صباح الخييييييييير
السلام عليكم ورحمة الله وبركاته
بقولكم قصتي أنا وزوجي مع الصدقة ويعلم الله أني ماكتبتها
إلا عشان أفيد ناس كثير محتاجين لمثل هالمواضيع مع أنتشار
الأمراض والفقر وغلاء الأسعار وقلة الزواج وتأخر الإنجاب
أتفقنا أنا وزوجي نتصدق كل شهر من الراتب
بمبلغ 50 أو 70 أو 80 ريال كل شهر يعني ماحددنا مبلغ معين
مره 43 ومره 68 ومره 89
المهم التبرع عن طريق النت من بنك الراجحي
لأن الراجحي حاط حسابات خيرية للتبرع وأنتي تختاري رعاية أسر
السجناء أو دار أيتام أو علاج الكلى أو السرطان أو تحفيظ القرآن
وتحطي المبلغ اللي تقدري عليه وهذي الصدقة لنا عليها يارب لك الحمد 8 أو 9 شهور تقريبا
المهم راتب زوجي كان 2500
حصل زوجي على ترقية وصار راتبه 3500ريال ماشاء الله
وبعد كم شهر أعطوا كل موظف في العمل 500 ريال بدل غلاء كل شهر يعني صار راتبه 4000ريال
ربي رزقنا بالحمل وأنا في أتنظار مولودي القادم عسى ربي يتمم لي على خييييييييييير
تخيلوا يابنات والله صار لنا أشياء ربي بارك لنا فيها منها
أنبوبة الغاز والله يابنات لها شهرين ماخلصت رغم أني كل يوم
أسوي فطور وغداء أوعشاء
وأغراض البيت كنا نشتري ب300 ريال وماتكفي
والله أننا الحين نتقضى ب200 ريال وتبقى للشهر اللي بعده
صرنا يابنات نقدر نشتري ذبيحة في السنة مرتين أو3 رغم أنا قبل
نجلس سنة وسنتين ماشفنا اللحم إلا من الناس في عيد الحج
والله يابنات أهلي وأهله مستغربين كيف أحنا عايشين رواتبهم 7 آلاف
و11 ألف ويتصلون على زوجي نهاية الشهر يبغون سلف 100 ريال
والله لو أحكي لكم طول اليوم ماأوفي الصدقة حقها
ويعلم الله أنكم أول ناس يعرفوا عن صدقتنا
لأن زوجي محلفني مانقول لأحد نعرفه عشان تكون خالصه لوجه الله
يابنات اللي عندها مريض أو تأخر زواجها أوتتمنى الولد أو البنت
أوتعاني من أي مشكلة لاتتردد في الصدقة هي وزوجها وأمها وأهلها
وأهم شي تكون في السر
والله يابنات حصلت لي أشياء كثيرة أنا وزوجي ماكنا نتخيلها في يوم من الأيام الله يديمها علينا
وهذي الطريقة عن طريق بنك الراجحي
الطريقة
تدخلي على حسابك اللي في الراجحي اللي
على موقعهم الإلكتروني
تختاري حوالات ثم تختاري إلى حساب خيري
ثم تطلع لكم 3 مربعات الأول رقم الحساب
والثاني تقسيم الجمعيات تختاري واحد منها
مثل جمعيات البر وإذا أخترتي يفتح لك مربع
جديد فيه كل جمعيات البر اللي في مدن ومحافظات
المملكة تختاري وحده منها
وفي المربع الأخير تحطي المبلغ اللي بتتبرعي فيه
وتسوي تأكيد وبس
ماكتبت هالموضوع إلا لمحبتي لكم ويعلم الله أني أتمنى دائما أشوفكم بصحة وعافية
وتذكروا أحاديث الرسول صلى الله عليه وسلم
مانقص مال من صدقة
داوو مرضاكم بالصدقة
الصدقة تطفى غضب الرب وتدفع ميتة السوء
سبحانك اللهم وبحمدك أشهد أن لاإله إلا أنت أستغفرك وأتوب إليك
يلزم عليك تسجيل الدخول أولًا لكتابة تعليق.
الصفحة الأخيرة
وربي يقووومك بالسلامه ويتمم عليك