السلام عليكم ورحمة الله وبركاته
نقلت هذه القصه لبث التفاؤل والأمل بقلبك
فكم اعرف كم تتمنين الحمل والانجاب
لا حرمكم الله واحسني الظن به
7
الحمدلله رب العالمين الحي القيوم الصمد الوهاب
الغفور الجبار الكريم الواحد الاحد
انا ما ابي اطول عليكم بالقصه بس انا كتبتها والله يشهد علي ان
كتبتها عشان ابيكم تستفيدون وابي الله يرزكم مثل مارزقني انا
مثل ماتعرفون اول ماتزوجت ماحملت ومرت الاشهر وكل شهر
تتعب نفسيتي اكثر اقول بقلبي يمكن عشان انا دورتي مو منتظمه
فقررت ان اروح افحص وفعلا رحت كذا دكتور الي قالي مافيج
شي والي قالي لا زم كلوميد ولي قالي تكيس المهم انا كنت
متابعه لقسم تاخر الانجاب وعرفت ان كثير بنات اكتشفوا ان
الخلل من اواجهم فقلت حق زوجي حلل طبعا مارضى ومرت
الاشهر ليما اهو اقتنع وحلل وطلعت النيجه صدمه (لا توجد
حيوانات منويه ) طبعا ماصدقنا جان اقول حق زوجي حلل
بمختبر ثاني وفعلا حلل طلعت نفس النتيجه (لا توجد حيوانات
منويه) طبعا انا قعدت ادور بالمنتدى اشوف البنات الي ازواجهم
نفس حالت زوجي عشان اسالهم شنو سوو عشان اسوي والله
يرزقني .....طبعا عرفت الكل مسوي حقن مجهري هذي الشي
الوحيد الي ينفع بحالتنا فبعدها رحنا الدكتور جان ايقول حق
زوجي لازم انسوي شق عشان ناخذ حيوانت منويه جان اقول
حق الدكتور ليش دكتور سو خزعه قال لا الشق احسن وبالهجته
المصريه ايقول لما انشق (يارب يارب نلقى) حيوانات وقلبي
عورني على زوجي لما قال حق الدكتور طيب عطني منشطات
جان يرد عليه ادكتو ان حالتك ماتصير تاخذ منشطات لانك
صفرررررررررررررررررررر :44:
طبعا مرت الاشهر وانا وزجي مترددين وين انسوي العمليه
وقعدت احوس بالمنتدى على الخلطات عشان ابي يطلع معاه شي
حق العمليه بس كنت بنفس الوقت مهيئه نفسي ان الدكتور
ايقولنا خلاص مافي امل واذا تذكرون كنت اسال اكثيييييييير عن
العلاج بالخارج وفعلا اخذت معلومات وفعلا زوجي راح عشان
بيقدم بس قال واحد موظف (السالفه يبيلها واسطه)وطول الفتره
الي كان زوجي ايراجع ويحلل كان يحجم عند محمد البناي وطبعا
انا عرفت الحجامه من المنتدى وان لها فؤاد بالانجاب فقلت حق
زوجي وحط السالفه براسه وبعدها افتره كنت رايحه الطبيب باخذ
طبيه كنت غايبه من الدوام(معلمه كسوله) واحنا قاعدين ولا
انشوف مجله فيها المحجم محمد البناي جان اقول حق زوجي
شوف جان ايقولي زوجي هذا الي ايقول عنه رفيجي المهم زوجي
بعد ماشاف المجله اخذ الرقم ودق وحجز موعد بعدها زوجي راح
حق المحجم والمحجم قال حق زوجي
ان اكتشفو عصب فوق الركبه يخذي العضو الذكري لرجل (خ)
فحجم حق زوجي وعطاه عسل وتلبينه
فمرت الايام وزوجي يروح ياخذ منه عسل ويحجم وكنا ماخذين
موعد شهر 2 عند العرف عشان عمليه الحقن المجهري فمحمد
البناي قال حق زوجي لما اتخلص كورس التحجيم روح حلل
الا سبحان الله القادر على كل شيء الذي اذا اراد شيء انما يقول
كن فيكون حملت من بعد ثاني تحجيمه حقه بس طبعا هذا كل بعد
دعاء الوالده ودعائكم لي ودعاء اختي بالحج لي سبحان الله انا
