قصتي ..

السلام عليكم ، أنا بنت وحبيت لي واحد عن طريق الإنترنت وهو مو بنفس مكاني لا بداية قصتي معاه عرفني عن طريق كومنت وماقرب لي أبدًا بعدها بفترة جاء وكلمني وكنت ممتنعة عن الحديث معه لحد ما بدأ "ينشب" رديت عليه وكنت ما أبغاه كان "ناشب لي" وماكنت أحبه مرت الأيام وهو يترجاني بس أحاكية والله إني كنت أقول له كلام محد يتحمله كنت أحكي ع أبوه المتوفي وصدقوني عارفة إنه غلط لكن مافي حل إلا كذا مرت الأيام لحد ماحبيت هالإنسان صرت أشوفة الدنيا كلها وعمري وكل حاجة حلوة بحياتي ، جتني فترة تركته لظرفًا ما وبعد مارجعت له كان متغير عليّ كثير رحت عنه بدون أدنى خبر وكان يكلم وحدة أنهبلت فعلًا وقتها كيف يحاكي غيري تركها عشاني وأنا متأكدة منه وواثقة فيه أتم الثقة إنه تركها مر الوقت والبنت حاكتني بأنها تحبه وحيل تعبانة وخلاص ماتتحمل كلمته وقلت كلمها كان يقول ما أبيها أبيك وحيل كان مايبيها لحد ماغصبته يكلم ولا أتركه ماكانت له حيلة وأضطر يحاكيها ، بعدها عرفت واحد فلسطيني عن طريق المتابعة بس بحكم إني إمرأة وغالبًا عطفي ينقلب ضدي كان فعلًا مريض وبحكم تخصصي ماقدرت أتحمل وضعة جروح بكل جهة بصدره ويده ورقبته تكلمت معاه ونقدر نقول أنجذبت لجماله وماكنت أقدر أستمر مع لنفرض أسمه "سلطان" لإني أحسني أخونه كان رافض أتركه وأنا كنت بحيرة كنت منجذبة للفلسطيني بس إنجذاب ومشكلته كان يبي لها صبر و"سلطان" رافض فكرة إني أكلم غيره للإسف أخترت اللي عيني أنجذبت له كان "سلطان" تعبان مني كنت أبيه يتركني بدون ماأسوي شيء ومع ذلك كان متمسك فيني كنت طايرة فيه وبعمري ماأتصلت على شخص وهو نايم عشاني أشتقت له إلا هو ! كان يحبني بشكل مو طبيعي كان يناديني "دكتورتي وأمي وبنتي" لحد يقول عشان يغريك كان يتقطع بكى عشان ماأتركه وبأول مكالمة لنا بكى حيل المهم نرجع قلت له أنو أنا حيل منجذبة للفلسطيني يا يتركني يا يخليني أساعدة رافض الإثنين كان يقول أنتي لي بس رحت وتمسك فيني حيل لحد ماحسيت لازم أكرهه فيني تكلمت ع أبوه وكل هالفترة من شهر ١٠ تركنا بعض لكن كان بيننا تواصل خفيف وأدركت أن ماكنت أحب الفلسطيني كنت منجذبة له لا أكثر ولا أقل أمس كلمته وكان زعلان مني كثير كان يقول كيف تبيعيني وقتها كنت فعلًا غبية كان يحبني حيل والبنت اللي كانت تحبها كلمها ويقول صرت أحبها وأنا متأكدة إنه لسا يحبني لإن البنت تشتكي من بروده وإذا كلمته يصرف وإذا دقت تتكلم شوي ويقفل أنا لما كنت أقول له بقفل كان يقول خليك بسمع صوتك والله كنت معاه شيء مو طبيعي بعمره ماقال لي أبي أشوفك بس كان يحب يدي كثير وكان دايم يدعي يأخذني حتى كان بيطلب وظيفة بمنطقة عمل خوالي عشان يصير أقرب مني ويكون في حجة وقت الزواج ! يعني يقول عرفتها من خوالها أو أمي كلمت زوجة خالها وقت ماكلمته أمس كان شايل بقلبه عليّ كان مصدوم مني كيف أبيعه عشان شخص ماحبني أو بالأصح ماأعطاني وجة آخر حكينا كان الله يسامحك ويستر عليك ويحفظك ماتتخيلون شقد أنهبلت أمس أترجاه مايسامحني يقول ماأقدر وساعة كاملة يحاول فيني أستغفر عشان قلت ماأبي الله يحفظني قال لي بنام بكرة عندي سفر وقت أصحى بكلمك ونام ولا جيته ولا جاني كلمته بالليل وسألني قال لي روحي لفلانة وقولي لها راضية إني أكلمك أو لا ؟ قلت مابترضى قال يعني الحين أعتبر أخونها قلت له أي وحذفني بدون أقل كلمة بس قال لي باي أنا والله عارفة إنه يحبني ويموت بترابي وأنا أكثر لكن الحين أبيه محتاجته كثير أرجع أكلمه أو أبلع الهم وأسكت ؟ أخاف أسكت ويقول باعتني وأخاف أتكلم ويقول تبي تخرب بيننا مع العلم إنه كان يسوي المستحيل عشان يوصل لي من حساب لحساب ويحاول فيني أمانة شورو عليّ