قصتي أتمنى كل بنت تقرأها(نزيف بصمت)

بسم الله الرحمن الرحيم
السلام عليكم ورحمة الله وبركاته
بدخل على طول في قصتي أنا بنت عمري 22 سنة المهم كنت في احد برامج التواصل الاجتماعي كانت بدايتي طيبه ومافي أي مشاكل وتعلقت كثيير بالموقع وحبيته من الأشخاص اللي فيه و كنت أوافق على الإضافات للصداقة من دون ما أفكر أو أخاف من شيء بس طبعا كنت أحط حدود للخاص ما اتكلم مع احد واذا احد حسيته مو زين ويتلقف وقليل أدب احذفه على طول كنت مره محافظة وقعد ممكن سنة على ذي الحال وكان عندي مجموعة صديقات من أروع ما يكون المهم كان عندي أمنية أتعلم تصميم المقاطع والصور اللي محمسني اتعلم كان عندي واحد في الأصدقاء يصمم وأشوف تصاميمه في صفحته مره رهيبة فقلت راح اسأله واحسه شخص محترم من يوم أضفته وهو محترم معاي المهم سألته و علمني بس كان عندي مشكلة ما اعرف افتح قناة في اليوتيوب لاني ودي انزل تصاميمي وتردد كثير قبل اطلبه يفتح لي بس قلت بس هالمره يسوي لي وخلاص ما راح اطلبه أي شيء قلت له وعمل لي قناة وطلب ايميلي خفت كثير ياربي كيف اعطيه احس بيهكره واستسلمت وعطيته عشان نفسي في القناة المهم وهو كان يعمل القناة قال لازم رقم الجوال أنا قلت له خلاص ما ابغي قناة شكرا



لزم عليه وقال ادري من حقك ماتثقي فيني ورقم جوال صعبة تعطينه غريب قلت ايه قال والله اوعدك ما يجي مني شيء وحلف لي المهم عطيتته !! لاني كنت مرره نفسي في قناة وعمل لي قناة وشكرته وقالي والله الرقم اللي عطيتيني ما حفظته وش ابغي فيه قلت شكرا اخوي المهم مرت فتره طويلة وعملت مقاطع كثيرة كان هو يحفزني وكان ينبهر بتصاميمي ومرت شهور ولا جاني إزعاج على رقمي ولا جاني شيء كبر في عيني كثير حسيته جداً إنسان ثقة وحبيته !! بس طبعاً ما يعرف إني أحبه كل كلامي معاه رسمي ولا شئ يدل إني أحبه المهم جيت مره فتحت الموقع ابدخل صفحته وما لقيتها !! و أدورها وأنا بنجن ولا لقيتها طلع مقفل حسابه ما ادري وش السبب ولا ادري وين راح تعبت كثير ونفسيتي تعبت شهرين نحفتت كثيييرر تغير شكلي مرره شاحبه كاني مريضة وأبوي كل يوم يقولي بوديك المستشفى يسوون لك تحاليل نطمن وانا ارفض , بعد شهرين رجع ما صدقت أنه رجع حسابه ما أرسلت له ولا سألت عنه ولا شيء يكفي أنه موجود وفي قلبي عتبانه عليه كثير كيف يقفله بهالطريقه وياليتني ما عرفته بعدين أرسل لي رسالة مافي الحمد لله على السلامة ولا شيء قلت الحمد لله على السلامة قال بس الحمد لله على السلامة ما وحشتك ! أجل برجع اقفل حسابي أنا أول مره احد يتكلم معاي كذا ولا اتهاوش معاه كتبت بسرعة وش فيك أنت وين كنت حرام عليك خوفتني عليك ضحك وقال كل هذا بقلبك ومخبيته قلت أي خفت عليك وش صار لك !! قال ظروف قلت طيب الحمد لله ورجعت و أستاذنت منه وانا بطير من الفرحة وماني عارفه اللي سويته غلط يوم قلت له اني خايفه عليه المهم مرت الايام ووقالي بقفل حسابي أنا وقتها ماني عارفة وش أسوي قلت له والسبب قالي ظروف قلت الله يخليك اترجاه ما يقفله قالي هذا ايميلي وهذا رقمي اذا حابه تطمني عليه دقي او ارسلي على الايميل او الرقم مر أسبوع و انا نفسيتي تعبانه جيت ارسلت له على ايميل عندي ما يعرفه وقلت له السلام كيفك على طول ارسلي وقالي عرفتك انا بخير أنتِ كيفك أنا ما رديت عليه مرهقه ومتعبه منه وقلت يكفي أنه رد عليه وهو بخير وبعدها لقيت له