنى على التلفون من السعوديه لمصر والمكالمات غاليه ويكلمنى بالنص ساعه غير اتصاله ببابا كل يوم ويقعد يكلم معاه نفس الوقت
وبعدين يكلمنى فى الماسنجر قعدنا على كده شهر ونص بس الحمد الله علشان ربنا بيحينى الكمبيوتر باز فى هذالمده تقريبا شهر
وكنا بندخل نتكلم وواحده واحده بدا يكلمنى فى كلام قليل الادب قلتله حرام ومينفعش نكلم فى كده وفضلنا على كده نتخانق شويه ونتصالح شويه علشان خاطر الكلام قليل الادب ده
واه نسيت اقولكم هو قالى انه بيشتغل فى مدير تسويق فى فندق 5 نجوم فى مكه مع انه شكله ميجبش مدير تسويق ابدا اولا لان الفاظه وحشه جدا جدا ومش بيفهم فى الكمبيوتر خالص ومش بيعرف اى لغه
بس ضحك عليه بكلامه الحلو جدا جدا جدا وحنيته واهتمامه الزايد عن اللزوم
كنت بشوف حاجات واشك فيها بس هو كان نصاب والنصابين كلامهم حلو كان عاوز بس يكلمنى فى قله الادب وبس
وكان مفهمنى انه بيموووووووووووووووووت فيه بطريقه جامده ومش يقدر يستغنى عنى ابدا ابد ابد
اقولكم عرفت انه نصاب ازاى
كنت ببعت رساله لواحد قريبى علشان يصلحى الكمبيوتر كنت بقوله فيها متجيش علشان انا خلاص صلحته فبدل ما ابعت الرساله لقريبى بعت الرساله ليه هو
قريبى ده كنت طول النهار اقول اسمه قدامه وميتكلمش ولا يقولى حاجه خالص
جه على الاخر بقى عاوز يخلص منى لانى مردتش اكلمه فى كلام قليل الادب
فاتحجج انى قليله الادب وحاطه نمره صبيان على الموبايل واقوله ده قريبى وصغير وكنت بشيله وهو صغير مرداش ابدا يسمع كلامى
بيتحجج لو كان بيحبنى كان سامحنى
بس يسامحنى على ايه اصلا انا مغلطش ده قريبى وبابا بيكون قاعد لما بيصلح الكمبيوتر
وسابنى واتخانق معايا قبل لما يجى ب 10 ايام وهد كل احلامى منه لله
ومش بس كده طلعنى قليله الادب واختى قلتله حرام عليك ده يبقى قذف محصنات كلها ده مش من المحصنات ابدا
وعرفت انه نصاب بقى اتصلت بالفندق قالولى مافيش حد عندنا بالاسم ده خالص
وهو قايلى انه مدير التسويق بتاع الفندق يعنى كان نصاب منه لله:icon33::icon33::icon33::icon33::icon33:
احترسوا يابنات اوعوا تدخلوا على المواقع ديه ابدا ابد
وربنا يصبرنى
اللهم اجرنى فى مصيبتى واخلفنى خيرا منها
انا زعلانه اوى اوى انه اضحك عليه بس الحمد الله قدر الله وما شاء فعل:icon33::icon33::icon33::icon33:
انا الى غايظنى انى مش عارفه اوصله ابدا
زعلانه علشان البنات الى هيكلمهم بعدى ويضحك عليهم
بس اعمل ايه فوضت امرى الله