قصتي

سلام عليكم ورحمة الله وبركاته
انا مهانة عمري ٢١ سنة وهيدي قصتي
بلشت قصتي من انا وعمري ١٦ سنة وقت طلعت من بلدي الى بلد الغربة تعرفت على ابن خالتي هونيك حبينا بعض فترة وبعدين حكى امي يلي بتكون خالتو انو بدو يطلبنيي للزواج اول شي ماما وافقت بس بعدين قالت انو لازم تحكي أبوها اكيد حكى البابا بس البابا رفض لان هوي اكبر مني ب ١٤ سنة من بعد معاناة كتيرة مع الاهل ومشاكل كتييير وافقو اهلي وتمت الخطبة بعد فترة قصيرة غيرو رأيهن وانفسخت الخطبة بس انا هون صرت احكي معو بالسر ومن كتر التعلق في قررنا نروح خطيفي طبعا انا هون صار عمري ١٨ يعني سنتين معاناة بهل الموضوع رحت لعندو وكتبنا الكتاب وتزوجنا ...ضليت سنة ونص تقريبا ما احكي مع اهلي ولا اعرف عنهم شي بس كنت اعرف اخبارهم من بعيد .. حملت في ابني عمر ويوم الولادة نزلت الماما عشان تكون حدي ومن بعدها صرنا نحكي عادي ولكن تواصلي معن كان كتير رسمي شفت قديش هني مقهورين زعلانين بسببي .. بعد ما صارت علاقتي معون شبه جيدة ومن بعد ما اجا ابني عالدني صارت الماما واخواني يقلولي انت زواجك ليس صحيح (باطل) الله اعلم اذا الكلام مزبوط صرت اتصل بشيوخ ورحت عجوامع واسؤل ما خليت حدا بس كانو كلن يقلولي زواجك صحيح ولكن اهلي بس يسؤلو الجواب يطلع انو غير صحيح طبعا اهلي واهلو ما بيحكو ابدا مع بعض مع انو نحنا قرايب امي وامو اخوات .. هو معاملتو معي جيدة جربت كتير انو صالحن مع بعض ولكن دون جدوى تعبت انا وبعيدة عن اهلي هلق بطل في تواصل قلي ٣ سنين (زواج)عم عاني من هذا الموضوع اهلي ابدا ما بدن هذا الانسان ليس فقط لأنه اكبر مني ب١٤ سنة ولكن هني جربو بالخطبة ولكن ما نجح وقالو انو مستحيل مامتك على بنتناانا هلق مش مبسوطة بالرغم انو بتعملي يلي بدي يا بتحبني كتير بس دايما بفكر باهلي مع العلم انو اهلوكمان كتير عملة مشاكل بأيام الخطبة
ياريت اي نصيحة او شو رايكم اعمل..