رساله من الموقع فتح حسابه وقال انتي اللي ارسلتي لي وارسلت لك ليه ما رديتي عليه قلت له ماله داعي يكفي اني عرفت انك بخير قالي حالتنا صعبه أنا ما ابغي ابقى في الموقع وانتي ما تبغين نتواصل جوال كيف نطمن على بعض قلت يكفي من الايميل خلاص تبغي تقفل قفل قالي باي وخرج وقفل وأنا فاقده كثير اشتقت له مره ما ادري كيف صرت كذا كيف احد قدر يتحكم في مشاعري كيف اجري وراه وانا اللي ما اعطي احد وجه أو يلفت نظري أحد أنا البنت المؤدبة الخلوقة تحب واحد عبر موقع وميته عليه ماني مصدقه كيف صرت كذا , المهم بعد فتره ارسلي ايملي هذا ما راح ادخل عليه راح اقطع النت نهائي اذا في أي شئ نتواصل على الجوال سلام مرره جنيت وقلت كيف أغامر وجوال وين بنوصل معقولة بصير مثل البنات اللي أقرأ عنهم قصص و مرت ثلاث ايام ولا حس ولا خبر استسلمت ارسلت له على الجوال وما مرت ثواني الا وارسل لي وقالي كنت حاس انك اصيله وما راح تتركيني قلت له انا ارسلت اطمن بس لا أكثر المهم تطور كلامنها وقالي ابغي أكلمك وطبعا أنا وربي من النوع الخجول مره حتى المطاعم استحي ادق اطلب ولا البقالة ما اكلم رجال ما اعرف احس صعب اني اتكلم حتى في المحاضرات في الجامعة اخجل أشارك مع الدكتور ومره نقصني الدكتور درجات لاني رفضت أقوم أجاوب والحين اكلمه كيييف قلت له اقنعته ما رضى وزعل عليه وبعد كم يوم وافقت وقلت له بشرط بسرعة والسلام وكيفك واسكر قال طيب كلمته وانا مرتبكه مره كان صوت رجال حقيقي جد وخفتتت حسيت صوته اربكني ماني مصدقه انه هذا اللي كنت احكي معاه ما عمري تخيلت صوته كيف يكون وسلم ورديت السلام من سكوتي شك اني مسكره الخط !, المهم ما قدرت استحمل دقيقة قفلت وقلت له الله يخليك خلاص هذي أخر مره زعل وقالي افا بخيله عليه قلت أي شيء تبغي تسولفه كتابه قال لا المهم ما ابغي ازعله كله ولا زعله ادوس على نفسي وعلى ضميري, طبعا طلب صوري وصارت مشاكل على الصور وتركني هجرني وحرق قلبي عليه واخر شيء استسلمت واعطيته أهم شيء لا يتركني وكل هذا و أنا قلبي متقطع بعت ديني ربي وش بسوي فيني بيفضحني بروح النار أنا ما استاهل اقول اني مسلمة وبعد زعلي انه ربي ما راح يرضى عليه وانا باقي على علاقة معاه حتى أهلي ما استاهلهم استاهل اموت وأكثر من مره أقرر نترك بعض لما يطلب مني طلبات صعبه لاني ابغي اتوب تعبت من الذنوب تعبت من كل شيء وبعد قراري ما يمدي نص يوم الا ادق عليه وابكي ابكي على حظي وعلى حالي وكيف اني ضعيفة وارجع له بكل انكسار بكل ذل اني ابغي اكون معه ,كنت دايم المح له إني ابغى يتزوجني بس كان يستعبط ولا كانه يفهم واسكت اقول انتظره هو يقول كان عندي ثقه انه يبغيني زوجه له من كثر حبه لي وقتها راح يرتاح ضميري ويكون زوجي بالحلال واقدر ارجع لربي ويسامحني على أي شيء سويته لانه يكون وقتها خلاص زوجي المهم خطبني واحد من برا العائلة واهلي موافقين انجنيت كيف اتزوج واحد غير حبيبي كلمته كان حزين جداً وقالي ارفضي قلت اكيد برفض انا ما ابغي الا واحد احبه ويحبني طبعا كنت احلم كثير ومره متأثرة من الافلام اللي نشوفها سواء طبعا كنا كل يوم خميس نحدد فلم نشوفه سواء مع بعض هو في بيته وانا في بيتي بس نسهر سواء من وراء الشاشة كانت احلى اوقات في حياتي لما اكون معاه بدون ما يطلب مني صور بس لما كان يطلب اتعب وتتعب روحي احس اني حقيرة خلاص يكفي بموت نفسي