قصتي

السلام عليكم
اسمحولي اشاركم جزء من قصتي الواقعية
وارجع ورا سنين
عمري 36 سنه
عشت طفولة مليئة بالذكريات الحلوة والمرة
من اسرة عادية
كنا ثلاث بنات و ولد
تزوجو اخواتي و ثم اخوي
بقيت انا والوالد والوالدة الي عايشين في بيت وهم
كل واحد في حاله وكل واحد له تفكيره المختلف
ابوي اغلب الوقت مو موجود رايح جاي للديرة


ف امي هي الي مسيطرة
كبرت بس الصراحه عانيت كثير جدا
جزء من معاناتي امي اظنها تشوفني سبب انها ماتطلقت من ابوي وسبق قالتها انا السبب !!
مع ان مالي علاقه ابدا لكن كل حرتها كانت فيني
مشكلتي عانيت كثير جدا نفسيتي مرهقة جدا
مرهقة من الدنيا وهمومها الي لحقتني صغيرة
غير ان عيب شخصيتي استوعب فوق عقلي يعني عقلي وانا بعمر 6 سنين يستوعب كل شي يصير وكاني ام 12
وما كنت اتكلم كنت اشوف الشي واشيل همه وافكر فيه ولان علاقتي في امي من وانا صغيرة ضعيفة لان امي انشغلت بالطفل الي بعدي جا على طول فكنت مع نفسي ابكي ماتعودت اتكلم
كبرت وزادت مشاكلنا والمشكلة اذا العايلة غير مترابطة وما كانو مع بعض تلقين همومهم تزيد
كل واحد شايل همه وساكت اخواني اقرب لامي مني انا الضايعة
الكل تزوج وبقيت انا وبديت اعاني معاناة فوق المعاناة كنت ابي اهرب من البيت اطلع ماابي البيت ابد مااحس فيه بالامان اسبوع قبل الاختبارات الكل يغيب وانا اداوم اذاكر بالجامعة الالم النفسي كان صعب جدا
فقد الامان صعب
اصعب شي ان ماتلاقي احد تثقيي في كتمانه للسر
وتشكيله
غير ان اخواتي جميلات جمالهم 90% وانا 70%
ف امي كانت تشوفني ولا شيء قريبة منهم لانهم متزوجات انا من صغري مااظنها حست بالامومة معي
و مرت السنين تخرجت من الجامعة قدمت ادرس ماجستير و اجلت الدراسة
عشان الوظيفه
ومرت سنين و في يوم كان زواج احد القريبات من شخص متميز و صار موقف صعب يجرح وانا فيني من الجروح مايكفي الموقف الي صار كسر نفسي بكيت منه دم
سنين مانسيته
ومن بعده عشان انتصر لنفسي قلت ماراح اخذ غير واحد مواصفاته ممتازة تمر السنين وامي مهبل فيها عدم زواجي
جالي شخص وافق يبيني لكن تفركش من اهله
و جا الي بعده الظاهر يبون اصغر والي بعده
كلمت اختي خطابة وابتدت المعاناة ناس يجون ويروحون ناس احنا نردهم و ناس يصير موقف تافه يفركش الموضوع و ناس يبون اصغر
انا نفسي مكسورة وابي واحد ولد ناس مواصفاته حلوة اولا بسبب الموقف الي حصل لي وثانيا اهليالي يشوفون امكانياتي ما ترقى لاني اخذ واحد بهذه المواصفات البنت مهما كبرت خصوصا البكر تظل وردية الاحلام وخصوصا لو محد من اهلها معها ومنها قريب ارجع لاهلي الي يشوفوني اولا مو جميلة زي فلانة ولاني كبرت حتى قالوها لي المطلقة الصغيرة فرصها احسن منك لا تتشرطين ادري صعبة علي لكن ما على الله صعب
اذا تقدملي احد اصير كاني في هم واطلع فيه عيوب حتى يروح اكثرشخصين ندمت على روحتهم واحد راح بسبب اهله والثاني صار موقف فركش الامر والثالث بسبب العمر كبرت وصلت 34 بدات اقتنع اخذ بطفل لان خلاص نفسي طابت من الدنيا لكن الرجال الكفو قليل
نظرة اختي اذا تقدملي احد من الفلان وفرحتها ثم يروح تألمني اختي مافيه تفاهم بيني وبينها لكن شايلة همي وكان ودي اخذ احد يكون من عايلة تفرح فيه
الي احب اقوله خليكم قراب من اخواتكم ولا في يوم تستغربين من بنت ليه تتشرط بكيفها حياتها و راحتها انت ماتعرفين ايش الي مرت فيه وغير تفكيرها او طبيعة شخصيتها
لا تجعلون الزواج اكبر الهموم خلوهم يفرحون باعمارهم لاني ماندمت على شي كثر عمري الي راح هم وغم بسبب حنة اهلي عشان الزواج وكان القضاء والقدر في يدي