قصتي 😍🥰

السلام عليكم
كيفكم يااخوات
اسمحوا لي اقلكم على سر اتعامل فيه بحياتي وابغالكم الخير معايه
انا وحدة عادية مرة يعني عندي تقصير كثير زي كل إنسان مقصر
لكن في مواسم الطاعة احب استغلها زي رمضان
وايام ذو الحجة وخاصة عرفة
عرفة اكون نايمة قبلها بدري واتسحر وبعدها اصحى الصباح مصحصحة
واكلم زوجي اليوم محد يشغلني واخليه يجيب خفايف من برا عشان اتفرغ للدعاء
خلاص من الصباح انقطع من اي التزام
واخليه شوي ذكر شوي دعاء لحد متى
لحد المغرب
بتقولون كثير لا والله مو كثير على النتايج اللي شفتها
امنياتي فيه تستجاب لدرجة استحي من ربي والله
اقول يارب ابغاها كذا وكذا وكذا وتجي نفس مادعيت
وكثير مشاكل كبيرة في حياتي انحلت بذي الطريقة
وانا افضل تكتبين في الملاحظة والا في ورقة الدعوات اللي تبغيها عشان ماتسرحي ولا تنسي
وكرري الدعوة كثير لاحظت اكثر دعوة تستجاب هي اللي تكثري من ترديدها
والله كل سنة اغير دعوات جديدة عشان اغلب اللي دعيته خلاص جا وتحقق
وامدحو الله قبل الدعاء واثنو عليه واحمدوه بعدها استغفري من ذنوبك وصلي على النبي وابدي ادعي ادعي ادعي لاتتوقفين
وكل ماحسيتي تعبتي او جاك فتور تذكري انه هذا اليوم يمكن هو اللي ممكن يغير مسار حياتك كلها وبترجع الهمة ترتفع
حبيت اشجعكم على حاجة انا شفتها بعيني وحبيت الخير لكم معايه 💝
ويارب يحقق امنياتي وامنياتكم وامنيات المسلمين كلهم