اترجاه كثير ويزعل واراضيه المهم أكثر من مره يقولي بيسافر ويجي المنطقة اللي انا ساكنه فيها ويوعدني انه بيجي كنت افرح فكرته بيجي يخطبني بس قلت هو يقول من دون اسأله بعدين جاني مره وقالي خلاص انا جهزت كل شيء للسفر وبجي منطقتك فرحت كثير وقالي شوفي بجي عند بيتك و انتي اركبي السيارة نروح اقرب كوفي أو مطعم أو البحر ! او اذا في مجال و أهلك طلعو برا البيت أجيك !! قلت من جدك انت قال ايه لا تزعليني بكيت وعصبت قلت انا ارخصت نفسي صحيح بس اكثر من كذا خلاص انا تعبت قال كل هالفتره تكذبين عليه وتقولين اني حبيبك وبتسوين أي شئ عشاني قلت له مع السلامة وسكرت الجوال بعدين سافر وجاء منطقتي وصور لي صور منها وما جاب سيرة اننا نتقابل المهم ورجع منطقته في هذي الفتره تعرفت على بنت طيبه في البلاك بيري وطبعا بس اضيف بنات في البلاك بيري ومرتاحه كثير اضفتها عندي وبالصدفة سالتني عن شيء بعدين سولفنا وحسيتها طيبه واقدر احكي لها قصتي وممكن تساعدني وقلت لها ونصحتني وقالت احذف رقمه واحذف البرنامج اللي كنا نتراسل مع بعض فيه واقطع علاقتي فيه بسرعة شجعتني كثير ووعدتها وقالت لي اطمنها عليه واقولها الاخبار ووبعد ساعة من كلامي معاها ارسلت لها ابكي واقو لانا كذابة مقدر اوعدك اني اتركه جبانه ضعيفه مرره أحبه مقدر اتركه مره وقفت معاي وشجعتني بعدين عطتني فكرة وقالت لي قولي له انك انخطبتي وانه اذا تم كل شئ مستحيل تتراسلي معاه لان بتحصل لك مشاكل وشوفي وش يرد عليك اذا يحبك جد بيزعل ويجي هوه يطلبك وما يخليك المهم اخذت نفس عمييييق وقلت ارسل له وشوي الاقيه يدق وقال من جدك انتي قلت له ايه انخطبت قال تحبينه قلت ما اعرفه من طرف خالتي قالي طيب كيف تتركيني انا لو بتزوج ما راح اتركك بنضل نتواصل ونشوف قلت من تتزوج قال لسه ما صار شيء الأهل يشوفون لي و أنا قلبي تقطع عليه فكرة يبيني طلع بس يقضي وقت حرق قلبي قلت وأنا قال انتي حبيبتي وعمري وحياتي قلت وزوجتك قال زوجتي هي زوجتي قلت ما ابغيك تتزوج وانا المح له أنا ابغيك لي قالي لسه باقي وقت المهم لا نضيع الوقت خلينا نحب بعض أكثر قلت ما ابغي احبك أكثر أنت لو تحبني كان طلبتني اتزوجك ما رد قفل الجوال بوجهي وأرسل لي بعد كم يوم ما توقعتك توصلينا إلى هنا انتي خاينه ارسلت والله ما عمري خنتك أرجوك ما ابغي نكره بعض ما رد عليه ولليووم و أنتهى كل شئ انكسر قلبي معه أول شهور بدونه كانت أصعب أيام حياتي الحين مرت سنة بس أهم شيء إني رجعت لربي اتوووووووب واتوب عن كل شيء شعور صعب انه ضميري يتعبني على اللي سويته بس تبت وربي تبت والله يتقبل توبتي والله يجزاها الجنة البنت اللي وقفت معاي وساعدتني وللان معي . وفي نهاية قصتي أرجو ما احد يدعي عليه و أرجو ما أحد يدعي عليه أدعو لي الله يثبتني و اعتذر على أسلوبي في الكتابة ما اعرف اكتب بس حبيت أوصل الرسالة هذي لكل بنت عشان يا بنات تتنبهون وتحذرون ولا تعطون احد مجال يدخل في حياتكم او مشاعركم على طول اذا حسيتي نفسك تنجذبي ل احد في موقع شيء اخرجي من الموقع واذا كنتي متورطه في علاقة أولسه في بدايتها احذفي كل شيء يتعلق فيه وانهي اي طريقة توصلك له وحاولي ترافقي صديقة صالحة ترشدك وتعلمك الصواب وتوقف معاك والله الحافظ استعيني بالله انه يفرج همك وربي راح يكون معاك ما يتخلى عنك أنتبهو يا بنات من العالم الوهمي والحب المزيف .