اخر دوره جتني شهر 11 بس انا متعوده دورتي مومنتظمه
احيان تجي كل شهرين واحيان كل شهر ونص وانا كنت ناطره
موعدي عند العرف على احر من الجمر وكنت اقول يارب ايكون
لو في حيوان منوي واحد ماكنت ادري ان حامل الله يثبته لي
ويرزكم مثل مارزقني من غير عمليات ولا سفر المهم الدوره
تاخرة حيييييل فاختي ومرت اخوي وامي ايقولولي حليلي يمكن
انج حامل وانا اقولهم مستحييييييييييييييل واقول ابقلبي بلاكم
ماتدرون ان زوجي صفر حيوان منوي شلون بحمل يعني ) المهم
انا قلت انا شخسرانه جان اخذ من الصيدله تحلييل منزلي وكنت
يائسه ادري اني بتعب نفسيتي على الفاضي المهم رحت الحمام
وانتو بكرامه وسويت التحليل وقعد اطالعه وابقق عيوني مو
مصدقه جان اطلع من الحمام ركض واقول باعلا صوتي طلع
خطييييييييييييييييييييييييين بعدها امي دقت على زوجي اتبشره
وطبعا انا وامي وخواتي بجي وطبعا زوجي المسكين مات من
الفرحه لدرجة انه قالي اخاف انام واقعد ويطلع كل هذا حلم
سبحان الله ماتوقعت بيوم اني احمل طبيعي واذا تذكرون
موضوعي عن شنو خاطرج فيه بهالحظه كنت اكتبه وماكنت ادري اني حامل وان الله رزقني
سبحان الله مغير الاحوال من كان زوجي عقييييييييييم
اصبح منجب
واتمنى من كل بنت زوجها عقيييييييييييم او اهيه
عقييييييييييييمه انها قبل لاتفكر بعلاج اتروح اتحجم وصدقوني
الله ماينسى عباده
واتمنى من الله ان يرزقكم من غير عمليات وسفروعلاج
..
.
الله بقدرته العظيمه يفرح قلوبكم ويرزقكم
بالحمل السليم والثابت والذريه الصالحه ياارب
دعوواتكم لا تحرموني منها انا ناقله الموضووع ^-^
ودي وحبي ..
نظرة غلا @nthr_ghla
محررة برونزية
قصتي..عبـــره لكــِ (ان الله اذا اراد شيء انما يقول كن فيكون) <<ابشرري بالحمل ^-^
21
2K
يلزم عليك تسجيل الدخول أولًا لكتابة تعليق.
ما شاء الله الف الف الف مبرووووووووووووووووووك الله يطمن قلبك وان شاء الله تسمعين النبض
ام فضيلة
•
ما شاء الله الف الف الف مبرووووووووووووووووووك الله يطمن قلبك وان شاء الله تسمعين النبضما شاء الله الف الف الف مبرووووووووووووووووووك الله يطمن قلبك وان شاء الله تسمعين النبض
الف الف مبروك الله يثبث حملك و يتمم فرحتك الله كريم و رحيم بعباده
ما شاء الله الف الف الف مبرووووووووووووووووووك الله يطمن قلبك وان شاء الله تسمعين النبضما شاء الله الف الف الف مبرووووووووووووووووووك الله يطمن قلبك وان شاء الله تسمعين النبض
ماشاء الله الله يتمم حمللك ويزقك ولد معافى باذنه
!!zozo!! :
دمعة عيوني والله ماشاء الله ولاقوة الا بالله سبحانه العظيم الرحيم يارب يثبت حمللك ويتمم فرحتك وتملين بيتكم بالذريه الطيبه وتجين تدورين موضوع عن احسن مانع ويارب لاتحرم مسلمه من هالنعمه الف الف مليوووووووووووووووووووووووون مبروكدمعة عيوني والله ماشاء الله ولاقوة الا بالله سبحانه العظيم الرحيم يارب يثبت حمللك ويتمم فرحتك...
الله يثبتلك حملك امين
الصفحة الأخيرة
الف الف مليوووووووووووووووووووووووون مبروك